Thursday, April 12, 2007

ده كلام؟؟


في مساء جميل.. وحفل ساهر.. قابلتهم
يوم الأربعاء 11 إبريل
وتحيطنا أسوار أكاديمية الفنون
وسط معاهدها وطلابها
كانوا هناك وكنت معهم
في حفل جميل وليلة جميلة
ولكن قبل الخوض في شرح تفاصيل هذه الليلة الجميلة
أعزائي المدونين إليكم أروي وإليكم أشكو


مساء السبت 7 إبريل
أجلس في مكتب رئيس أكاديمية الفنون بجواري أمين جمال صديقي وأمين اتحاد الطلاب
بجواري أحمد فهمي زميلنا وأحد أعضاء فريق واما
وبين ضحكاتنا عرض عليه رئيس الأكاديمية فكرة حفل بمناسبة عيد الربيع يحييه فريق واما كإهداء لطلاب الأكاديمية
وكعادته بإبتسامة جميلة رحب أحمد فهمي ورفع هاتفه وأبلغ بقية أعضاء الفريق بالحفل
ولكن.. لم يتحدد الميعاد بعد


مساء الإثنين 9 إبريل
الساعة الواحدة صباحاً داخل أسوار الأكاديمية أنا وأمين نتصل بفرقة واما لنحدد الميعاد ونشرف على تعليق البوسترات
وتحدد الميعاد.. الأربعاء 11 إبريل
وطبعاً حاولنا قدر الإمكان أن نمد الزمن.. معنى هذا أن يعلم الطلاب بميعاد الحفل قبله بساعات
ولكن الظروف لم تسنح أبداً
واتفقنا وحددنا وبدأ التجهيز



صباح الثلاثاء 10 إبريل
الساعة 3 صباحاً أفتح باب المنزل وأنا تدور في عقلي مشكلة الوقت
كيف سأدعو الناس بحيث تصل لهم الدعوه في وقت مثالي
وتذكرتكم أعزائي المدونين
كنت أرجو مقابلة أكبر عدد من المدونين ووجدت تلك الحفلة فرصة كي يتجمع فيها المدونين فأسرعت بإدراج بوست في مدونتي
وكلكم بالتأكيد شاهدتموه
حاولت بقدر الإمكان تسهيل الأمور
وقد كان
العنوان تفصيليلاً لو كان المدون بيتحرك بالسيارة
ولو بييجي بالمترو
ولو حد كان بيتحرك بطيارة كنت قلت له يركن فين
كتبت نمرة موبايلي علشان الناس تطمن ولو حد تاه يرنلي وانا أكلمه عادي يعني
وحاولت أسهل على بعض الناس على قد ما اقدر
بعت ليهم في مدوناتهم بلينك الدعوة
وانجي سمراء النيل Skylight وطلبت من محمد حسام وجهة نظر وياسمين
قلت نسرع الموضوع شوية
وللأسف واحد بس منهم اللي حط لينك الدعوة عنده
ومش كفاية
اللي معايا نمرته كلمته علشان يعرف المعاد بدري بدري
ثم كانت الفاجعة
ومن هنا تبدأ شكواي


أعزائي المدونين
منكم وإليكم
أشكو

لامني البعض علشان اتأخرت عليهم ومقلتلهمش من بدري
اذا كنت أنا نفسي عرفت متأخر
البعض قال " لسه فاكر" وانا بعتذرلهم وبقول لسه عارف
البعض تجاهل الدعوه مش عارف ليه؟
بس عادي يمكن غصب عنهم
المشكلة في الناس اللي افتكرتني عامل الدعوة دي علشان ألم ناس وأبيع تذاكر لواما
؟؟؟؟؟؟؟؟؟؟؟؟؟؟؟
وانا فعلاً زعلان جداً من الناس دي
لأني أولا مش استغلالي قوي كده هعزم الناس وامصلح عليهم
WAMA ثانياً
لو عاملة تذاكر مش هتنادي عالناس علشان يشتروا

قلت يمكن الغلط من عندي
واضفت تحديث للبوست
Free قلت
والناس تراجع وتشوف
الأربعاء 11 إبريل
الحفلة كانت روعة وفرحنا الحمد لله
أقدم بقى شكر وباقة ورد لناس أسعدوني
اللي أسعدوني وشرفوني ويارب دايماً للأمام WAMA فرقة
الناس اللي جت الحفلة رغم كل الصعاب
محمد حسام وجهة نظر اللي أساساً مش محتاج شكر لأنه صحبي من زمان وغصب عنه لازم ييجي
بس هو بجد تعب معايا قوي
وأحمد مسلم الأرموطي بجد الراجل ده زي العسل وأقول حاجة بقى
أحمد عمره ما دخل مدونتي ولا دخلت مدونته ومع ذلك عرف الدعوه وجه نورني
طيب الناس اللي كل اسبوع بنخرج مع بعض واللي عارفين نفسهم كويس
مجوش ليه؟؟ طيب معتذروش ليه؟؟
أحب أشكر بقى الناس اللي اهتمت واعتذرت تليفونياً
Heart,Mind and Soul شكر كبير لشيماء
وأحب أشكر الناس اللي اعتذرت كتعليق واللي هتلاقوهم معلقين على البوست واعتذروا


واخدين بالكوا ان اللي جه الحفلة اتنين بس
مش حاجة تزعلني؟
الناس اللي جت عندي بالدنيا لكن أنا زعلان لأني حسيت رغم ده كله اني غلطان برده
لأن الموضوع جه فجأة وفي ناس معرفتش
بس برده زعلان لأن فيه ناس عرفت ومقدرتش وناس اتهمتني بالسمسرة

وأنا مفيش لقاء ولا مقابلة ولا أي حاجة ليها علاقة بالمدونين اللي أعرفهم واللي معرفهمش
اتأخرت عنه يبقى ده جزائي
على العموم الشكر للجميع
وأحب أقول حاجة بقى
أنا جالي اتنين
وعارف شكلهم كويس مش هتوه عنهم
وفيه تلات حفلات بيجهزوا
القادمة حفل استاذ وجيه عزيز ومش هقول المعاد
وحفل محمد منير اللي مش هقول لحد عليه علشان الناس تزعل مني
وحفل احتفال باستاذي واستاذ الفن عادل إمام
يا جماعة اللي جالي حفلة واما هينورني في الحفلات اللي جاية كلها ان شاء الله
واللي مشفتوش معرفوش
:)

طبعاً أنا بهرج يا جماعة الكل هينورني بس انا زعلان من الكل برده
بس زمن الدلع انتهى
حفلة منير هعملها بفلوس للضيوف
بس حاجات عبيطة متقلقوش


أما حفلة وجيه عزيز هتبقى هدية مني ليكو
يعني مش بلم فلوس يا أساتذة
بس حطوا في دماغكوا ان اللي هييجي هيبوس راسي وهيعزمني عالعشا

ماشي
شكراً لجميع المدونين والأصدقاء والفنانين
ويا رب دايماً فرحانين

36 comments:

أنـــا حـــــــــرة said...

ده كلام
بقى ده اسمه كلام
:)

كويس انم انبسطتم
عقابل باقى الحفلات
بس امانه ياراجل
سلام خصوصى للزعيم

MoHaMeD HoSSaM said...

شكرا ليك انت بجد يا ابراهيم

انا بجد اتبسط فى الحفلة واتبسط انى شوفتك

hosnysoliman said...

ولاتزعل يا ابو خليل وانا مستعد لحفلة وجيه عزيز بس ادنى خبر قبلها

Epitaph said...

ولا يهمك
تتعوض علي خير

انا مقدرتشي اجي لاني اولا عرفت متأخر
ثانيا عشان الميعاد مش كان مناسب بأي شكل ليا بس

انما تتعوض

والحمد لله انك تكون انبسط لنا

:))

shahrzad_storry teller said...

عملوها الرجلة ياريتني كنت معاهم
بجد انا مش عارفة أقولك ايه
بس plz
ماتزعلش
انت بني آدم جميل جدا
يا ابراهيم وانا نفسي أعرفك عن قرب
عموما الجايات أكتر
ده |email
بتاعي
azza_faransa@yahoo.com
وبالنسبة لموضوع انك عرفت متأخر انا مقدراة جدا لأني كنت في الإتحاد وعارفة
ده كان أيام ما كان ألإتحاد عندنا إتحاد طلبة مش إتحاد الحزب الوطني
ما علينا نراك على خير يا فنان

شادي فايد said...

بقى انا اجي عندك الاقي زعل

لالالالالا

دي معاتبة

عموما

المعاتبة شيء جميل

وانا عن نفسي لو كنت اعرف كنت جيت من اسيوط مخصوص

:))

تحياتي

REEMOO said...

نا مش عارفه اكيد من الى قال كده اواتهمك بالسمسره
بس انا كنت شايفه انك قلب كبر وطيب علشان تعزم كل الناس
وبجد مش تزعل نفسك انت عملت كده علشان بتحب الناس
يبقى مش تزعل من حاجه كويسه عملتها حتى لو اتقابلت بالوحش
يارب تكون قضيت يوم جميل
ربنا يسعدك

reri said...

مش قضيت يوم جميل... يا بختك ياعم... إن شاء الله المره الجايه ناس كتير هتييجي... ما تزعلش نفسك..أشوفك قريب إن شاء الله يا إبراهيم في حفله من الحفلات الجايه

سلامااااااااااات

الأرمـوطــي said...

شكراً يابو خليل على الكلام الجميل الى قولته عليا وانت احسن والله ربنا يعلم احنا اتقابلنا مرة واحدة بس انت ليك معزة فى قلبى..........مع السلامة

R.R said...

انا اول مرة اعرف مدونتك بعد ما انت شرفتنى فى مدونتى
و مشفتش خالص اى لينك عند مدونيين تانيين
انا كده ابقى بريئه

يا خساره لو كنت اعرف كنت جبتلك ناس كتيييير اصحابى وقريبى بيموتوا فى واما

بس كمان بيموتوا فى منير
ها واخد بالك
:)
ياريت تقلنا على الحفلتين وان شاء الله نيجى


يلا سلام

أميرة البلطجية said...

انا اسفة جدا يا ابراهيم والله..مش تجاهل ولا ظن فيك ولا حاجة..انا بس في ظروف مش لطيفة من كام يوم..حقيقي حتي معرفتش اشكرك ع العزومة
وللاسف انا مكتش حقدر اجي عشان هنا في البيت بقي وانت عارف
عزائي الوحيد انك استمتعت بالحفلة
:)
تحياتي

shayma said...

ابراهيييييييييييييييم
بقى بتغيظنى يا ابراهيم مااااااااااشى :)))
ميرسى على الكلام الحلو ده
واهم حاجه انك اتبسطت
وخيرها فى غيرها ولا تزعل نفسك
سلااام:)

إبراهيم محسن said...

أنا حرة

فعلاً
هو ده كلام؟؟
قولي لنفسك
:)

يا رب بس الحفلة الجاية مش هتفلتي
وبعدين هو السلام على الزعيم سهل كده.. ده انا اسلم على الريس اسهل
:)

متقلقيش من عيني اليمين قبل عيني التانية
:)

إبراهيم محسن said...

محمد حسام

إزيك يا بوباية؟
عامل ايش؟
كويس يا عم انك اتبسطت هستناك الحفلة الجاية
وانا مش هكدب عليك
"صورة واحد بيجز على اسنانه"
بفرح قوي لما بشوفك

سلام يا بوباية

إبراهيم محسن said...

الفنان حسني

منورني يا فنان وانا عارف انك مبتتأخرش عليه في حاجة وهستنى وجودك على أحر من الجمر
ان شاء الله هكلم حضرتك واقولك
سلام

إبراهيم محسن said...

إبيتاف

ميرسي بجد لكلامك الجميل
وانت عامة من الناس اللي علقوا معتذرين يعني انا مش بلوم عليكي خالص

انا بس زعلان من الناس اللي كلمتهم وبعتلهم ولحد دلوقتي حتى التعليق مش حطوه

بس عامة انا بكبر دماغي
هم الخسرانين اعتقد
:))
ميرسي ليكي ويارب يوفق ظروفك مع الحفلة الجاية

إبراهيم محسن said...

عزه

اه والله عملناها
كان يوم جامد الحمد لله
انا مش زعلان منك يا عمنا
هو انا أقدر ازعل منك؟

ياااه بجد ده انا يشرفني ويسعدني جداً إني اعرفك عن قريب وتكون دي أمنية كبيرة
:)

منتظر أقابلك أون لاين
وأقابلك ان استطعتي في الحفلة الجاية

معلش بقى الظروف جت كده هحاول قدر الامكان احدد المعاد بعيد علشان أحظى بأكبر قدر من الناس

شكراً ليكي يا عزه لكلامك اللي أسعدني جداً

إبراهيم محسن said...

شادي

منورني يا شادي بزيارتك الأولى
ويا عم زي ما انت قلت مش زعل مجرد عتاب علشان بس اعتذر للناس برده عن أخطاء مش بتاعتي
ويا سيدي كلهم حبايبي

يااااه
تيجي من اسيوط مرة واحدة
تصدق ده انا أجيب الحفلة والأكاديمية والفرقة والجمهور لحد عندك
انت بتهرج ده انت بجد بتسعدني جدا بالكلام ده

اتشرفت بمعرفتك

إبراهيم محسن said...

ريمو

عادي كبري دماغك من الناس دي اهه عرفت غلطتها وكل واحد عارف نفسه مش ضروري تعرفيه انتي

كلامك جميل بجد ونابع عن قلب كبير بجد بيحرجني ومش لاقي كلام أقدر بيه كلامك

وانا مش ندمان ولا زعلان خالص بس هي مجرد دهشة وعدت من حاجات غريبة حصلت بس يمكن هو عامل الوقت اللي عمل كده

عامة هجرب الناس في الحفلات الجاية
سلام

إبراهيم محسن said...

ريري

هاي إزيك يا جميل منوراني

الحمد لله يوم جميل وربنا يسهل وتكتر الأيام الجميلة

انا اتمنى اني أقابل الناس اللي بحبهم لأني أتمنى اني أشوفهم
واتمنى انك تكوني موجودة
تشرفيني
سلام

إبراهيم محسن said...

الأرموطي


يا عم أحمد الكلام ده كبير عليه
انا اللي قلته عليك قليل بس بجد طالع من قلبي انت انسان جميل اتشرفت بتشريفك ومعرفتي بيك

اتمنى اشوفك كتير
سلام

إبراهيم محسن said...

رانيا
ر.ر

هاي منوراني التشريفة الأولى في مدونتي
مش كنتي تقولي انك جاية المدونة
كنت فرشت لك الطريق من مدونتك لمدونتي ورد
وجربي كده المرة الجاية
:)

معلش بقى انا مدخلتش مدونتك الا بعد الحفلة ويا ريتني كنت اقدر أخش مدونة كل الناس علشان ما أحسش اني قصرت مع حد

تنوريني الحفلة الجاية
أكيد منير بيحبكوا كمان
ومش مشكلة حفلة واما نبقى نعمل لقاء مدونين ونكلمهم يقابلونا
:)
مش هيتأخروا صدقيني هم متواضعين جدا

إبراهيم محسن said...

أميرة البلطجية

مممممممممممم
أميرة انا زعلاااااااااان جدا بس طالما ظروف ربنا يوفقك وتعديها

بس بجد أنا بعت ليكي اللينك مخصوص لأني كنت أتمنى وجودك بجد وزعلت جداً لما لقيتك مش وافتي على التعليق بتاعي الا متأخر لأني حسيت اني انا السبب في عدم تواجدك

بس تتعوض واتمنى تشريفك دائماً

إبراهيم محسن said...

شيماااااااااء

ههههههههههههههه
مش أقصد صدقيني أنا كان في نيتي وانا بكلمك اني احسسك انك معانا مش أكتر مجاش في دماغي خالص انك هتتضايقي
ههههههههههههههه
سوري سوري بس عادي يا جميل أأمر أعملك حفلة بالمطرب اللي تحبه
ده كلام برده؟
:)
على اساس ان كل المطربين تحت أمري
ههههههههههههههه
لأ شاوري وانا أحاول صدقيني
:)
الحمد لله اتبسطت جداً كيداً بقى في زعلوني
بس بجد أنا مش شايل من حد ولا زعلان من حد خالص واعتقد اني بعاتب بس في البوست وبوضح وجهة نظري واللبس اللي حصل بس
لأن صدقيني لو فيه غلط أنا هتحمله وعندي مش عند حد
تحياتي ليكي وشرفتيني
لقاء آخر في حفلات قادمة
منتظر تشريفك يا عم من غير ما أغيظك ولا حاجة
;)

smraa alnil said...

عارف حفلة وجيه عزيز لو مش قلتلي عليها
هاجي اعلقك من رجليك

او افجر نفسي في مدونتك :))

بجد ان شاء الله ناوية علي حفلة وجيه بس قولي قبلها

إبراهيم محسن said...

سمراء النيل

انت يا بت يا انجي ليكي عين تيجي تكلميني
:)

ده انا ناوي أفجرك انتي شخصياً بسبب حركاتك.. مممممم ماشي يا بنت الذين

وبعدين انتي يا بتاعة دكتوراه في حتى قصدي في رمي الرمح تعلقيني أنا؟
بأمارة إيه بقى؟؟

عامة أنا هبلغك بالمعاد وهنشوف
على الله متجيش
سلام

3ashe2elro7 said...

ياريت تبص بصه على اللنك ده يا هيما
gowwana.blogspot.com

إبراهيم محسن said...

3ashe2elro7

أوك انت تأمر
عامة انا بصيت وكويسة الفكرة بس عاوزين موضوعات نار ولو عاوز أي خدمة أنا تحت أمرك

سلام

shams said...

عموماً انا هعمل نفسي مش واخدة بالي ومقريتش حاجة ومتعزمتش من أصله عشان مقعدش ازعلك مني كل شوية واقولك اني مش جاية .. بس مينفعش اطنش برده .. لازم اقولك اني مش جاية وانا على فكرة من إحدى محافظات الدلتا يعني صعععععععب جداً آجي حفلات خالص وبصراحة شديدة حتى لو كنت ساكنة جنب المعهد لزق الحيطة في الحيطة يعني مش هينفع أجي . . شفت بقى

إبراهيم محسن said...

شمس

يارب تطلعي من المنصورة
:)

انا عامة يا ستي لو زعلان هزعل علشان مش هشوفك بس عامة انت تأمري أجيب القاهرة واجيلك لحد عندك
:)

بجد انا سعيد بمعرفتك وانت حد جميل قوي
وعادي بقى اعتبري نفسك موجودة
شكراً يا شموسة

نبيــذ said...

بما انك شكلك واصل كده يا هيما
ماتحاول تأجل حفلة وجية عزيز شهر لحد ما أفك الجبس

وليك الحلاوة
;)

هيثم ابوعقرب said...

صباح الصحافه يا برنس
انا كنت في الحفله برضو
وغطيناها
بس المشكله اني معرفتش
منك
يلا ع العموم الحفله
واحساسك حلو \
انك عايز تبلغ الناس
متنساش
تبلغنا بمواعيد الجاي

The Alien said...

مش عايز أقول ف أعذار
بس بجد ظروفي مكانتش بتسمحلي حتي أدخل علي المدونة بتاعتي
وبما إن الظروف بدأت تتعدل
أنا مستني دعوة حفلة وجيه

تحياتي

إبراهيم محسن said...

نبيذ

ألف سلامة أولا
سمع وجاري التنفيذ حفلة وجيه اتأجلت
بس حظي برده وحش حفلة رامي صبري الاسبوع الجاي سعادتك
:)

حاولي تيجي
:)
عندك رجل تانية
عاوز الحلااااااااااااااااوة

إبراهيم محسن said...

هيثم ابو عقرب

ماشي يا معلم المرة الجاية هشوفك بقى وانت بتغطي الحفلة هستناك

الحفلة الجاية هتبقى لرامي صبري مش لوجيه عزيز بسبب المواعيد الزحمة بس ان شاء الله اشوفك في كل الحفلات

انا هعمل اعلان عن الحفلة ومنتظر
سلام

إبراهيم محسن said...

the alien

حبيبي منورني والنعمة واحشني ياض مشوفتكش من يوم السينما وناسينا خالص

كويس ان ظروفك بدأت تتعدل وأي خدمات انا تحت أمر السيادة

الحفلة الجاية مش وجيه بس هتيجي بقى
أوك
سلام