Tuesday, April 24, 2007

Ramy Sabry.. Home Party



ألف ما شاء الله عليك
يـا جمــالـهـا عـينيــك
يـا قمر نورلي حيـاتي
انـا مــن الليـلة بـدوب
وهــــواك مـكــتـــوب
ولا عمري هتوه في حياتي
يتشرف المعهد العالي للفنون المسرحية بأكاديمية الفنون بالهرم بإقامة حفل غنائي
يوم الخميس الموافق
3\5\2007
ويقوم بإحياء الحفل النجم الصاعد
حفلة واما جه اتنين
وفاكر شكلهم كويس
دول هينوروني المرة دي دون أية مشكلة
اللي غير الاتنين دول
الناس اللي عاتبتهم وعاتبوني
هينوروني بس علشان نتأكد من صفاء النية
هيعزموني عالعشا
متخافوش يا اصحابي يا حبايبي محدش هيدفع فلوس ولا حاجة
بس انا أكلتي خفيفة
ممكن أطلب بيتزا
أو حاجة أخف
زنجر سوبريم مثلاً
ولا يهمكوا انتوا اللي تيجوا بس ونقضي يوم جامد ونتعرف أكتر
انا مش هدفي بجد من الموضوع ده غير اني أعرف الناس اللي بيحبهم ويحبوني أكتر
غير كده لأ
لا انا بزود جمهور رامي صبري ولا يهمني ده في حاجة
أنا يهمني الناس أكتر
يا جماعة جميع البلوجرز واصحاب البلوجرز واخواتهم كمان
الدعوة عامة وضيوف البلوجرز اصحابي
واصحابهم اخواتي
واخواتهم على راسي
الدعوة عاااااااااااااااااااااااااااااامة وعلى الحاضر يعلن الغايب
ونعيد الكلام بتاع الحفلة اللي فاتت للي نسي
وللي مجاش أصلاً
***
فيه ناس ميعرفوش المعهد للأسف فطبعاً لازم أسهل ليهم الطريق
شارع الهرم، ومبي، آخر شارع جمال الدين الأفغاني
وأسأل على معهد الفنون المسرحية واللي يسأل مايتوهش
***
اصحابنا اللي بييجوا بالمترو لازم أسهل عليهم برده
محطة الضواحي "أم المصريين" تنزلوا السلم شمال تركبوا عربية خاتم المرسلين
قولوا للحاج السواق عاوزين ننزل عند قاعة سيد درويش
دي الأكاديمية
بس ودور عالباب هتلاقيني واقف مستنيك ببص في الساعة بغيظ لأنك اتأخرت
بقالك ساعة بتسأل
مش هسهلها أكتر من كده
***
قابلوني قدام الباب اللي قدام ستوديو المدينة مباشرة
الساعة 7:00 مساء
ودي نمرة تليفوني علشان أسهل أكتر
0108931381
دي بس علشان الناس تطمن لحد يتوه ولا حاجة
بيتهيألي مفيش أسهل من كده
Waiting for you
اللي مش هييجي هزعل منه
ويا جماعة الحفلة وقتها مش متأخر
الليل بيبدأ 7 مساء صعب نعمل الحفلة بالنهار
فالناس اللي هتيجي من أماكن بعيد أو خايفة من الوقت
ممكن تمشي وقت ما تحب
وحاولوا تستأذنوا الباباهات والماماهات
طبعاً ده للبنات الشباب عادي صيع زي حالاتي
اللي عندها أخ راجل كده تجيبه معاها
كده ممكن تطمن أكتر
Free والحفلة
بس هو يا دوب العزومة بتاعتي
انا مش طماع
اللي ناوي ييجي وينورني
يحط تعليق صغير يقول انه جاي
أو يتصل بيه مباشرة يبقى اتشرف بصوته
واللي مش ناوي يقول برده
علشان اللي هيتجاهل انه حتى يعتذر
بجد المرة دي هزعل منه
مفيش أعذار
المرة اللي فاتت الوقت كان ضيق
المرة دي قدامنا أكتر من 7 ايام
Cooming soon وانا بقول
بقالي اسبوع
بس علشان المعاد مكنش اتحدد بالظبط
بس قلت أمهد للناس
Updating
------------------
بالنسبة لحفلة وجيه عزيز اللي في نفس اليوم
كان فيه حفلة يوم 18
وحفلة يوم 3 اللي جاي
وفيه حفلة قلت عليها قبل كده
عندي في الأكاديمية
لسه مش اتحدد معادها بس هتبقى على 10 مايو مثلاً
يعني مش تحطولي العقدة في المنشار
وحفلات استاذ وجيه جاية كتير
واللي عاوز يقابله مقابلة مخصوص والله اخليه يقابله
وجيه عزيز صديقي الصدوق
لكن حفلات المعهد كلها الشهرين دول وانسوني
هتخرج من المعهد وصعب اني اتابع حفلاته كتير
بس ربنا يسهل
عامة كل واحد يعمل اللي يريحه
انا عملت اللي عليه
Updaiting
--------------------
بسبب ظروف طارئة خارجة عن إرادتي
وبسبب إرتباك المواعيد والترتيبات
تم تأجيل الحفل من يوم الأحد 29 إبريل
إلى يوم الخميس 3 مايو
أرجو ان المعاد الجديد يكون أفضل للناس
واهو خميس بقى والجمعة أجازة
وانا والله بمجرد تحديد المعاد الجديد عملت التعديل ده على طول
وربنا يسهل بقى
وسامحوني لو أربكتكوا بس غصب عني
منتظر تشريفكم

56 comments:

Reemo said...

ابراهيم
انا سعيده بجد انك عزمتنى مخصوص
انا بجد مش هعرف اجى
انا عارفه انى وحشه اوى
بس والله انا مش هقدر انزل كايرو متأخر كده
وكمان عندى ارتباطات هنا فى المنصوره
انا اسفه بجد
مش تزعل منى
يارب تقضى يوم جميل
تحياتى

إبـراهيم ... said...

خد كوبي وبيست من كلام ريمو :) بما إنـك عزمتها ومعزمتنتيش :).
.
.
بـــس فعلاً كان نفسي آآآجي ..
.
.
بالمناسبة ف نفس الوقت حفلة لوجيه عزيز ف متحف أحمد شوقي ف الجيزة
.
.
حاجة تحرق الدم !!!
تحياااااااتي يا جمييييل


أشوفك على خير

Anonymous said...

هعمل لينك الحفله عندى يا مستر ابراهيم
انا عند كلمتى
:)))
سلام

Haitham Abu Akrab said...

خلاص كده كده جاي \
.
.
..
...
.....
...........
.....
....
...
.
انا ساكن هناك اصلا
ونغطيها صحافه بالملره
شكرا يا معلم

إبراهيم محسن said...

ريموو

انا عزمتك مخصوص لأن دي أقل حاجة ممكن اعملها علشانك

انا اول مرة اعرف انك مش قاهرية
بس ولا يهمك طلعنا بلديات
من المنصورة
يا عم يا عم
ماشي ولا يهمك
كنت اتمنى تشريفك بس اللي يريحك
سلام

إبراهيم محسن said...

إبراهيم معاه

انا عزمتك المرة اللي فاتت خصوصي يا عم هيما ومجتش
وبعدين انا عارف انك مش بتتأخر عني وكنت هكلمك في التليفون اصلا
عيب عليك
:)

حبكت حفلة وجيه عزيز
يا عم يوم تاني نروح حفلة وجيه مع بعض
حفلاته جاية كتير
مممممممم
هزعااااااااال

إبراهيم محسن said...

شيماء

متشكرين ليك يا جميل
انا واثق ان كلامك سيف
شكراً لجهودك الجبارة

إبراهيم محسن said...

هيثم

تنورني يا بيك
انت جاري بقى؟
تمام تنور ومستنيك يا بيك

MoHaMeD HoSSaM said...

شكرا يا باشا على العزومة

انا جاى ان شاء الله


معلش يا ابراهيم والله ما عارف ادخل
على النيلة البلوج عشان اعمل لينك
انت عارف انى مش بتاخر عنك يا بوبى

إبراهيم محسن said...

بوباية
اكيد هتيجي يا كتكوت

وبعدين مش عارف تخش عالبلوج او عارف كبر دماغك لما تعرف اعمل اللينك براحتك
مفيش ادنى موشكلة خولص خولص

ولا يهزك
خيرك سابق

عاشقة الوطن said...

ابراهيم

والله انا بجد نفسي أجى بس المشكلة عندى ان انا خلصت امتحانات وفاضلي 3 أسابيع على الامتحانات النهائية ان شاء الله
غير كده البابا والماما بتوعى مش هيرضوا عشان انا بسافر يعنى مش من القاهرة اصلا
وماليش اخ ولد يجى معايا
يعنى للاسف مش هينفع

ممكن كده بعد الامتحانات لو فيه حفلات تانى ممكن احاول احضر وربنا يهديهم فى البيت وأعرف اجى ان شاء الله

وسلام خاص لرامى صبري بصراحة الرجل محترم وأغانيه حلوة وصوته يستاهل تحية جامدة

وتحياتى ليك وربنا يوفقك فى المعهد وتخلص على خير

بنت الحياه said...

Ana nefsy fi wageeeeh Azeeez ... plz let me know for any further concerts .. Rami Sabri!! asl ana yoom 3 may i will be in Al Azhar park for a special concert "Kamilya Jubran"

Thx for the invitation Ibrahim :)
u're invited to Kamilia's as well, i am not sure i can catch up with a concert for her later anyway..

I wish to see u soon Ibrahim ..

الأرمـوطــي said...

ابو خليل حبيب قلبى انا هعمل اعلان عندى زى مقلتلك ولما ارمط يعمل اعلان يبقى كله هيجى والا هيبقى شكلى وحش ادام مجلس الامن وهيئة الام المتحدة وهما حرين بقى يبقى واحد يعتذر وانا افجرله المدونة بتعته اما انا فاحتمال تلقينى هناك قيل منك لانى جاى مع رامى فى العربيه
معلش احنا بنتكلم

أميرة البلطجية said...

ااااه يا ابراهيم
بس العائلة الكريمة حتمانع
والله انت بتحرجنا بذوقك
وبتحرجنا باننا مش عارفين نبقي ذوق معاك
:(
عموما انا سعيدة انك عزمتني
وحقيقي اتمني متزعلش منى
تحياتي

The Alien said...

متشكر جدا ع الدعوة
وكان نفسي أحضر
بس أنا يوم الحد بخلص شغلي متأخر
لو عرفت أزوغ هكلمك

إلا هو مين رامي صبري دا؟
تحياتي

الزعيـمة said...

الزميل الفاضل إبراهيم

بجد انت كلك ذوق وربنا يكرمك
بتقدم حاجات كتيرة جميلة سواء فى افكار المدونة او الحفلات البتدعو ليها

لكن سامحني مش حقدر اجي
ايهاب مسافر ومليش نفس احضر حفلات من غيرة ومش حيكون ليها طعم بصراحه

معلش ان شاء الله لما يجي بالسلامة
حنحضر اول حفلة حتدعو ليها

وعلى فكرة هو كمان من المنصورة
يعني بلدياتك وربنا يخليلنا المنصورة واهلها.. وطبعا اهل القاهرة اجدع ناس


لك ارق التحية

حسام مراد said...

رامى صبرى
انا عارف ان الدعاوى خلصت وماليش دعوه
بس لو كنت فى الكايرو كنت جيت والله بس انا هانزل بعدها للاسف

حسام مراد
شغال

سلااااااااااااام

اميرة هشام said...

انا هحاول اجي بجد

انا عارفة ان عندي في البيت هيبقي صعب
بس هحاول اجي عشان اتعرف عليكوا

قضية عم أحمد Ahmed Case said...

محسن
انا اول مرة ادخل على البلوج بتاعك
بس جالى احساس انك انسان محترم وخدوم جدا فقلت اسلم عليك واحييك .


عم احمد

reri said...

شكرا علي الدعوه يا إبراهيم... ورغم إني من بنها ..يعني مش من القاهره... بس كلمت أخويا ... وهو وعدني إنه ييجي معايا لو فاضي... الموضوع كله في إيده... هاخد رقم التليفون ولو جايه
أكيد هكلمك

سلامااااااااااات يا إبراهيم

محض روح said...

اولا شكرا على العزومه
والله بتحرجنا بذوقك
واهتمامك
بس بجد ياإبراهيم الوقت
متأخر
وانا كمان مش بحب رامي صبري

مش عارفه اقولك ايه
غير ربنا معاك ويارب تنبسط بالحفله
انته تستاهل كل خير

تحياتي يا فندم
:)

إبـراهيم ... said...

يغني نخلص من يوم الحد ، تقلبها ع الخميس يا معلم ؟؟؟؟؟

.
إنتا مش عارف إن الخميس ده يوم مغاميريا الكبرى ، بتلتقي فيه ، ونتناول أمور الشعب المغمور × مكتبة مبارك ؟؟؟؟ >
>
.
.
أشوفـك على خيييييير عمومًا

ody911 said...

جبتك يا ريس


أنظر حولك فى غضب


بس أنا زعلان

أنا ادر على مدونتك وإنته مدورش



عموما حصل خير


طبعا مش فاكرنى


أنا اودى


وعادى بقة
أودى

إبراهيم محسن said...

عاشقة الوطن

وانا كمان كان نفسي تيجي والله تشرفيني بس طالما الموضوع امتحانات نقول ربنا يوفقك وتتعوض ان شاء الله

انت منين بقى؟

ربنا يسهل واعزمك على حفلات قادمة
ادعي بس
وربنا يوفق الجميع

تحياتي

إبراهيم محسن said...

بنت الحياه

حفلة وجيه عزيز للأسف الدنيا اتخبطت علينا لأننا حددنا المعاد الاول يوم 29 طلع عنده حفلة روحنا قلنا يوم 3 طلع عنده حفلة برده فاضطرينا نجيب حد تاني

بس ربنا يسهل لأن الامتحانات داخلة فاتأجلت شوية

انا كان نفسي احضر حفلة كاميليا لأنها عبقرية من العبقريات بس للأسف الظروف مزنوقة شوية

ميرسي لدعوتك بس خيرها في غيرها وانا اتمنى اشوفك واتشرف بيكي
ساعتها اكون كسبت كتير
:)

إبراهيم محسن said...

أرمط

ميرسي لجهودك يا عمنا انا عارف ان الحزب واخدك بقى وبوش عامل معاك مشاكل بس انت قدها وقدود

منتظرك يا كبير

إبراهيم محسن said...

أميرة البطلجية

ااااه يا أميرة
نعمل ايه في العائلة بقى
انا كنت اتمنى اتشرف بكبيرة المدونين واميرة البلطجة المتوجة

انا مقدرش ازعل منك خالص بس كنت اتمنى الظروف تسمح
اراك في ظروف أحسن
شكراً يا ميرا

إبراهيم محسن said...

بيشوي الطفل الفضائي
:)

ازيك يا كبير واحشني والله يا عمنا
منتظرك يوم الخميس بقى

رامي صبري ده مطرب كده شبه عمرو دياب شوية بس هو صوته حلو بصراحة

عندك صورته فوق اهه وصوته بيغني جمبك
ركز معايا
منتظرك

إبراهيم محسن said...

زعيمة الزعماء

ده من بعض ما عندكم يا داليا ودي أقل حاجة اقدر اقدمهالك

منتظرك يوم الخميس وربنا يرجع ايهاب بالسلامة
يا بخته
:)

ان شاء الله الحفلات تيجي كتير
سلام واتشرفت بيكي

إبراهيم محسن said...

حسام مراد

الدعاوي مخلصتش خالص
عندك كام واحد
100 200 1000

عندنا دعاوي لكل الناس بس الحبايب بس
انت تأمر

منتظرك يا عم
شرفتني

إبراهيم محسن said...

أميرة

نورتيني في أول زيارة لمدونتي
وانا اتمنى تشريفك
وأكيد انا نفسي اتعرف عليكي وعلى كل الناس الكويسة

نورتيني وتنوريني اكتر يوم الحفلة

إبراهيم محسن said...

احمد رفعت

وانا أول مرة اشوفك عندي
:)

وانا بحييك ومتشكر جدا لزوقك وكرم أخلاقك واتمنى اشوفك يوم الحفلة بجد
اتمنى بس انت ترضى
منتظرك

إبراهيم محسن said...

ريري

من بنهااااا.. يعني مش بعيد
دي كلها ساعة ولا حاجة يا دوب ميكروباص صغير لحد المترو
او توك توك
:)

بنها مش بعيد دي بروحها كتير ومجتش في يوم
اتمنى انه يوافق ومنتظر مستر اخوكي يكلمني
اتشرف بيه وبيكي
منتظركم
سلااااااااااااااااااااامااااااااااااااااااات يا ريري

إبراهيم محسن said...

محض روح

دينا ازيك يا جميل؟
العفو على ايه بس دي اقل حاجة انت تستاهلي اكتر من كده

بس بجد يا دينا الوقت مش متأخر
المغرب على 7 ونص
والحفلة تبدأ 7 يعني قبل المغرب
اعتقد صعب اعمل حفلة غنائية العصر
مستحيل خالص
دي تبقى حفلة شاي
:)

مش بتحبي رامي صبري؟؟ تصدقي ولا انا؟؟ بس هو صوته شغال
وانا بحب التنطيط
وهو كويس في التنطيط

ربنا مع الجميع وربنا يكرمك وكنت اتمنى تشريفك

تحياتي ليكي دايما
سلام

إبراهيم محسن said...

هيما معاه

مكتبة مبارك؟؟؟؟؟
طيب مش تقول
انا بحب الحاجات دي
بس حبكت يوم الخميس
الاحد قلت حفلة وجيه
الاربع الكورس
الخميس المكتبة

يا بني انت بتفضا امتى بس
:)
؟

إبراهيم محسن said...

أودي

بالزمة يا أودي انا انساك برده؟
انساك ده كلام؟
على رأي كوكب الشرق

مين قالك اني مدورتش على مدونتك؟

انا والله اليومين دول بخش مدونتي صدف كده لأني مشغووووووول قوي

بس ربنا يسهل بقى
ادعيلي
ومتزعلش مني
انا فكرك والله عيب
ساعة ما دورت عليك في شارع طلعت حرب
فاكر
:)
انا قلت انهم قفشوك
خاصة انه كان يوم مظاهرات
:)

Anonymous said...

احـــم احـــم
أكدب عليك وأقولك هاحاول

heba said...

عارف يا ابرهيم أحلى حاجة ايه
انك معزمتنيش وفي نفس الوقت حاسة اني معزومة

بس انت لما معزمتنيش وفرت علي إحراجي اني اقولك مش جاية

بس بجد ربنا يوفقك عشان انت بتتعب جامد وده كويس لأنه في سبيل حاجة انت عايزها

ويا جماعة بجد اللي يقدر يروح الحفلة دي عشان خاطر إبراهيم يروح .. مش عايزينه يزعل وبعدين نلاقيه ينظر حوله في غضب

سلام يا إبراهيم

Anonymous said...

تصدق انى مفروسه منك
انا داخله دلوقتى اعزمك على حفله عيد ميلادى على مدونتى وألاقيك خالع كده
ماشي
طبعا كان بودى انى اجى الحفله وخصوصا انى باحب رامى صبرى
لكن انا لسه راجعه دلوقتى من الجامعه, حيث كانت درجة الحراره 38
يعنى تحولت إلى جزره مسلوقه
تبقى تحكيلى وتقولى على الجديد بدرى شويه

إبراهيم محسن said...

نبيذ

احم احمين
اكدب عليكي لو قلتلك اني هصدقك
:)

إبراهيم محسن said...

شمس

انا مش فاهم ازاي معزمتكيش؟؟؟
انا عازم الناس كلها وقايل الدعوة عاااااااامة فمش فاهم ازاي معزمتكيش؟؟ هو انا اقدر؟

قصدك اني مش عزمتك مخصوص؟؟
انا الحفلة اللي فاتت عزمتك مخصوص وقلتي انك مستحيل تيجي.. فبالتالي ابقى رخم لو عزمتك مخصوص وانا متأكد انك مش هتيجي

وبعدين انت اساساً مش محتاجة عزومة
الله بقى
ده انت شمس
اعز الناس الى قلبي
يعني انت معزومة دايماً
وبجد انا اتمنى اني اعرفك عن قرب لأنك حد جميل قوي رغم انك فيكي عيب واضح

انك برج العقرب
:)

انا عمري ما بنظر حولي بغضب واسم المدونة جه صدفة
:)
انا مبعرفش اغضب خالص
:)

نورتيني يا شمس

إبراهيم محسن said...

وينكي

وينكيييييييييييييييييي
كل سنة وانت طيبة
بنات برج الثور ليهم سحر خاص
:)

اكثر توافقاً مع رجال برج الجدي اللي انا عضو من اعضاءه

سوري جداً بجد لأني والله صعب ادخل لكل مدون واقوله لأني بجد اليومين دول مشغول قوي ومبدخلش على مدونتي كتير

بس والله انا عامل البوست من زماااااان ومبلغ الناس انها تبلغ بعضها

سوري وان شاء الله تتعوض
نورتيني واتمنى زيارات متكررة
سلام

david santos said...

Thanks for you work and have a good weekend

وشوشني said...

لااعتذار احنا اعتذارناه من زماااااااااااااان اووووووووووووووووي انا عارفه اني اصلا باكتب بعد اما الحفله خلصت وكمان انا كلمتك لقيتك نايم اعمل ايه بقا؟
انا ازعجت الناس اللي عندك اصلا لغايه لما ردوا عليا

MAKSOFA said...

ايه المدونه الحلوة الشقيه دي

طبعا حااجي ازورك دايما لأن بصراحه فلبي انشرح لما دخلت عندك

šσяšαяαα said...

ياهلا ياهلا بالحفلاااات

زى ماحضرتو حفلات بقى وصوتو
تعالو صوتو عندنا كمان فى المسابقه اللى كلها يوم وتخلص مرحلة التصويت

انتو نمتو واللا اييييييه

LAMIA MAHMOUD said...

انا مش جية اعلق على البوست ده .. انا جاية اعلق على اللي بعده .. اية يا معلم بقلق انا لما الناس بتشيل التعليقات من على بوست

يعني انا عاملة دماغ امتحانات ومحاسبة ادارية واصول مراجعة واتخنقت قلت اجي اعمل دماغ عندك بقالي حبة مقصرة فقلت اطول الاقيك عامل كده

اية بس مش فاهمة اصلا

إبراهيم محسن said...

Mr.David

thanks for your words

إبراهيم محسن said...

وشوشني

مريم كفاية بقى يا بنتي
بطلي
المفروض كان يبقى اسمك وسوسني مش وشوشني
:)

بطلي بجد انك تبقى مش واثقة في الناس كده وتقعدي تظني اني زعلان واني متضايق وتقعدي تعتذري كتير
خليكي سلسة شوية

انا مقدرش ازعل منك اصلا
قالولي انك كلمتيني بس سوري انا مش في مود اكلم حد
اوك
اشوفك بخير

سلام

إبراهيم محسن said...

Msksofa

إيه النور ده بس
منوراني بقالك كتيييييير مش بتيجي عندي

متشكر لكلامك ومتأسف اني مقصر مع مدونتك بس والله ظروف وانا بحب مدونتك جدا لأن كلامك كبير وجميل

ربنا يوفقك وانا قلبي بيتشرح أكتر لما باجي عندك

تحياتي

إبراهيم محسن said...

سااااااااااارة

انا جيت خلاص
وشكرا لاهتمامك
الحفلة الجاية هتبقي معانا بقى
اوك
سلام

إبراهيم محسن said...

لمي

ميرسي جدا ليكي بس انا عاتب عليكي انك مش جيتي الحفلة
الحفلة اللي قبليها قلتي الوقت
طيب الحفلة دي؟

انا شايل الكومنتس مش لحاجة اكتر من اني مش فيه دماغ ارد على حد
كمان البوست مش محتاج كلام لأنه مجرد احساس دونته

شكرا لأنك مهتمة واوعدك ببوست قريب
سلام

عمرو غريب said...

لا بجد الموضوع رائع

صاحب البوابــة said...

مررت بهذه المودنة الكيلة

فأعجبتني

تحياتي لك عزيزي

إبراهيم محسن said...

عمرو الغريب

هو فعلاً غريب
موضوع إيه اللي رائع؟؟

شكراً لمرورك السريع على مدونتي

إبراهيم محسن said...

صاحب البوابة

شكراً لكلامك
وانت مدونتك جميلة وموضوعاتك شيقة
وعجبني موضوعك اللي داخل بيه المسابقة

وهاردلك والمرة الجاية أفضل
تحياتي