Monday, April 9, 2007

Home Party...WAMA

يتشرف المعهد العالي للفنون المسرحية بأكاديمية الفنون بالهرم بإقامة حفل غنائي يوم الأربعاء الموافق
11/4/2007
الساعة 7 مساء
ويقوم بإحياء الحفل فرقة واما
وطبعاً يا جماعة آسف لأن العزومة جت متأخر.. الدعوة عامة.. جميع البلوجرز ينوروني يوم الأربع بإذن الله
الساعة سبعة قدام باب المعهد.. واللي هينورني يقولي بس يسيب كومنت صغير واللي مش هيقدر ينورني
علشان مش أزعل يحط كومنت يعتذر برده علشان يبقى عمل اللي عليه
يا جماعة هيبقى يوم جامد
والدعوة عااااااااااااااااااااااامة وعلى الحاضر يعلن الغايب
***
فيه ناس ميعرفوش المعهد للأسف فطبعاً لازم أسهل ليهم الطريق
شارع الهرم، ومبي، آخر شارع جمال الدين الأفغاني
وأسأل على معهد الفنون المسرحية واللي يسأل مايتوهش
***
اصحابنا اللي بييجوا بالمترو لازم أسهل عليهم برده
محطة الضواحي "أم المصريين" تنزلوا السلم شمال تركبوا عربية خاتم المرسلين
قولوا للحاج السواق عاوزين ننزل عند قاعة سيد درويش
دي الأكاديمية
بس ودور عالباب هتلاقيني واقف مستنيك ببص في الساعة بغيظ لأنك اتأخرت
بقالك ساعة بتسأل
مش هسهلها أكتر من كده
***
قابلوني قدام الباب اللي قدام ستوديو المدينة مباشرة
الساعة 7 مساء
ودي نمرة تليفوني علشان أسهل أكتر
0108931381
بيتهيألي مفيش أسهل من كده
Waiting for you
اللي مش هييجي هزعل منه
-----------------------
تحديث
بسبب السؤال اللي اتكرر من ناس كتير
الإجابة أهه
Free الحفلة
بيتهيألي عداني العيب

43 comments:

MoHaMeD HoSSaM said...

بالطبع ساكون موجودا

المهم البضاعة محدش ياخد خبر بيها
واحسن حاجة انك خلتها يوم الحفلة
عشان التمويه

كلمة السر

الفيل فى المنديل

shahrzad_storry teller said...

كن على عيني يا حبة عيني
انزل من اسكندرية للقاهرة
عموما الجايات اكتر وربنا يسهل ومش تزعل ارجوك
plz

Yasmine Adel Fouad said...

المشاريب على حساب مين ؟

إبـراهيم ... said...

أنا برضووووو كان على عيني يا حبيب قلبي !!! ، بس للأســــف أي حاجة ( أي حاجة) يوم الأربع الساعـة 7 مقدرش أحضرها !!!


لأني ... بسعولة ، وبطاطس ، ببقى × الكورس


يبقى تدعي لي ....


الفيل ف العربية

Anonymous said...

شكراً يا بوب
مجهودات يثنى عليها
نشوفك بخير

ibn nasser - ابن ناصر said...

ههه لو كانت رجلي مش مكسوره كنت جيت
خيرها في غيرها
تحياتي

3ashe2elro7 said...

و الله يا هيما انا لسه دلخل و شايف البوست الجديد و بجد كنت احب انى احضر بس اهوه معلش تتعوض ان شاء الله و نتقابل و نتعرف انا اخدت رقم التليفون و لو تسمحلى اكلمك و نتعرف هاتفيا على الاقل المرحله دى

heba said...

أنا فرحت جداً جداً لما لقيتك عازمني يا ابراهيم وأنا مش قاهرية على فكرة بس المشكلة مش في المكان .. لو انا عايزة اجي هاجي .. المشكلة ان عندنا في البيت مبيسمحوش خااااااااالص بخروجات زي دي .. نهائي

ان شاء الله متعوضة يا إبراهيم
ومش هقولك متزعلش عشان أنا نفسي زعلانة

بنت الحياه said...

واما يا ابراهيم :)

وانا معزومة؟

ويل .. أنا للأسف مشغولة جدا

لو كان مرسيل واللا اسكندريلا ..
أو حتي وجيه عزيز كان ممكن ..

بس أديك شايف الريسيرشات عايزة دماغ..
وانا بحاول
ادعيلي يا أستاذ
ان شاء الله أكون هناك المرة الجاية..
:)

Anonymous said...

كان على عينى بس المشوار ده سفر بالنسبالى يا ابراهيم من مدينه نصر فما باللك بقه متاخر
عامه خيرها فى غيرها
انا كمان زعلانه لانى كان نفسى احضر اوى
سلام

إبراهيم محسن said...

محمد حسام

كيفك بوباية
هستناك يا معلم
بس القرش اتبل وماما غسلت البنطلون وهو جواه.. معلش
انت هتطلع علينا سمعة
محدش يصدق يا جماعة ده هزار أطفال زي محمد حسام
سلام يا بوبي

إبراهيم محسن said...

شهرزاد

مممممممم
انا معرفش انك من اسكندرية أصلاً
وبعدين ايه المشكلة دول هما ساعتين
نفس الوقت اللي بيقطعه واحد جاي من مصر الجديدة
وبعدين متخافيش هوصلك
ما انا بروح اسكندرية برده
بس لما أفضى

انا زعلان مش هكدب يعني
سلام بس الحفلة الجاية مش هتعدي عليكي

إبراهيم محسن said...

أنا حرة

ياسمين بتتكلمي في مشاريب
صدقيني تعالي وهدفع أنا لو تحبي
بس في حفلة وجيه عزيز هتعزمي كل المدونين عالعشا
أوك
انا بحب الجمبري
سلام

إبراهيم محسن said...

إبراهيم معاه

كل الناس انشغلت فجأة
عااااااااا
ماشي يا هيما بتروح سينمات بس
ينفع
مش هفوتها

هدعيلك
وسيبك من الفيل ده بيودي في داهية
سلام

إبراهيم محسن said...

Wama

يا حبايبي
ايه التواضع ده بس؟
ده شرف كبير ليه والله
بس انا عارف ان الفعلة دي مش فعلة واحد
مين فيكوا؟
لازم اعرف حبيبي من عدوي
:)
اوك يا رجالة عاوزكوا ترفعوا راسي
سلام ودي أقل حاجة عندي

إبراهيم محسن said...

ابن ناصر

ممممممم ألف سلامة والله مكنتش اعرف
كنت أجلت الحفلة شوية هو انا عندي كام ابن ناصر؟
:)

اوك ربنا ياخد برجلك وتقوم بالسلامة
المرة الجاية مفيش حجج
سلام

إبراهيم محسن said...

عاشق الروح

طبعا يا حبيبي ده شرف ليه اننا نتعرف
بس انت قلت مش هتيجي ومقلتش السبب
ده يجوز
لكل شئ سبب
انا عامة مش هعديها
لما تكلمني هزعقلك
:)
سلام

إبراهيم محسن said...

شمس

انا مقدرش والله معزمكيش انا عندي كام شموسة يعني؟

مش قاهرية؟ طيب منين بقى؟
هتطلعي جيزاوية هزعل
:)

اصل الناس مش عارف فجأة كلهم بقوا مشغولين ومش قاهريين
:(

اوك طبعا البيت اهم لازم تسمعي كلام بابا وماما بس خلاص تتعوض
بس لازم اعرف انت منين برده

اوك انا زعلان جداً
كان نفسي نورك الطاغي يغمر ليالينا

إبراهيم محسن said...

بنت الحياه
:)

يعني انت بتزعلي الناس منك
يعني هو مفيش كلام على وجيه ومارسيل طبعا
انا نفسي بعشقهم
بس الناس دي خدي بالك هيقروا كلامك
:)

اوك عامة انا بنظم حفلة لوجيه عزيز في خلال اسبوع أو حاجة واكيد هتشرفيني
على فكرة احتمال برده واما يكونوا موجودين ساعتها بيحبوا وجيه برده
وساعتها هقولهم ان انتي بنت الحياه اللي بتشكر فيهم
:)

اصلي فتان قوي
ربنا يوفقك انا عارف انك بيطلع عينك
بس زعلت انك مش قريتي الحلقة التانية من حديث اذاعي
يعني لا بتقري ولا هتيجي الحفلة
هزعاااااااااال
سلام

إبراهيم محسن said...

شيماء

مشوار طويل ايه بس
دي هي ساعة
وهنخلص بدري متقلقيش
ومتخافيش اصحابنا وصحباتنا المدونين هياخدوكي في السكة
وبعدين مش مشكلة هاتي اخوكي معاكي لو عندك أخ يعني
احنا صيف يا جميل
مش مسافة يعني والناس سهرانة والجو حلو
اوك انا برده هستناكي
سلام

LAMIA MAHMOUD said...

مش جاية عيب عليك .. النهاردة كام يا معلم .. ينفع كده بذمتك؟

إبراهيم محسن said...

عامة يا لميا
المعاد اتحدد فعلاً الاتنين باليل
والفرقة مردتش إلا الاتنين
وانا أول ما روحت قلت على طول
لأ وروحت للناس مدوناتهم وما اكتفيتش انهم ييجوا يقروا
وبصي على تاريخ البوست
أما الناس اللي معايا نمرهم كلمتهم
للأسف مش معايا نمر 4000 مدون

شكرا لاهتمامك
وبعتذر عن غلط مش بتاعي

Amr Ahmed said...

انا ان شاء الله

غالبا جاي

استناني بقي يا بوب

افرش السجادة الحمراء

سلاموز

إبراهيم محسن said...

عمرو بيه الكبير

بص يا عم عمرو انت تنور يعني السجادة الحمرا همدهالك من عين شمس لباب الأكاديمية بس لو راجل أمشيها
هههههههههههههه
أوك يا عم هستناك والمشاريب عليه أي خدمة

سلام

reri said...

أنا لسه شايفه الدعوه يا إبراهيم... وصعب جدا إني آجي ولو إني كنت أتمني لأن والدي جاي من السفر بكره... بس عندي سؤال وطلب... السؤال إيه علاقتك بفريق واما... والطلب إنك تسلم عليهم لأني بحبهم أوي خاصة محمد نور

سلامي ليك يا إبراهيم

shimaa said...

معلش يا جميل المكان بعيييييييييييييد قوي عني و الميعاد متأخر ..
thx anyway 3la el invataion ..w wish u have a nice time isa...
mtz3lsh b2a

shimaa said...

am sorrrrry lesa shyfa el invitation nw:(

الزعيـمة said...

ميرسي يا ابراهيم على الدعوة
بس فعلا جت متاخرة
اتمني لكم وقت سعيد

وعايزين حديث اذاعي جديد

تقبل ارق تحياتي

شجره الدر said...

اهىء اهىء كان نفسى اجى
بس عندى شغل لغايه الساعه 8
معلش بقى خيرها فى غيرها
وعلى العموم شكرا على الدعوه

إبراهيم محسن said...

reri

مممممممممم
حبكت بابا ييجي من السفر يعني يوم الحفلة.. ما كنتي تقولي له يأجلها شوية
:)
عامة حمد الله على سلامة بابا وبإذن الله تتعوض الحفلات جاية كتير

وإجابة سؤالك فريق واما زمايل دراسة .. كلها أكاديمية واحدة.. وكلهم على فكرة أهلاوية جامدين

أما الطلب فده كان نفسي انت تعمليه انك تيجي تسلمي عليهم بنفسك.. بس من عيوني أنا هوصل السلام مربع للاربعة ومخصوص لمحمد هو انا عندي اعز منه
:)

سلام يا ريري

إبراهيم محسن said...

شيماء

المكان بعيييييد عنك قوي؟؟
انت ساكنة فين؟؟
ده احنا في الهرم يعني مش بعيد

وبعدين الوقت متأخر
ههههههههههه
عاوزة حفلة فنائية تتعمل قبل سبعة مساء
:)
احنا عاملينها بدري قوي مراعاة لظروف الطلبة الغلابة.. وسبعة مساء يعني بعد المغرب بتلت ساعة
يا جميل تعالى وانا أجيبلك هليكوبتر مخصوص تروحك للبيت.. هو انا عندي كام شيماء
:)

انا والله قلت ابعت الدعوة مخصوص ليكي في المدونة علشان خفت متفتحيش مدونتي والوقت ضيق بس معلش غصب عني.. المعاد جه فجأة.. بس هقولك إيه انا زعلان

عامة تتعوض والمرة الجاية مفيش حجج
سلام

إبراهيم محسن said...

الزعيمة

ميرسي إزاي والله يا ستي دي أقل حاجة.. المفروض تزعقيلي علشان جت متأخر

بس انا زعلان علشان مش هتيجي.. والله هحس بالذنب.. أصل المعاد أتحدد قبل ما اكتب الدعوة بساعتين مثلا
أول ما حددنا المعاد جريت كتبت الدعوة

بجد انا زعلااااااااااان
خلاص تتعوض مش هتفلتي من حفلة وجيه عزيز ان شاء الله لو تمت بخير

اوك بقى الحلقة التالتة في طور التحضير
ربنا يسهل وتعجبكم

وشكراً يا عزيزتي لاهتمامك بشخصي المتواضع

إبراهيم محسن said...

شجرة الدر

اهئ اهئ وانا كان نفسي تيجي بس يا خسارة مفيش نصيب

مش هتفلتي من حفلة وجيه عزيز بقى وتاخدي أجازة مليش دعوة

انا عارف انك ملكة كبيرة ومتوجة ومهام المنصب تمنعك من الترفيه.. بس يا جميل ان للحفلات عليك حق.. اعتبرينا الرعايا في مملكتك
اوك
قريبا
انتظري المزيد

الأرمـوطــي said...

انا ان شاء الله جاى وهجيب معايا راغب علامة ومصطفى قمر بس الله يسترها معاك لو كان هانى شاكر هناك مش هقدر اجى عشان عامل معاه تتش ومعلش احنا بنتكلم

Anonymous said...

الأرموطي

يعني هو هاني شاكر ده عامل مشاكل مع الناس كلها.. هات يا عم الناس بتوعك بس يا ريت تبعد عن بوش أنا عارف انه حبيبك بس وحياة والدك مش عاوزين تتشات بينا وبين أمريكا

ومعلش انا اللي بتكلم

Anonymous said...

wished i could come!:(

enjoy your time insha Allah :)

Reemo said...

بجد حلو اوى فكره انك تدعى البلوجرز يا ابراهيم
ده بيدل على انك انسان طيب من جوه
بس انت نسيت ان فى بلوجرز كتير من من كايرو وصعب انه يحضروا وخاصه انك قلت قبلها بوقت قصير
بس بجد لفته جميله منك
اتمناك وقت سعيد
تحياتى ليك

Abd El Rahman Magdy said...

معلش يا باشا مش هاقدر آجي
أعمل إيه بقى ثانوية ودروس وهم
على العموم تتعوض إن شاء الله
سلاااااااااااام

إبراهيم محسن said...

epitaph

انا كمان كان نفسي انت تيجي.. بس انت قلتي انك مش هتيجي ومقلتيش سبب

كده هزعاااااااااال

عامة شكراً والحمد لله كان يوم لذيذ واتبسطنا

اشوفك الحفلة الجاية

إبراهيم محسن said...

reemo

ربنا يخليكي بجد أنا بس بحاول اتعرف عالبلوجرز في جو جميل بعيد عن النت.. يعني أهوه نقضي يوم وفرصة

معلش الموضوع اتحدد الاتنين الساعة واحدة بالليل
يعني التلات صباحاً
والحفلة الأربع
طيب أعمل ايه؟
اموت نفسي
انا كتبت البوست التلات الساعة تلاتة صباحاً يعني بعد ما عرفت بساعتين بس

مش مشكلة تتعوض في حفلة وجيه عزيز
هقول قبلها باسبوع

الحمد لله ربنا حقق امنيتك وكان يوم لذيذ وهيصنا وغنينا وكل شئ تمام التمام

شكرا بجد لاهتمامك واتمنى انك تشرفيني في الحفلة اللي جاية
سلام

إبراهيم محسن said...

عبوووووود

إزيك يا عوبد
انا زعلان منك ومريم اشتكتلي منك انك انت اللي حشتها عن الحفلة

محبكش دروس اليوم ده
بس اشوفك قريب في حفلة وجيه عزيز
اوعى متجيش

سلام

عاشقة الوطن said...

للاسف ياابراهيم
معرفتش غير متأخر
ثانيا اصلا مكنش هينفع اجى عندى امتحانات الاسبوع الجاى
ادعيلى بقي

يالا حفلة سعيدة ان شاء الله

وفريق واما فريق حلو
يارب تستمتعوا بالحفلة

إبراهيم محسن said...

عاشقة الوطن

هاااي إزيك
عندك امتحانات؟
ممممممممممممممم
طيب الاسبوع اللي بعده؟؟
حفلة وجيه عزيز
هتيجي؟؟
شكراً بجد لاهتمامك بس زعلان علشان مش جيتي
الحفلة كانت جامدة قوي واتبسطنا
بس زعلت لأن مش جه حد غير اتنين مدونين بس

انا عامة منتظر حفلات أخرى
واما فريق جميل وكمان هم كويسين قوي في الحقيقة
وكمان قمة في التواضع
سلام واراك قريبا