Sunday, May 13, 2007

سيزيف.. عالم من العبث


بما أننا ندور في عالم من العبث ومن اللاجدوى واللامنطق
فلا يوجد منطق يحكم الأشياء

فما يقال لا يُسمَع
وما يكتب لا يُقرَأ
وما يُفعَل لا يُنتِج

كلنا ندور في عالم من العبث
دائرة
ندور فيها دون الوصول لنهاية


قد قررت تغيير اسم مدونتي
من أنظر حولك في غضب
إلى سيزيف

فقد كنت أنظر حولي غاضباً
ربما يتغير شئ
وبما أنه لا جديد
فمن العبث أن أرهق مقلتي بالنظر غاضباً

وسيزيف بسبب أنه قدر هرب من عالم الموتى إلى الحياة
وصفد إله الموت بالسلاسل
فهو يدور في دائرة مغلقة

لذا حكم عليه زيوس كبير الآلهة
بأن يحمل صخرة ضخمة من أسفل جبل إلى أعلى قمته
وتتدحرج الصخرة إلى أسفل
وتسقط في سفح الجبل
فيهبط سيزيف
ويحملها ثانية ويصعد
ويضعها على القمة
فتسقط
وهكذا إلى ما لا نهاية

فالصخرة لا تستقر على القمة
وسيزيف لا يتوقف
وهذا الفعل غير مجدي
بلا هدف
وبلا نهاية
وسيزيف أحمق
لأنه يكرر الفعل مراراً

------------------------------

يحكى أيضاً أنه في قديم الزمان
كان هناك ملكاً على خلاف مع شقيقه
وكان لهذا الملك خمسين إبنة
وكان لشقيقه خمسين إبن
وقد رغبت الفتيات في الفتيان
وأرادوا الزواج منهم
ولكن أباهن عارض ذلك بشدة
لذا أجهزت بناته عليه وقتلنه ومزقنه وألقوا بأشلائه في النهر
ورغم ذلك لم يتزوجن الفتيان

لذا فقد حكمت الآلهة عليهن بنفس جرمهن
أن كل واحدة منهن تمسك بآنية مثقوبة وتجلس في النهر لتملئ الآنية بالماء
والأواني لا تمتلئ أبداً
لأنها مثقوبة
والفتيات لا يتوقفن أبداً
لأنهن حمقاوات

فقد قتلن أبيهن
ورغم ذلك لم يحققن أي فائدة من هذه الجريمة

------------------------------

إنه لحقاً عالم من العبث
تحكمه ذاكرة الفئران
فالفأر كذلك أحمق
يدخل المصيدة مراراً كلما مر عليها
وإن أخرجته منها
عاد إليها

36 comments:

شادي فايد said...

قد تكون محق

:)

REEMOO said...

حتى وان لم تكن هناك جدوى
فيكفينا شرف المحاوله
حتى لو يكن هناك من سيقرأ
فيكفينى انى اكتب
سيزيف كان ظالما
لذا حكمت عليه الآلهه بأن يلقى الصخره
فتسقد فيعيد حملها مره اخرى
ده عقاب
وعلشان تبقى سيزيف
لازم تكون معاقب على فعل شئ
ولا أعتقد انك قد ارتكبت
ما يساوى فى المقابل عقوبه مثل عقوبه سيزيف أو البنات الخمسين

كنت داخله اقولك حمدالله على السلامه
فؤجئت بتدوينتك
اتمنى تكون بخير
تحياتى

رينـــــــــــا said...

ليه الاحباط دا
يكفينا شرف المحاوله زى ماريمو قالت

استعيذ بالله من الشيطان
وانفض غبار الياس والغضب
وقابل الحياه بابتسامه عريضه
لعل الله ينجينا:)

The Alien said...

هو عالم من العبث
وبعدين فيه ناس تقول الهزل يطلع جد
وناس تقول الجد يطلع عبث

بلاش تشبه اللي بنعمله باللي بيعمله سيزيف
كفاية إن الكلام بيريحنا

تحياتي

نبيــذ said...

لا أهتم سواء كان سيزيف أو هرقليز

المهم
انك هنا

Mohamed A. Ghaffar said...

نحن جعلناه كذلك ، ويمكننا تغييره رغم صعوبه ذلك

فقط لا تيأس

micheal said...

و الله معاك حق
تحياتي لك

shayma said...

ايه ده يابنى..مالك ؟
مانت كنت زى الفل من شويه وعملتلى كومنت حلو
:))
وليه كده..سيزيف والبنات الخمسين
ده الموضوع كبيير بقى
اولا متشبهش نفسك بسيزيفت ده ولا كمان البنات الخمسين
انت قلت عليهم حمقى وانت مش احمق ولا اييييه
ثانيا ايا كان الى خلاك تفكر كده لازم تنطرة من دماغك فوراوعلى رأى ريمو وزى مانت قلت عندى يكفينا شرف المحاوله .. ولا انت بتقول كلام مش مقتنع بيه
:P
ثالثا مفيش حاجه فى الدنيا تستاهل اننا نفقد الامل .. صحيح بنقع بس لازم نقوم
عبث عبث بس نعيش ونضيف حتى لو انت شايف انه عبث دلوقتى بكرة يبقى حاجه تانيه
حاسه انى رغيت كتير
روق وركز فى مذاكرتك ويلا سلام
:))

david santos said...

Madeleine, a girl of 4 years was abducted in the Village of the Light, the Algarve, in Portugal, goes all to place fhoto of it in ours blogues has of finding

الأرمـوطــي said...

كلام واعر جوى ياابراهيم يا واد عمى ربنا يوفجك وتخرج من دائرة العبث........والمخرج من وجهة نظرى هو الله
مع السلامة

محض روح said...

لعنه سيزيف
وعبث
حياة

وعبثنا في محاولاتنا
لفهم لماذا
توصمنا
بلعنتها الي مالا نهايه

ولكن يبقى سؤال

هل نطلب التحرر من
من ألصق بنا لعنته
ام نتحرر من النفس
التي سلمت
بوجودها؟


ياريت تكون فهمتني
ربنا معاك

reri said...

مليت النظر حولك في غضب
بس لو ملينا كلنا وشوفنا إعلان غضبنا عبث ... لن يتغير شئ ...المحاوله يا إبراهيم ... أن تمل المحاوله ولا تري فيها جدوي يأس ألمحه في كلامك ... لو دخل اليأس بيكون بدايه مش كويسه .. حاول تخرج منه وتستعيد نظرتك الغاضبه لعلها تجدي في المرات القادمه

سلامي ليك

وشوشني said...

اولا كويس انك رجعت اخيرا
................
كلامك صح بس يا ترى احنا كده فعلا؟

esraa said...

تصدق بين كده عندك حق

Sharm said...

يعنى ايه سيزيف ؟

KOKKO said...

لو دققت...كلنا سيزيف
باسماء مستعاره
ولكن....كده اتخلقنا...وكده هنفضل
...وكده هنموت
تحياتى

سكينة said...

على قد ما أنا حاسة بيك لكن مقدرش أقولك لنستسلم معا
كل غضبك هذا لأن ذاكرة الفئران قصيرة قد تكون محقا ولكن من يهتم اساسا بالفئران ثم الفئران تخزن في ذاكرتها فقط ما هو مفيد ولتسعد افعل مثلها وارمي في البحر كل من له ذاكرة فأر
لا مرة تسير في نفس الطريق أو تملأ نفس الإناء يكون تكرر للخبرة فدائما هناك تجدد قد لا تراه لأنك متعب

نهى جمـال said...

قد يكون سيزيف أحمق

والفتيات أحمق

لكنها أساطير لم تتعدى الحقيقة

نحن الحقيقة إذا خرجنا من دائرتهم

ونثقب الدائرة أو فلنجد الثقب

الاستسلام يعني أسطورة أخرى للحمق

والفئران أفضل للعلم ليس لشيء بل لأنها في وقوعها في المصيدة كانت تسعى لشيء

ومع ذلك تحاول التحرر

فلنكن ممن يحاولون التحرر

لو نقدر

تحياتي

إبراهيم محسن said...

شادي فايد

لا أعتقد أنني محق
هي مجرد مشاعر عابرة
:)

إبراهيم محسن said...

ريموو

ازيك وحشاني والله
متأسف اني مقصر مع مدونتك بس سوري انا مطحون اليومين دول

بالتأكيد يكفيني الفعل
وانا متأكد ان الأفعال مجدية
ولكن لما كتبت البوست كان احساس مش دايم
ومش عام
كان احساس تجاه موقف واحد معين وعابر
وعدا الحمد لله
والفايدة منه موجودة
بس لسه محستش بيها
لا تقلقي
انا واثق ان الأعمال مجدية
وانا معملتش زي سيزيف ولا البنات

بس انا كنت أسوأ من الأتنين
عادي بقى

إبراهيم محسن said...

رينا

أولا مرحب بيكي
دي أول زيارة اتمنى انها تتكرر
حظي وحش انك زورتيني في البوست ده
تابعيني دايما
أنا مش يائس خالص
انا بس حسيت تجاه موقف معين اني عاوز اٌقول كده
قلت
هحبسها جوايا يعني
:)
نورتيني

إبراهيم محسن said...

بيشو

ازيك يا كبير
واحشني يا ريس
انا مش يائس
ومش سيزيف
انا بس بفضفض
لما اشوفك هحكيلك
سلام

إبراهيم محسن said...

نبيذ

:)
لا يهمني من اكون حقا
يكفيني كلماتك
ويكفيني ان هناك من يشعرني بأنني لست وحيداً
عزيزك

إبراهيم محسن said...

استاذ محمد

ازي حضرتك؟
شرف كبير ليه انك تنورني في مدونتي المتواضعة

انا بعمل مجهود جبار علشان أعدل الأوضاع المقلوبة
ربنا بيسهل
لأنه كبير قوي

إبراهيم محسن said...

ميكل

لو تعرف موقفي
اتفق معاك

لكن
انا مش على حق
:)

إبراهيم محسن said...

شيماء

مافيش يا مس شيماء
مجرد فضفضة
متقلقيش عليه
انا مش يائس
مش ضعيف
مش حزين
ولا بقول كلام مش قده

أنا قلت وخلاص
حسيت اني لازم اقول ده
لما اشوفك بقى هحكيلك
الموضوع كبير
صحيح
انت مش بترنيلي ليه
:(

إبراهيم محسن said...

Mr.David

I don't think that the girl was abducted in Egypt..
My blog is treats with the egyption usually

I don't think if i place girl's photo in my blog, will be perseverance

we are in sisyphus's world

إبراهيم محسن said...

الجرموطي

ربنا يسهل يا بوي
كلامك زين
انت من دشنا اياك؟

إبراهيم محسن said...

محض الروح

بالتأكيد فهمتك
اعتقد ان سؤاليك بيضيفوا للعبث عبث
لأنك حطتيني في دائرة

البيضة ولا الفرخة
:)

إبراهيم محسن said...

ريري

ربما يكون العالم غير عبثي
ربما تكون النظرات مجدية
ولكني لن استعيدها
فقد ارهقت مقلتاي

مفيش أي يأس صدقيني
بس انا حبيت أريح دماغي

تحياتي
وشكراً لنصيحتك

إبراهيم محسن said...

وشوشني

ازيك يا مريم
كيفك
ازي الامتحانات؟

لا احنا مش كده خالص
صدقيني
مش هتلاقي حاجة مرتبة في الدنيا أكتر من الدنيا نفسها
لأن ربنا خلقها كده
في فلك محسوب

إبراهيم محسن said...

إسراء

تصدقي لأ معنديش حق
:)

موقف والسلام
أما الحياة كلها فتختلف
اتمنى ان نكون دائماً أقوياء

إبراهيم محسن said...

شارم

مممممممممممم
لما تحب تسأل سؤال
اقرا الأول وبعدين اسأل
علشان انا بتنرفز بسرعة

إبراهيم محسن said...

كوكو

ممممممم
لا اعتقد ذلك
أعتقد اننا كلنا أقوياء جديرون بتغيير أنفسنا والحياة

فقط علينا أن نثق في أنفسنا
وندرك قدراتنا

شرفتيني

إبراهيم محسن said...

سكينة

ادركتي ما أريد ان اعبر عنه
وحستي بتعبي
فعلا انا تعبان

انا متأكد وواثق من جدوى الأفعال
لكن انا حسيت وحبيت اعبر
قريب تعرفي من موضوعاتي اني بؤمن بالأمل والتغيير
انا الحمد لله مبيأسش ابدا

شرفتيني واتمنى زيارات متكررة

إبراهيم محسن said...

نهى جمال

فلنثقب الدائرة كلنا
بالتأكيد سنجد المخرج

جميل تعبيرك
وكلامك حلو

فلنتحرر

شكراً