Thursday, June 28, 2007

ملعون أبو الإنسانية

طـاقـة سلبـيـــة
كراهية.. بغض
أنانية
شعور بالغضب
دموية
غضب يكفي لإشعال روما
لاحتلال الإمارات الصليبية
ولكن
هل تكفي روما
كي تجرف حمم غضبي النارية؟
***
أريد أن أحرق
أن أقتل
أنضم لجيش احتلال
أو دولـــة قــويــــة
أمسك بسلاح يدمر
ينـهي الانسانـيـــة
ذلك المعنى الخادع
يشعرني بالسخرية
فـنــحـن نمــوت
باسم الانسانية
نجوع للانسانية
نتفانى بزعم الانسانية
دعــوا لــي السـعـــادة
وسأدع لكم الانسانيـة
خـذوها منـي للأبد
واعطوني الحرية
لا أريـد شعــارات
لا أحتاج للبشرية
أريــد الســعــــادة
وإن كانت حيوانية
أريدها حرة
بعيداً عن السادية
***
أنا أشعر بغضب
يكاد يدمر مدناً
أو يشعل حرباً عالمية
غضب لا يـعرف حبـاً
أو طفولة أو شهامة أو بطولية
غضب تجاوزت حقارته
حقارة النازية
غضب يكفي لاشعال روما
وكل المدن الإيطالية
يكفي لأن يجعل ألمانيا تنتصر
في الحرب العالمية
أو يبتلع نيران
القنبلة الذرية
غضب يكفي ليجعل الإنتصار صليبي
على الأمة الإسلامية
أو إسرائيلي
على الدول العربية
***
يكفي ما مر من حياتي من حب
يكفي ما مر بـها مـن انـسانيـة
أريد أن أطلق غضبي
أريد الكراهية
هكذا أنهي كلماتي
كي لا أدمر أوراقي
أمزقها أو أحطم أقلامي
ملعــون أبـو الانسـانيـة

19 comments:

Unknown said...

يااااااااااااااه

هزتنى بجد كلماتك اوى
ايه ده كله؟؟؟
لا بجد تحفة وتجنن
والمعنى وصل للأسف
حسبنا الله ونعم الوكيل


إستمر يافنان وتحياتى
:)

شجره الدر said...

ايه الحقد ده كلو كنت مخبيه فين
مقدرش اقول للاسف انه مش حقيقى ولا ان الكلام ده كلام فنانين وبس
ربنا يستر على الايام الجايه
بوست هايل جدا جدا

šσяšαяαα said...

الله عليك بجد

ممكن انضم معاك لو سمحت

لانى هولععععع خلاااص من كتر الاحساس بالغضب والمهانة وولا كأننا انسان

عالم الغاب بقى حاجة بسيطة اوى مقارنة باللى بنعمله فبعض

ياللا بكرة كل حاجة تنتهى وهنشوف فى الاخر النتيجة

تحياتى ليك

Anonymous said...

يا عينى ياعينى عالاكتئاب الى من النوع التقيل
ولو انى عارفه انك مش من الى بيكتئبوا
:)))
بس قويه جدا وحلوة جدا برده
بجد حلوة
سلامى
:))))))))))))))))

Anonymous said...

صحيح نسيت احييك على التاج
اخييييييييييييييييييييييييييرا
ههههههههه
بس خلاص سلااااااااام

micheal said...

ايه يا عم ده كله..:لام جامد بس حينفجر في وشنا
:)
تحياتي

The Alien said...

أديك رجعت تنظر بغضب
وبصراحة هي دي النظرة المنطقية للي إحنا فيه

تحياتي

youssef said...

ياااااااااااااه .. كل ده يا راجل و طاقة سلبية ؟؟ .. لا المفروض تشطب اول جملة .. اصلها لو تقدر تعمل دا كله لكن محبوسة متبقاش سلبية ابدا .. بس ليه بتكرر ان الغضب مرادف للكراهية .. تفتكر .. لو الانسانية مانفعتش .. الكراهية هتريحك و تخلصك من الغضب صحيح ؟
و اسمح لي بسؤال من بتوع الشعارات .. لو فيه مقابل مباشر للانسانية تبقي انسانية برضه و لا كانت حاجة تانية ؟
و علي كل حال .. ملعون ابوها يا عم .. أرق تحياتي

إبراهيم محسن said...

إنسانة

الله يخليكي كلامك جميل قوي زيك
بس المعنى وصل للأسف ليه؟
ليه للأسف
:)

تحياتي وشكراً لكلامك التحفة

إبراهيم محسن said...

شجرة الدر

ازيك يا مليكتي؟
لا حقد ولا حاجة دول شوية غيظ خرجتهم في الورق
ربنا هيستر ان شاء الله
كلامك اللي هايل والله
شرفتيني

إبراهيم محسن said...

سارة

هاي عليكي
انضمي طبعاً انا مستنيكي أصلاً

عالم الغاب موجود بوجود الانسان
متقلقيش
الحياة حلوة
نزعل ونفرح كلها مشاعر
حياة بقى
شرفتيني

إبراهيم محسن said...

شيماء

اكتئاب ايه ؟ ايوااااان انا عمري ما بكتئب أبداً
أنا ممكن اتغاظ بس
وبروق بسرعة
الحياة صغيرة
مفيش وقت للإكتئاب خالص
واللهم لا حسد
:)
ربنا يخليكي ليه يا شيمو
بتضحكي عليه علشان انت اللي ممرمراه
عادي بقى
احدفي وانا القف
اللي ييجي منك حلو
شكرا

إبراهيم محسن said...

ميكل

أكيد يا ميكليتوا هينفجر في وشك
بس حاسب على نفسك
انا فعلاً كنت قاصد أنفجر في وش اللي بيقراني
:)

إبراهيم محسن said...

بيشوي

هههههههه
غصب عني بنظر في غضب
مش عارف هروح مني فين
دي نظرة منطقية
بس مش ممتعة
التجاهل هو الأمثل

إبراهيم محسن said...

يوسف

نورك هل علينا
تعليقك طبعاً أسعدني جداً لأنه بيدل أنك قريتني قوي

هي طاقة سلبية لأنها كل اللي هتعمله هو الهدم بس
تبقى سلبية فوراً

الكراهية بقى دي حل مؤقت
لكن مش دائم
الانسانية شعار
مش فعل

أما عن المعنى المضاد
اعتقد انه هيكون الحيوانية
مش عارف ده له ارتباط بيها ولا لأ
انت احكم بقى

شرفتني بجد
دايما بقى
تحياتي

Anonymous said...

مش عارفة ليه افتكرت مدونة كان اسمها انظر حولك بغضب وأنا بقرأ البوست دة

ولا أنا غلطانة ولا ايه

إبراهيم محسن said...

نبيذ

اه عندك قوة ذاكرة
كان ياما كان في يوم من الايام كان فيه مدونة اسمها انظر حولك في غضب
تعب صاحبها من كتر الايجابية اللي هو فيها وفكر يعيش سلبي / منفض يومين تلاتة
ويفكر في نفسه شوية
ويمكن يدور على عروسة
:P

Anonymous said...

أنا أختلف معاك جدآ

أحنا لازم نكون فى قمة الأنسانيه مهما حصل لأن كل لأن ربنا خلق لنا مكونات الأنسان و صفاته و كل الأديان السماويه بتشير و بتوصى بالأنسانيه يبقى لا يصح أنا نلعنها أحنا لازم نكون بنا كل الصفات الأنسانيه و جزائنا عند الله

و أرجوا تقبل نقدى لأن نقدى مجرد رأي مش هجوم

وعلى فكره الكلام كان جامد فعلآ
و المدونه كلها جميله

إبراهيم محسن said...

سارة

أولا ازيك؟
طبعاً مش هيعجبك الهجوم على الانسانية لأنك والله انسان
:)

انا مقصدش الانسانية بمعناها العام
انا اقصد جوانبها الايجابية
انا ضد اني اكون حمل في حين ان من حولي ذئاب
ان لم تكن ذئباً أكلتك الذئاب

رفضت ان أكون حملا
ومن ثم رفضت الجوانب الايجابية في الانسانية
محتاج شوية غضب
شوية كراهية

عادي
تغيير

شكرا لحضورك الجميل