Sunday, April 19, 2009

آخر كلام


خلصت الايام مش لازم أنام
مانا عشت ايام وسط الأموات
يلا يا بهوات هنقص حاجات
وحاجات وحاجات تفضل أحلام
دي حاجات هتفوت ملهاش فالموت
ولا أثر فيها أي كلام
وحاجات بتعيش وحاجات بتموت
وحاجات بتجيب وتشيل فحاجات

دي حاجات بتشيل فسنة وشهرين
بيبانوا سنين ويعدوا ساعات
وحاجات بتجيب بعدها شهادات
بتساوي ياناس تقلها ألوفات
ألوفات أهو فات جيشنا يا بهوات
هيصوا يا ستات زغرطوا يا بنات
رجاله راجعين ناوين لحاجات

خلصنا خلاص بطلنا يا ناس
بطلنا كمان جمع وخدمات
وكمان وكمان نلبس فحاجات
هم مهمات
مخله وحوارات
ما خلاص سلمنا العهدة الميري
ومعتش عساكر ولا ظباط
عايشين فحياتنا
هنروح بيتنا
ما خلاص خلصنا
لموا الشهادات
باي باي سلامات

4 comments:

Sharm said...

حلوة

hana said...

كلمااات راائعة
بتلمس وااقع عايشينه
قلمك جميييييييييييييييل
دي وإحترامي

إبراهيم محسن said...

sharm
شكرا

hana
شكرا بجد
اخجلتم تواضعنا
شرفتني زيارتك حقيقي
منتظر المزيد كما ستجدي مني أكثر
مع احترام كاحترامك

hana said...

انا اللي بجد إتشرفت
بتواجدي مع حروف قلمك الراقية

مدونة جميلة بجد
أسما التحايا