Saturday, March 24, 2007

كرامة الموت


بحثت كثيراً عن حب يحييني
فالحب روح تهيم لتبحث عن جسد هامد تحييه
وكنت الجسد الهامد فحييت
وأيقنت بعدها أن الموت أكثر راحة من الحياه

62 comments:

micheal said...

فعلا في أحيان كثيره يكون الموت أكثر راحه بس بلاش برضه النظره دي يا صاحبي
علي فكرة الصوره تحفه
تحياتي لك

Unknown said...

يااااااااااه
أكيد موقف صعب أوي اللي ممكن يخلي حد يقول ان الموت أكثر راحه من الحياه.
بس مسير كله يعدي, ومسيره يتنسي.

إبراهيم محسن said...

مايكل

اولا منورني يا عمنا مبتذورنيش كتير انت

انا يا كبير مقصدش بشكل مباشر اني عاوز الموت اللي هو الموت يعني.. لكن انا صورت الشخص الذي لا يحب بالشخص الميت.. واما يحب بتدب فيه الحياه.. يكتشف بعد كده انه لما كان ميت كان احسن له

شفت ببساطة كده.. ويا سيدي خلينا ننظر حولنا بغضب

اتفضل الصورة يا عمنا متغلاش عليك.. نورتني يا عم الشباب

سلام

إبراهيم محسن said...

إسراء

أولاً شرفتني زيارتك الأولى
انا فعلاً مكنتش احب زيارتك الأولى ليه تبقى عالبوست الكئيب ده بس يالله حظك كده تعاليلي مرة تانية والدنيا هتلاقيها احسن من كده

هو فعلاً موقف صعب بس دي فلسفة الحب عندي انه عامل زي الحياة.. متعب ومقرف.. بس مين فينا مبيحبش الحياه.. مين فينا ربنا محطش فيه غريزة البقاء في الحياه؟

أكيد كلنا رغم قرفنا من الحياه متمسكين بيها وكذلك الحب.. رغم تعبنا متمسكين دايماً بيه

شرفتيني بجد واتمنى تواجد دائم في مدونتي المتواضعة

سلام

بعدك على بالى said...

تربكنا الحياة... نرجو الموت..

يداهمنا الموت... نتمنى الحياة...

الحياة(الحب) لعبه يوميه مع الموت نمارسها عمدا.. نتألم ولا نتعلم... لانحب أن نتعلم..

خالص تحياتى

3ashe2elro7 said...

بجد رغم عذاب الحب الا اننا بنفضل نحب او نتوهم الحب الى ان نصل للحب اللى بجد ربنا يوفقك و تلاقيه

Anonymous said...

على فكرة مدونتك حلوة جدااااااا ودى مش مجاملة ومتناسقة اوى ومواضيعها جميلة
بس الموت المريح هو الموت فى سبيل الله او انك راضى ربك وميت على طاعة ربنا يرزقنا اياها

david santos said...

Hello, Ibrahin! How aer you?
I don`t speak Arabic, but We can make with letters and with words and with the words we can make sentences.
Have a good weekend.
Thank for you be my friend.
InsyaAllah

david santos said...

"Are you see any hopes in the future?" I not. With the terrorist Bush and sionism, no.

Anonymous said...

أذن يا عزيزى انت فى العلاقة الخطأ

shimaa said...

فالحب روح تهيم لتبحث عن جسد هامد تحييه
gmeel 2wiiiiiiii elt3ber da bs el72e2a m3 el2sf
:(أن الموت أكثر راحة من الحياه

إبراهيم محسن said...

بعدك على بالي

منوراني وتعليقاتك متعرفيش قد إيه بتسعدني

كلامك صح فعلاً إن حياتنا وموتنا وحبنا هي أقدار تداهمنا عن غير تدخل منا.. علشان كده نحاول نستمتع بالصعاب

تحياتي ليكي

إبراهيم محسن said...

عاشق الروح

شكراً لزيارتك وكلامك وربنا يكرمنا كلنا بإدراك واعي للحب وللحياه

سلام

إبراهيم محسن said...

هند

مدونتي تيجي ايه في مدوناتك يا جميل.. ده كفاية مجهودك الجبار في سبيل الاسلام والاقصى وبلدك.. وكفاية انك بتحاولي توصلي الاسلام لناس ميعرفوش اللغة العربية.. هشكرك؟ كلام الشكر بجد قليل قدام اللي انتي بتعمليه بجد ربنا يوفقك ويكرمك

ربنا يرزقني الموت في سبيل الله والفناء لأجله... ومن غيره يستحق؟

شكراً لمرورك اللي بيبهرني

إبراهيم محسن said...

Mr.David

Hello Mr.David.. iam fine thank for Allah.. and you?

We can my friend.. we can.. but with some efforts

thanx

إبراهيم محسن said...

Mr.David

sure.. also with our adlle gov.

إبراهيم محسن said...

نبيذ

انا يا عزيزتي في العلاقة الصحيحة.. لذا كان هذا الكلام.. الحب دائماً كالحياة يحمل المتعة والألم.. ولكن ألمه متعة أيضاً

وبعدين يا نبيذ دي مجرد خاطرة.. مش ضروري تكون متحدثة بلساني.. ربما شعرت بغيري واتحدث بلسانه

شكراً لحضورك الجميل

إبراهيم محسن said...

شيماء

سعدت بوجودك .. دي أول مرة تزوريني كنت اتمنى زيارة في بوست غير ده .. أصل بصراحة البوست ده عابر.. بعتبره مجرد وقفة مع النفس.. كنت اتمنى بوست مش كئيب.. بس أكيد دي مش آخر زيارة أشوفك بقى في بوست مش كئيب كده
:)
بصي هو فعلاً الموت أكثر راحة من الحياه.. واللاحب أكثر راحة من الحب.. بس مين قال اننا عاوزين الراحة.. ؟

محدش فينا بيطلب موت .. واللي بيتمناه لو جاله هيجري منه
والحب كده بالظبط.. مؤلم ساعات .. متعب شوية.. سهر ليالي.. تفكير وتعب.. حرقة دم بعض الأوقات .. بس كلها حاجات حية وصاحية ولذيذة وبنحبها.. المقابر حاجة هادية بس مبحبهاش.. أفضل محطات القطارات رغم الزحام والضوضاء بها

شرفتيني وسعدت جداً بلقائك

LAMIA MAHMOUD said...

ربمت وجدت حياة زائفة وفي تلك الحالة فالموت افضل كثيرا .. ابحث عن حياة افضل

مش محتاجة اعتار خالص يا ابراهيم .. انا قلتلم اني زعلانة لان لو حتى كنت تقصدني انا فكنت بتتكلم باسلوب نقد محترم .. يسمح باني احترم الشخصية واعرف وجهة نظرها .. وكمان طلعت ما تقصدنيش .. على العموم بجد شكرا على الاهتمام .. سعدت بمعرفتك اوي .. وبجد انت حد محترم

الزعيـمة said...

وأيقنت بعدها أن الموت أكثر راحة من الحياه
********************

انا متفقة معاك فى دى جدا
بس الموت البجد اليخلى الواحد يفصل من الدنيا كلها ويرتاح

مش الموت بتاع اليعيش ومش بيحب
يا ريت الموت كان متاح
حتي الموت اصبح بعيد المنال

الصورة جميلة والكلمات روعه
انت دايما متاليق يا إبراهيم

إبراهيم محسن said...

لمي

إزيك يا لميا وايش الاحوال؟

لو كانت تلك الحياه زائفة.. فمن أين الألم؟ أعتقد ان الحب مؤلم إن كان حقيقياً.. أما لو غير ذلك أعتقد أن الآلام ليس لها وجود.. فما من جرح ميت بإيلام

لمي كلامك بيحرجني جداً.. بس الموقف كان فرصة اننا نعرف بعض أكتر.. اتشرفت بيكي جداً

سلام

إبراهيم محسن said...

الزعيمة

ازيك يا زعيمة؟ زياراتك بتوحشني والله

لا مش لدرجة تمني الموت.. هو فعلاً تمني الموت دي حاجة تناسب الرومانسيين قوي.. بس انا يا ستي مش عاوز أبقى رومانسي.. أنا ببحث عن الخلود مش الموت.. الخلود هو هدفي.. عندك طريقة أعرف بيها إزاي ممكن أخلد؟

اتفضلي الصورة والكلمات وصاحبهم كمان.. مفيش حاجة تغلى عليكي .. وكلامي مهما طلع أو نزل ييجي فين من كلامك

سلام

shahrzad_storry teller said...

الحب روح جاية تعرفك ان الموت أهون من اي حياه

محض روح said...

كلما عظمت الروح الانسانيه ... زاد الحب عمقا
كما قال ليوناردو دافنشي

فالحب روح لاى شئ وبدونه يفقد اى شئ الحياه
ومن الممكن يكون الموت تخليد لذكرى الروح

أرق تحياتى
بوست رقيق جدا

إبراهيم محسن said...

راوية حكايات شهرزاد

الموت أهون ولكن الحياه ألذ.. الموت مريح.. وهادي.. بس الحياه صاخبة.. كلها حركة آلام وأحلام.. أنا قلت رأيي في الحب.. بس مقلتش إني عاوز اللاحب
قلت رأيي في الموت والحياه.. بس مقلتش إني عاوز أموت.. بالعكس أنا طالب الخلود

إبراهيم محسن said...

محض روح

أنا متفق مع دافنشي

الروح فعلاً إحياء لأي حاجة ميتة.. والحياه دايماً مؤلمة ولكن في آلامها متعة تماماً كما في الحب

كلمة تخليد دي بقى اللي عاوز أوصلها.. بجد لو عندك طريقة أعرف بيها إزاي أخلد وتظل حياتي قائمة متتردديش في انك تقوليلي

سلام وبجد كلامك هو اللي رقيق

Reemo said...

الموت اكثر راحه لكن الحب اكثر روعه ومتعه
ومع كل ده يارت كان الموت سهل الوصول اليه
دى اول زياره لى فى مدونتك لكن اعتقد انها لن تكون الاخيره
مدونه جميله
تحياتى:)

إبراهيم محسن said...

reemo
تمام بالظبط رغم ان اللاحب مريح بس مين عاوز يرتاح؟

الراحة ملل ووحدة.. لكن التعب حياه حلوة وآلام وأحلام

قولي يا ريت الخلود سهل الوصول إليه.. معندكيش وصفة للخلود؟

انتي كلامك اللي جميل وروعة ومدونتك جميلة جداً وهنبقى اصحاب فعلا

تحياتي

أميرة البلطجية said...

I'd prefere to die of love than to live in lonliness
Lucky u, dead man ;)

Tamer Nabil Moussa said...

الكلمات جميلة وفيها نبض الحياة رغم انها تعبر عن الموت

شوف الموت راحة وممكن لا حسب كل واحد وعملة

وبعديم بلاش نفكر فى الموت ونعيش حياتنا
ودوام الحال من المحال

قاوم اى شىء مش عجبك وحاول تغيرة او تبعد عنة لكن لاتيأس

تحياتى

The Alien said...

يا دي الحب وسنينه
وإنت بعيد تفتكر نفسك ميت
وتتمني تحب عاشان تعيش
ولما تحب تكتشف إن الموضوع مختلف
وتتمني تبطل تحب
بس ف الغالب ده بيكون عشان إنت مع الإنسان الغلط
يعني يوم ما تلاقي إنسان بجد
هتعرف إن الحب حياة
وحلوة كمان

تحياتي

دوللي said...

الحب هو الحياه و كرامه الحياه اسهل من كرامه الموت فلا تمت فقد حب من يستطيع يساعدك علي الحياه

smraa alnil said...

الحب هو الموت والفناء في عش المحبوب
واتخاذ كلام الهوي اكسير الحياه
قد يكون الموت اكثر راحة من الحياه
لان الحب هو الموت والموت هو الحب
وان كان المقصد من الموت باغلاق كل منافذ الاحساس وهروب الدم من الجسد والاحساس بارتعاشةالروح
فليكن اخر دعوانا
ربنا يرحمك

نضـــال said...

انا عايزة اقولك ان ده الكومنت رقم 100
اللى ببعته
كل اما ابعت كومنت ف اى حته مابيظهرش
وحتى البوست اللى بكتبه مش راضى يظهر
ولذلك انا تعبت ومش هقول حاجة خلاص
بس انا قريت القصيدة والبوست بتوع شادى
عجبونى اوى واثروا فى اوى
اماموضوع الموت اريح من الحياة ف ده اتمنى يكون صح
عشان انا
خلاص
تعبت
وعايزة
-
-
-
-
-
انااااااااااااام
هههه

خلينا نشوفك

ولو تعرف ممكن اعمل ايه عشان احط البوست عندى ياريت تقوللى والنبى لحسن انا خلاص
حتشل
سلااااااام

Anonymous said...

الموسيقى جميلة جدا ياريت اعرف اجيبها منين على النت ومع الشكر

همس الليل said...

الموت من اجل البقاء
والخلود اجمل امل فى الوجود

إبراهيم محسن said...

أميرة البلطجية

هو انتي اسمك اميرة ولا ده لقب؟

كلامك جميل بجد وجميل قوي المعنى بتاعك الموت في الحب أفضل من العيش وحيداً فعلاً أنا الوحدة دي من ألد أعدائي مبحبهاش خالص

سلام ونورتيني

إبراهيم محسن said...

تامر

إزيك يا نجم النجوم يا عالي واحشني يا راجل بأفكارك اللي مبتريحش البني آدم

والله الموضوع مش يأس بس هو مجرد إحساس.. ومين قال يا عمنا إني يائس من الحياه أو الحب.. أنا شبهت الحاجتين دول ببعض.. وهتلاقيهم فعلاً من بعض.. لأنك تعبان في الاتنين بس فرحان برده.. يائس ومتفائل.. بتهرب منه وعاوزه .. معاني متناقضة بس لذيذة

شرفني مرورك

إبراهيم محسن said...

The alien

هو فعلاً كده.. البعيد مطلوب.. الحب بعيد عاوزينه.. لما ييجي نلاقي الراحة بعيدة.. يا سيدي ولا يهمك كلنا لها

العلاقة مش خطأ ولا صح.. مفيش علاقة أصلاً.. ده مجرد إحساس انتابني تجاه شئ بحسه دايماً.. وهو إحساس بالحياه والحب

نورتني وكرر الزيارة يا عمنا

إبراهيم محسن said...

دوللي

الله على الكلام الجميل.. كلامك بجد نابع عن احساس ناضج وواضح

بس هو فقط الانسان يحب من يعطيه الكرامة في حياته او حبه كلاهما سواء

كلامك اسعدني قوي

إبراهيم محسن said...

انجي

ربنا يرحمني علشان حبيت ولا علشان محبتش.. كلا الأمرين مر للأسف

على الهامش
بتجيبي الكلام الكبير ده منين؟
:)

إبراهيم محسن said...

نضال

يا خبر يا بنت كومنتاتك كترت ليه كده.. شكلك عكيتي ولعبتي في السيتينج بتاع البلوج.. كده لازم دراسة للموضوع ده

اكيد كل بوست بتقريه بينور عندي.. انا بحس بيه بيقولي ان نضال عدت علينا ومست مسا جميل
:)

مبتظهريش ليه اليومين دول.. خلينا نشوفك بقى ونامي نوم عميق

اوك بقى انا معنديش علاج لمرض معرفوش لازم أشخص بنفسي لما أقابلك مباشرة عالماسنجر أقولك مش هينفع الكلام في التليفون أقصد مش هينفع الكلام عن طريق التعليقات بس
:)

ما علينا ونروتيني يا جميل

إبراهيم محسن said...

Anonymous

الموسيقى يا سيدي بتاعة مرسيل خليفه اسمها غرناطة.. حس فيها بجو الأندلس وسحر الشرق.. شكراً لإطراءك
:)
http://arabic.salmiya.net/songs/marcel/ram/marcel95.ram

ده اللينك حاول يمكن توصل
متعرفناش حتى بالاسم
عرفني باسمك واتشرفت بوجودك
سلام

إبراهيم محسن said...

همس الليل نورا القطة الصغنونة

ازيك يا جميل.. ازي صوتك المبحوح
:)
الخلود الخلود الخلود كل ما بسمع الكلمة دي بتكهرب

اوصفيلي طريق الخلود

سلام

heba said...

يعني الحب هو اللي بيدور على جسد هامد يحييه .. مش احنا اللي بندور على الحب عشان نبقى أحياء .. وبعد اللف والدوران حوالين بعض كده ومحدش بيلاقي حاجة .. ازاي يبقى الموت أكثر راحة من الحياة ؟؟ يعني بعد ما نلاقي "حياتنا وبيتنا وقوتنا" على رأي أم كلثوم نقول الموت أكثر راحة من الحياة .. طب ليه ؟

LAMIA MAHMOUD said...

فين؟

ody911 said...

إبراهيم

آخيرا وقعت فى مدونتك


لاء بجد أحييك

أحساسك عالى

ياتره فاكرنى


عادى بقة
أودى

إبراهيم محسن said...

ضربة شمس

بصي يا شموسة.. انا مش ضد الحب ومش ضد الحياة ومش بحلم بالموت.. أبداً أنا بس بقول رأيي في تشبيه الجسد الذي لا يحب بالجسد الميت.. والذي يحب جسد حي.. اعتقد انك تفضلي تكوني جسد حي.. وانا كمان أحب أكون جسد حي يعني بنحب.. اوك معنى ذلك ان صاحب الجسد الميت يعني اللي مبيحبش هيكون مستريح كتير عنا.. بس مين فينا حياته مجدية؟ ومين فينا أكثر سعادة؟

إبراهيم محسن said...

لمياء

موجود بس وقفة لإلتقاط الأنفاس

إبراهيم محسن said...

أودي
عادي بقى

أكيد فاكرك يا عمنا انت تتنسي؟
حد ينسى اليوم ده برده.. نكرره بقى.. اوك.. نورتني يا بوب

سلام

Yasmine Adel Fouad said...

ارى ان الحب أحياناً
يبحث عن الجسد الأكثر شباباً
فيقتله

.
.

لا ثوابت فى الحب
بعض الحب يحيى
بعضه ينفى
و بعضه يميت


حظوظ هى أقدارنا

Tamer Nabil Moussa said...

ازيك ابرهيم

اخبارك اية

فينك

n said...

مش عارفة
مظنش مضمون انه يكون الموت أكثر راحة من الحياة
لكن بما ان هنا الموت سبق الحياة
فتلاقي كالعادة الانسان بيتحسر علي المرحلة السابقة و كأنها كانت الأفضل
علي أي حال مدونتك جميلة يا ابراهيم
و سعدت بتصفحها

إبـراهيم ... said...

كلمـات موجزة ، وصورة معبـرة . . .



لأ ، فناااااان يا واد


تحياااتي ، وحبيت برضك أقول


تحيا اسبرطـة
**************

حسيت إنه من واجبي كـ(إبراهيم) إني أعلق على إبراهيم زيــك

وشكرًا لذوقــك قوووي

Ahmad Hegab said...

الحب لا يبحث عنه فهو يبحث عنك

فعلا الموت اكثر راحة من الحياة

إبراهيم محسن said...

أنا حرة

هكذا الحب أحياناً.. ولكن الخطأ خطؤنا نحن من تركنا له أنفسنا واستسلمنا

لا ثوابت في الحب؟

جملة غريبة.. وحقيقة فعلاً.. تشعرني بالخوف والقلق.. ترى ماذا يكون مصيري؟

شرفني تشريفك يا ياسمين
سلام

إبراهيم محسن said...

تامر

إزيك يا ابو الأفكار أنا موجود بس معلش انشغلت شويتين

شكراً لسؤالك
سلام

إبراهيم محسن said...

نمنماية

مرحب مرحب.. أول زيارة يا رب أكون أحسنت الضيافة علشان متبقاش الأخيرة

كلامك صح قوي.. فعلاً المراحل السابقة دايماً بتحمل في خيالنا الجمال حتى وإن كانت مراحل مؤلمة

أنا مش عارف إيه الأحسن.. دلوقتي ولا قبل كده.. بس اللي اقدر أقوله إن بعدين أحسن من الاتنين

سلام وشرفتيني وهتنى زيارات أخرى بقى
سلام

إبراهيم محسن said...

إبراهيم معاه

يا مراحب يا قريني يا مراحب.. نورتني يا صاحبي.. وبعدين مين الفنان ده ؟

تحيا اسبرطة يا عمنا.. عاوزين نشوف الفيلم ده تاني أنا اتجننت

يالله يا عمنا على لقاء قريب
سلام

إبراهيم محسن said...

ahmad_H

منورني يا بو حميد فينك من زمان.. غايب عنا بقال كتير.. مرحب بالعودة

الحب يبحث عنا؟

مش عارف بس ممكن فعلاً وممكن نكون احنا كمان بنبحث عنه لكن يا ترى بنلاقي بعض

الموت أكثر راحة ولكن الحياة أكثر متعة
سلام يا بوب وكلمني شكراً

Anonymous said...

كلام كبير و جميل ومعبر
احييك

إبراهيم محسن said...

shyma

هاي إيه النور ده بس؟
انت اللي كلامك جميل وبيحرجني لأني مش لاقي رد ليه.. نورتيني