Saturday, March 17, 2007

ربما أكون صامداً



قد لا يبدو علي الحزن


ربما لا أبكي


ولكن


ليس بالضرورة أن ينزف الجسد


كي يموت

26 comments:

smraa alnil said...

براهيم

ومن منا يبدو عليه حزنه
من منا يبدو عليه الياس
كلنا نداري ونهرب من احزاننا
ليس لغرض ما
ولكن فقط نهرب
فكر لماذا لا يبدو عليك ضعفك وحزنك ربما لن تجد اجابة مقنعه بل ستقول اجابه مجبر انت ان تقتنع بها

ربما لا تبكي يوما ما
ولن ان اذرفت عينك فاعلم انك قد حصلت علي لقب انسان
انا ابكي اذن انا انسان
قد تبكي دون ذرف دموعك
بكاءك الداخلي
وكم من ابتسامة وضحكة عاليه نرددها علي مشامع غيرنا وبداخلنا لهيب نار من سخونة دموعنا

يموت ويبلي الجسد
دون نزف
دوف ان يخبرنا بموعد رحيله
فقط نغمض اعيننا في سلام
لنصل الي الراحة الابدية

اتري عندما نداري احزاننا ولا نبكي نصل الي راحتنا كما الموت

ما زادنا هذا الا شقاء
ولكن لا تحزن
وحاول ان تظهر بكائك


***************************


هههههههه شفت الكلام الكبير اللي قلته فوق دة
وبعدين تعالي هنا انت كانت بوستاتك تعتبر من المعلقات دلوقتي قلبتها سطرين تلاتة
انت بتنتقم ولا مستخسر تكتب
ههههههههههههههه
بس كلام في الجون ولمسني اوي
عارف يا ابراهيم
كلاك برغم قلته س بيوجع وبيجي في الصميم
كلمتين وبس

إبراهيم said...

إنجي

بجد كلامك رائع ومتعرفيش أنا فرحان قد إيه إنك أول واحدة تعلقي عندي

أنا عارف قد إيه الكلام ده قريب منك ويمسك.. بس أنا كتبته علشان أهزم حاجات جوايا.. أنا مقدم بكره على فعل أتمنى إن ربنا يوفقني.. يمكن الكلام ده يقويني
ـــــــــــــــــ
فكر لماذا لا يبدو عليك ضعفك وحزنك ربما لن تجد اجابة مقنعه بل ستقول اجابه مجبر انت ان تقتنع بها
ــــــــــــــــــ
بجد مش عارف ليه التحمل الفظيع اللي انا فيه ده.. ليه ما انفجرش.. ليه ما اعيطش.. ليه ما أقولش كفاية تعبت.. بس الناس فاكرة إن الضحك دليل الفرح.. بس والله العكس.. انا لما بضحك بيبقى الألم أفظع.. وزي ما قال شارلي شابلن الكوميديا قمة التراجيديا

ــــــــــــــــــ
انا ابكي اذن انا انسان
ــــــــــــــــــ

كلمة جميلة.. بس يا ترى ببكي بجد ولا دموع تماسيح

ــــــــــــــــــ
يموت ويبلي الجسد
دون نزف
دوف ان يخبرنا بموعد رحيله
فقط نغمض اعيننا في سلام
لنصل الي الراحة الابدية
ـــــــــــــــــــ

الكلمتين دول بجد تحفة.. خلتيني تصعب عليه نفسي.. عااااااا

ـــــــــــــــــــ
وحاول ان تظهر بكائك
ـــــــــــــــــــ

بحاول بس مش عارف.. غيري مش حاسس بيه

انا كلامي قل يا بنت لأني فعلاً مش قادر أرغي زي الأول.. انا مش هقدر اتكلم كتير.. لأن الكلام الكتير هيجيب تعب زيادة.. كفاية كلمتين.. اهوه اريح نفسي واريح غيري

انا بجد متصور قد إيه كلامي ممكن يكون بيمسك.. وبجد حاجة تسعدني إنك تهزمي نفسك الضعيفة بكلامي.. لأني أنا كلام نفسي أهزم ضعفي

سلام يا نوجا ومتقطعيش الزيارات بس انا فقستك.. تعليقك نزل وانا على النت.. معنى ذلك إنك مش عاملة سين إين للماسنجر.. ليه بقى؟ أوعي تكوني ملكيش نفس تتكلمي مع حد.. أزعل

سلام

The Alien said...

كلمتين زي بتوعك

سيب نفسك وإبكي
طلع اللي جواك

تحياتي

Bella said...

البكاء خير علاج لكل أمراض الروح والقلب

تخلص من شحنات غضبك وحزنك بالبكاء فلاشيئ غيره يريح النفس ويطهرها

أنـــا حـــــــــرة said...

ربما لان الميت لا يموت مرتين

نضـــال said...

ليه كده بس؟
كلامك فكرنى بموقف حصل معايا من كام يوم
بس مش هحكيه طبعا لانى ماليش نفس
الموضوع مش ناقص
بس الموقف ينطبق عليه جملة انجى (كلنا نداري ونهرب من احزاننا ليس لغرض ما ولكن فقط نهرب)
بس المهم عايزة اقولك
البكاء قد يعين على أشياء كثيرة
بدل ما الواحد ينفجر
وااااااااااااء :(

إبراهيم said...

بيشو الكائن الفضائي

واحشني والله يابن الناس.. خلينا نشوفك

كلمتين برده
لو كان الموضوع سهل كده.. مكنتش كتبت الكلام ده

تحياتي وزورني كتير
سلام

إبراهيم said...

bella

لو كان البكاء سهلاً.. لما كان لكلماتي وجود.. ربما أحاول.. ولكن الفشل دائماً يلاحقني.. البكاء بالنسبة لي الآن غاية صعبة اتمنى ادراكها يوماً.. ربما عندما تنتهي آلامي.. أبكي

شرفتيني

إبراهيم said...

ياسمين

حقيقي أن الميت لا يموت مرتين.. ولكن الحي يموت مرة واحدة.. لكن.. تتصورين أنني ميت لذلك لا أموت مرة أخرى؟؟

كلماتك جعلتني أفكر كثيراً.. ربما تزداد آلامي بالتفكير.. لكن ربما يأتي الشفاء من كي الجرح

إبراهيم said...

نضااااااااال

فينك يا بنوتة رحتي فين؟

طبعاً الحديث عن الألم يزيد الآلام.. ولكن.. زي ما قلت لياسمين.. إيلام الجرح طريقة من طرق العلاج

الجرح لما بيتقفل على سم بداخله.. بيعمل صديد.. فتسمم.. فموت

أما إن شققت الجرح.. وكويته بالنار.. ربما أتألم أكثر من آلام الجرح.. ولكني سأحيا سليماً بعدها

ربما يعين البكاء فعلاً معاكي.. ولكن أين هو؟؟

سلام وخلينا نشوفك وبلاش حساسية ورهافة زيادة.. خليكي بسيطة.. سلام

ياسمين said...

نفس اللى أنا حاسة بيه يا ابراهيم بالظبط
للاسف كا ننفسى أكون فى ظروف أحسن واكون قوية زى ما كنت دايما عشان أقف جنبك بس للأسف هأكئبك أكتر

شكرا لإهتمامك بى
تحية من قلب مجروح

shams said...

فعلاً في أكثر من طريقة الواحد يحزن بيها ممكن يحزن من جواه فقط من غير ما حد حواليه يحس بيه وممكن واحد يحكي ويفضفض وممكن واحد يبكي بس المهم متكتمش كتييير لأن اخرة الكتمة والكركبة النفسية دي وحشة عادة بتنتهي باختناق فبلاش تطول الحكاية دي معاك وياريت تلاقيلها مخرج بسرعة

نبيــذ said...

لا تستمر بوضع الميت كثيرا

لا يفيــد

أبكى يا عزيزى وتخلص من بعض الآلام التى تود فعلا الرحيل

والآن قف

أبدأ من جديد

صباحك حليب ;)

بعدك على بالى said...

كلامك موجع.. لمسنى بقوة، والصورة أيضا أكثر وجعا... فعلا نزيف الروح أكثر وجعا...

لا اعرف هل انصحك بالتجاوز ام انصح نفسى، المؤكد اننى سادعو الله ان يخفف عنك..

خالص تحياتى

أميرة البلطجية said...

حسستني اني عايزة اقول أه
:)
اميرة البلطجية..عضوة بجمعية المتألمين لجوه

إبراهيم said...

شمس

إزيك يا شموسة منوراني والله
الحكاية والله صعبة وزمانها طويل قوي.. هو ورم كل ما أشيله يطرح مكانه اتنين.. بس مش عارف انفجر لأني بلمت من الوجع.. بس ربنا بيفرجها.. وانا مش متشائم ومش متضايق.. بس هذه مجرد وقفة مع النفس

نورتيني وشرفتيني وآنستيني

إبراهيم said...

نبيذ

هاااااااااي وحشاني... إزي الصداقة بتاعت الرجل والمرأة.. ممكن تودي لفين؟

عجبني في كلامك إنك ادتيني فرصة اتألم.. أبكي.. أقف.. أكمل

فعلاً الموضوع مراحل مينفعش افوت مرحلة فيهم.. بس فيه مرحلة صعبة قوي.. البكاء.. التنفيس.. من الصعب أن لا تجدي من تبكين على صدره

يالله صباحك سكر وربنا بيشد الحيل وخلاص كلها غلطات مش هتتكرر

إبراهيم said...

بعدك على بالي

إزيك يا بنت مزورتينيش من زمان.. مينفعش كده.. الغيبة وحشة عليه.. بعدك على بالي أنا كمان

واضح من اسمك انك بتحبي اغاني فيروز... ولا الاسم جه صدفه؟

يا رب اننا الاتنين ننصح نفسنا بالتجاوز.. ونبدأ التجاوز.. علشان ربنا مبيغيرش ما في قوم حتى يغيروا ما بأنفسهم

بالنسبة لكلامك عن المرأة في مدونتك.. أنا أحب أن أصور المرأة بهذا الشكل.. لأنها تحمل العالمين.. كالكهف تماماً.. الماس وثراءه ان اردت الماس.. والوحوش وانيابها ان كنت وحشاً

سلام وشرفتيني ومستني بوست جديد ليكي كلامك بيعجبني

إبراهيم said...

أميرة البلطجية

إزيك يا برنسيس.. قولي آآآه جامد قوي ليكي وليه.. من حقنا

انتي حطيتي تعليقك وانا فاتح المدونة.. يعني عالم الانترنت جمعنا في لحظة واحدة وحبيت اسلم سلام الكتروني من القلب

سلام يا جميل

إبراهيم said...

ياسمينSkylight

بجد سوري جداً ما أخدتش بالي من تعليقك وانا بعلق على الناس

سوري مرة تانية

مالك يا جميل إيه مزعلك بس؟ مين مزعلك وانا آجي أدمره.. حد يزعل القلب الجميل والروح الحلوة دي.. الناس نظرها راح ولا إيه؟

يا جميل انا اللي اقف جمبك اركبي الحصان ورايا واحنا نحارب اي حد يزعلنا.. انا الحمد لله بقيت كويس.. شدي حيلك يا ياسمين انتي برج الجدي زيي يعني الصمود والقوة
ايوه احنا الحساسية زايدة عندنا حبتين بس نحاول نخطي الصعب.. استمتعي بالصعب صدقيني هييجي يوم وتفتكري وتضحكي

قلبك مش مجروح إن شاء الله.. اعتبريها فترة ونعود أكثر قوة.. بس اصمدي

سلام يا جميل واتمنى اشوفك بخير

LAMIA MAHMOUD said...

اضحك في الضحكة شوكة بتضحك من الالم

إبراهيم said...

لميا

ربما كان الضحك ألذ.. ولكنه أكثر صعوبة.. وأشد ألماً.. ربما.. نعم ربما

دوللي said...

دوست علي الجرح ليه فعلا كلنا نموت في صمت

إبراهيم said...

دوللي

سوري يا دوللي إني دوست عالجرح.. بس زي ما قلت ربما من كي الجرح الشفاء

سلام وشرفتيني

shaimaa said...

أمشي و اضحك يا ليلي مكابرة علي اخبي عن الناس احتضاراتي

إبراهيم said...

شيماء

الجملة جميلة جداً
تمام الاشجار تعيش شامخة.. وعندما تموت تموت من جذورها التي تحت الأرض لا نراها
فالأشجار تموت واقفة

سلام ونورتيني بجد وانا سعيد بإهتمامك بأرشيفي
:)