الآخـــــــــــر

نصف ساعة

2009-08-07T12:25:00.000-07:00

سمعت اليوم قصة تمنيت أن تكون شائعه .. سمعتها منذ فترة قصيرة برواية مختلفة إلى حد ما .. القصة أحداثها سريعة على غير العادة .. ولكنها قصة مؤلمة .. وإن لم تكن شائعه فنحن في نهاية العالم

قصة في بدايتها بسيطة ومألوفة .. قصة زوج وزوجة يتسوقان في ميدان شهير من ميادين القاهرة أو أحد الشوارع التجارية بالجيزة .. حسب الروايتين

الزوج يقود السيارة والزوجه بجواره تصف له الطريق التي تعرفه جيداً إلى محل ملابس كبير .. الزوجة تشتري والزوج يحاسب .. كالعادة

الزوج يوقف سيارته أمام أحد المحلات الضخمة .. محل ملابس وسط العديد من المحلات الأخرى .. الزوج متبرم بسبب الزحام ـ كالعادة ـ لأنه لا يجد لسيارته مكاناً تقف فيه .. الزوجة تقترح أن تذهب هي لترى مجموعة موديلات حتى تجد ما تبحث عنه في حين أن الزوج سيبحث عن مكاناً لسيارته ثم يعود حيث ترك زوجته

الزوج يوافق حتى يستريح من العناء الذي يجده من سؤال زوجته المتكرر إيه رأيك فده؟

الزوجة تخرج من السيارة وتتجه ناحية المحل والزوج يتابعها ببصره وهو يتحرك بسيارته مبتعداً حتى تختفي وسط الزحام

يتحرك الزوج .. يجد مكاناً .. يوقف السيارة .. يدفع لفتى صغير جنيهاً حتى يعتني بسيارته .. يعود حيث ترك زوجته

تستغرق هذه القصة حتى الآن خمسة دقائق على أكثر تقدير

كل هذه الأشياء تحدث مع الجميع .. أغلب الأزواج يذهبون مع زوجاتهم للتسوق طالما يملك سيارة

ولكن الاختلاف هنا أن الزوج عندما يعود لا يجد زوجته في محل الملابس الذي دخلته أمامه .. يسأل عنها

لم تدخل هنا سيدة بهذه المواصفات

هكذا قال رجل الأمن الواقف على باب المحل .. أين ذهبت؟ لقد شاهدها زوجها وهي تدخل هذا المحل ..حتى وإن ذهبت إلى محل آخر .. فهي بالتأكيد كانت هنا أولاً .. لقد شاهدها تدخل .. إذن يجب أن يراها رجل الأمن .. وهو ينكر ذلك .. يخرج الزوج من المحل مندهشاً بعد أن يسأل العاملين بالمحل ويخبروه أنها ربما دخلت محل آخر واشتبهت عليه المحلات بسبب الزحام

ينظر الزوج للافتة المحل جيداً .. نفس المكان .. ينظر أمام المحلات على طول الرصيف

!غير موجودة

يسأل عنها المحلات المجاورة بقلق

!لم يراها أحد

كل هذه القصة تستغرق كم من الوقت؟ خمسة دقائق أخرى تقريباً

كل هذه الأشياء تحدث مع الجميع .. ولكن في الأغلب يجد الزوج بعدها زوجته أمام أحد المحلات مبهورة بفستان جديد فيوبخها وينهرها لأنها لا ترد على الهاتف فتخبره أنها لم تسمعه بسبب الزحام .. يدفع ثمن الفستان ويرحلان

ولكن هذا لم يحدث .. فالزوج لم يجد زوجته .. وهاتفها مغلق

الزوج يخرج من المحل مباشرة إلى سيارته .. يتجه إلى أقرب قسم شرطة .. يحرر بلاغاً .. تتجه معه قوة من رجال المباحث إلى محل الملابس .. لأن الزوج يشك أن زوجته خطفت

منذ خروج الزوج من المحل حتى وصوله إلى قسم الشرطة ثم البلاغ ثم العودة برجال المباحث .. كم تستغرق من الوقت

خمسة عشر دقيقة أخرى؟ أي أن أنه منذ اللحظة التي رأى فيها الزوج زوجته آخر مرة حتى عودته للمحل قد مر خمسة وعشرون دقيقة .. والقصة من هنا مألوفة

يستمر كل من في محل الملابس في الأنكار .. زبائن المحل تغادره .. رجال المباحث يفتشون المكان

دقيقتان

بقية القصة غير مألوفة

لو لم يكن هناك زحام .. لوجد الزوج مكاناً يركن فيه سيارته .. ولم تكن زوجته تقترح عليه أن يذهب هو يبحث عن مكان للسيارة .. فكان سيدخل معها المحل وتختار هي ما تريده .. يدفع هو الحساب ويرجعان للمنزل سوياً

ولكن ما حدث أن رجال المباحث اكتشفوا أن البروفة عبارة عن مصعد .. يتحفظ ضابط المباحث على كل العاملين بالمكان ويهبط ومعه جنوده إلى حيث تهبط البروفة

دور سفلي .. ثلاثة غرف غارقة في رائحة فظيعة .. مجزر لتجارة الأعضاء

ثلاثة دقائق أخرى

الزوجة موجودة .. ولكنها وسط مجموعة زوجات أخريات .. كلهم جثث

ينتظرن دورهن كي يتم نزع أعضائهن

منذ اللحظة التي رأى فيها الزوج زوجته آخر مرة وهي تدخل محل الملابس وحتى اللحظة اللتي رآها فيها مقتولة

قد مر 30 دقيقة

نصف ساعة كانت زوجته بعدها مقتولة

للأسف .. لو رفض الزوج الخروج مع زوجته لأي حجة .. لما خرج معها في هذا الزحام

ولو انتظرته الزوجة حتى يركن سيارته ودخلا المحل سوياً .. لكانا بعد نصف ساعة على أكثر تقدير في طريقهما لمنزلهما والزوجة سعيدة بفستانها الجديد

ولكن مع مرور تلك النصف ساعة

كانت الزوجة بعدها مقتولة

ــــــــــــــــــــــــــــــــــــــــــــــــــــــــــ

لم أجد أية وثيقة تؤكد حقيقة القصة أو تنفيها

ولكن تداولها البعض على أنها حقيقية

مش باقي مني

2009-07-08T03:26:00.000-07:00

مش باقي مني غير
شوية ضي فعنيا
أنا هديهملك وأمشي بصبري فالملكوت
يمكن فنورهم تلمحي خطوة
تفرق معاكي بين الحياة والموت

مش باقي مني
غير شوية قوة فإرادتي
حاسبي عليهم وانت بتخطي

مش باقي مني
غير شوية ضي فعنيا
أنا مش عايزهم
لو كنت يوم هلمحك وانت بتوطي
فمعركة مفيهاش ولا طيارات ولا جيش
وانت فطابور العيش
بتبوسي ايد الزمن
ينولك لقمة
من حقك المشروع

مش باقي مني غير
شهقة فنفس مقطوع
وانا صوتي مش مسموع
يا حلمنا الموجوع
من المرور ممنوع
مستني لما يمر موكب سلاطينك

ومش باقي مني
غير شوية كفر بشروقك
على شوية رحمة من طينك
على شوية صبر من دينك

مش باقي مني
غير شوية لحم فكتافي
بلاش يتبعتروا فالبحر
بلاش يتحرقوا فقطر الصعيد فالعيد
بلاش لكلب الصيد تناوليهم
خدي اللي باقي من الأمل فيهم
وابنيلي من عضمهم
فكل حارة مقام
وزوريني مرة وحيدة
لو كل ألفين عام

ألم الجراح يتلم
ومش باقي مني غير شوية دم
متلوثين بالهم
مرّين وفيهم سم

ومش باقي مني غير شوية دم
مقدرش اسقيكي مواجعهم
وبرده مقدرش أرميكي وأبيعهم
يمكن فمرة تطلبيني شهيد
هحتاج يوميها الدم
يمضي على شهادتي
ـــــــــــــــــــــــــــــــــــــــــــــــــــــ
أغنية البداية للفيلم
كلمات : جمال بخيت
غناء : أحمد سعــد

دكان شحاتة

2009-06-24T04:01:00.000-07:00

تحركت بخطى ثقيلة بين الناس وهي تخرج إلى الطريق القابع في الصمت والظلام وكأنه ينتظرنا
لم يضف خروجنا إليه جديداً ، فقد كنا صامتين مثله تماماً ، مظلمين مثله تماما

استقبلت الفيلم في البداية أثناء ظهور تترات المقدمة بصدمة لم أشعر بها من قبل بالفعل ، فأرى مجموعة كبيرة من بقايا بشر تسطو على قطار بضائع يتخاطفون ما يحمله
ثم يمسك خالد يوسف بنا من آذاننا ويقفز بنا في جب مظلم ،فظيع، قارص البرودة، رائحته عفن وبقايا بشر
أجد نفسي غير قادر على التحمل بعد دقيقتين على أكثر تقدير
فأجد كل الذكريات القاسية
القاسية
جدا
تتقافز أمامي خارجة من الجب بسرعة لم أستطع تحملها
فأجد نفسي أتدحرج هبوطاً على سلالم ظننت أنني قد صعدتها أخيراً
فأرى أمامي أجساد تسحق وتحترق وتصرخ وتنزف وتتشاجر
وتموت جوعاً وذلاَ وقهراً وأرى حياتي سلسلة طويلة من الحلقات المؤلمة جداً
للأسف
وللأسف كنت أظنني نسيت
لم تذكرني المقدمة
بل جعلتني أعيش هذه الحلقات مرة أخرى
كأني أسقط عبر الزمن
أغنية كلماتها كالسياط
وعناوين في صحف تشعرك بالرعب
وصور في الصحف
سوادها أكثر من بياضها ، كأنها تتحرك ولا تتحرك

كل هذا في المقدمة
يكفي
خرجت من القاعة لا أرى ولا أسمع وأتمنى أن أستطيع أن أتكلم
صمت
لا أعرف سوى أنني في حالة سيئة
جداً
أعتقد أن من يفهم قليلاً في علم النفس يعرف أنها أعراض صدمة عصبية
لذا وقفت للحظة على الطريق لا أعرف الاتجاه الصحيح
حقاً
شعرت أن رأسي قد رجت كأنها زجاجة دواء
ربما
مرارة هذا الدواء
تلك المرارة المؤلمة جدا
مع الانتظام في تناوله
تنجح في أن تشفينا جميعاً

أم ستدفعنا جميعاً للموت موتاً قيصرياً
بالطريقة الخطأ
أم أنني لازلت مشوش الذهن ؟

سأعود

من قتل يوسف ؟

2009-05-17T09:11:00.000-07:00

كنت أراهم كلهم متشابهين وهم يتحركون داخل حارتنا الصغيرة ، وأقدامهم الغليظة تصنع إيقاعات منتظمة كلما ارتطمت بالأرض ، كانوا لا ينظرون إلينا أثناء مرورهم ، كنت أرغب بشدة في أن أرى وجوههم المختفية دائماً داخل خوذاتهم السوداء ، لم أر منهم قط سوى أعينهم التي تظهر من خلف زجاج الخوذة الغليظ
عندما مروا اليوم من أمام منزلنا سألت جهاد صديقي الأسمر الذي يسكن بجوارنا "كيف تبدوا وجوههم؟" سألت جهاد وأنا أنظر إليهم متأملاً أعينهم التي تحملق للاشئ
أجابني جهاد وهو يهمس
-قالت لي أمي ذات يوم أنهم جميعاً صلع الرؤوس
تصورت في داخلي أنهم لا يخلعون تلك الخوذات قط ، كيف تبدوا وجوههم ؟ بالتأكيد بشعة جداً حتى يخفونها طيلة الوقت بهذه الخوذات .. "هم من قتلوا يوسف " همس بها جهاد في أذني .. عرفت الآن لماذا كانت أمي تمنعني دائماً من الخروج من المنزل
لم أكن أعرف عن يوسف سوى أنه كان شقيقي الصغير .. كنت أظن أنه مات .. والآن عرفت من جهاد أنه لم يمت .. بل قتل .. قتله هؤلاء الرجال صلع الرؤوس
بعد أن عرفت ذلك أخذت أهتم ببندقيتي ، علي أن أحملها معي في كل مكان ، ربما أحتاج إليها إذا ما حاول أحد قتلي ، وربما أجد قاتل يوسف فأقتله
كنت ألعب مع جهاد في الحارة لعبة الحرب ، كنت دائماً أقوم بدور الجندي .. أضع على رأسي إناء معدنياً وأمسك ببندقيتي .. وكان جهاد يحمل الحجارة الصغيرة ويقذفها ناحيتي .. إذا ما أصاب الحجر الإناء المعدني أموت ، ومنذ ذلك اليوم رفضت أن ألعب دور الجندي ، فلن أستطيع أن أقتل يوسف ، فتخليت عن الإناء المعدني لجهاد فطلب مني جهاد البندقية ولكني رفضت "ولكن العربي لا يحمل بندقية ،عليك أن تعطيني إياها وتجمع الحجارة من على الأرض" قالها جهاد .. ورفضت .. ولم نلعب في ذلك اليوم
"لماذا لا يكون السلاح مع العربي في اللعبة ؟ أما يستطيع شراء واحداً ؟" سألت أمي .. فوضعت إصبعها على صدري وقالت "هنا سلاحك" لم أفهم شيئاً .. وأخذت أتحسس صدري .. ربما كانت هناك بندقية لا أراها .. ولكني لم أجد شيئاً .. فلم يكن في استطاعتي فتح صدري
مروا هذا اليوم أيضاً .. بنفس الإيقاعات المنتظمة .. كنت أريد أن أعرف .. من منهم قتل يوسف ؟ لم أكن أصدق أنهم جميعاً قتلوا يوسف .. بالتأكيد هو واحد فقط .. حاولت أن أعرفه .. ولكنهم كانوا جميعاً متشابهين
لم أكن أعرف كيف مات يوسف.. فنحن عندما نلعب لعبة الحرب كنت أطلق بندقيتي على جهاد وكان يموت .. ولكنه كان يقوم واقفاً بعدها فوراً .. لماذا لم ينهض يوسف ويقف ثانية ؟ ألم يعرف بعد أن اللعبة قد انتهت
قابلت رجلاً ذات يوم يرتدي نظارة ، كان أحد العمال الذين يقومون ببناء جدار ضخم خارج حارتنا ، كان جالساً أسفل شجرة كرز عجوز ، كنت ماراً أمامه فأشار إلي وابتسم ، وكنت أأكل عنباً فأعطيته بعضاً منه فربت على رأسي وابتسم
سألته لماذا يبني هذا الجدار الضخم .. لم يكن يعرف .. هم طلبوا منه أن يقوم بذلك العمل .. قال أنه جندياً .. كيف يكون جندياً وهو لا يرتدي خوذة ولا يحمل بندقية كما أنه ليس أصلع الرأس ؟ كان له شعر أسود خفيف .. ولكني ابتعدت عنه فوراً
"قابلت اليوم جندياً .. ولكنه بلا خوذة .. أعطيته بعض العنب" قلت لأمي .. ارتسم الحزن على وجهها أكثر ولم تتكلم .. لم أكن أعرف لماذا هي حزينة
وفي اليوم التالي كنت أمر بجوار العمال .. بحثت بعيني عن الجندي أسود الشعر .. ربما يعرف من قتل يوسف .. وجدته يمزج الرمال بالماء كما يمتزج عرقه بشعره .. كان يتصبب عرقاً .. رآني فأشار إلي .. كنت متردداً .. ولكني ذهبت ناحيته فقد كنت أحمل بندقيتي خلف ظهري
-ماهذه ؟ سألني الرجل
-بندقيتي
-ماذا تفعل بها؟
-لاشئ .. حتى أجد من قتل يوسف
-وحينما تجده ؟
-سأقتله
قلتها بتحد .. فابتسم الرجل ولم يرد .. ظننته سيخبرني من قتل يوسف .. ولكنه لم يقل شيئاً
أخذت أفكر .. لماذا قتل يوسف ؟ ماذا فعل كي يقتل ؟ فتذكرت لعبة الحرب حين كنت أقتل جهاد .. لم أكن أعرف لماذا أقتله .. ولكن كان علي قتله كي أنتصر
كبرت بسرعة .. ولا يزال العمال يبنون الجدار .. ولايزال الجنود يمرون من حارتنا بإيقاعاتهم المنتظمة وخوذاتهم القاتمة .. لايزالوا متشابهين
مات الكثيرين .. قتلهم الجنود ..لم أعرف السبب حتى الآن .. ولكني لم أعد أبحث عن قاتل يوسف.. فقد قتل الكثيرين بعده .. وسيقتل كذلك الكثيرين .. كما ذهبت اليوم ناحية العمال الذين يبنون الجدار فعرفت أن الجندي أسود الشعر قد مات .. ولايزال الجدار يبنى ولم يتوقف .. لذلك ليس هناك فائدة من معرفة من قتل يوسف ؟ جميعهم قتلوا يوسف .. وجميع من قُتلوا يوسف

آخر كلام

2009-04-19T08:58:00.000-07:00

خلصت الايام مش لازم أنام
مانا عشت ايام وسط الأموات
يلا يا بهوات هنقص حاجات
وحاجات وحاجات تفضل أحلام
دي حاجات هتفوت ملهاش فالموت
ولا أثر فيها أي كلام
وحاجات بتعيش وحاجات بتموت
وحاجات بتجيب وتشيل فحاجات

دي حاجات بتشيل فسنة وشهرين
بيبانوا سنين ويعدوا ساعات
وحاجات بتجيب بعدها شهادات
بتساوي ياناس تقلها ألوفات
ألوفات أهو فات جيشنا يا بهوات
هيصوا يا ستات زغرطوا يا بنات
رجاله راجعين ناوين لحاجات

خلصنا خلاص بطلنا يا ناس
بطلنا كمان جمع وخدمات
وكمان وكمان نلبس فحاجات
هم مهمات
مخله وحوارات
ما خلاص سلمنا العهدة الميري
ومعتش عساكر ولا ظباط
عايشين فحياتنا
هنروح بيتنا
ما خلاص خلصنا
لموا الشهادات
باي باي سلامات

رغبة أخيرة

2009-04-12T00:49:00.000-07:00

جئتـك سيـدتي في قصـرك
وعبرت جميع أسوار قلبك
وسقطـت أسيـراً في حبــك
وسأرضى مهما كان حكمك
أن أبقى في القصـر أميراً
أو لأموت
وأرجو موتي في حضنـك

الشئ والآخر

2009-04-05T06:00:00.000-07:00

اعتقدت لفترة من الوقت أنني أختار ما يحلو لي ، وكنت أصر على إختيارات بدت لي وكأنها هي التي تجعلني سعيداً
لطالما آمنت بسحر الليل ، ورددت دائماً أنني أعشق الليل دون غيره ، وانجذبت للسماء ليلاً ، وأحببت البحر ليلاً ، وعشقت ليالي الصيف
واكتشفت مؤخراً أن الصباح جميل جدا ، ورأيت الشمس وهي تقتحم أرجاء المنزل لتجعله مختلفاً عما كنت أراه من قبل
كنت أعشق الليل في حين أنني لم أكن أرى من النهار سوى الدراسة ، والعمل ، والزحام ، والضوضاء ، وانجذبت لسماء الليل لأني لم أكن أملك الشجاعة أن أنظر للسماء والشمس بها ، وتذكرت أن حبي للبحر ليلاً كان مجرد وهماً لأني بالمعنى الذي أعنيه أنا فقط لم أر البحر مطلقاً
وكذبت كذلك عندما قلت أن ليالي الصيف ممتعة لأنني وبكل غرابة اكتشفت انني لم أكن اخرج من المنزل في الصيف إلا ليلاً
فهل من العدل أن أختار ما بين الشئ والآخر وأنا لا أعلم أي شئ عن الآخر ؟
استطعت اليوم أن أنظر للسماء والشمس تغمرها بالدفئ كذلك رأيت النهار دون أن يكون هناك عمل أو دراسة
أليس من العدالة أن أتأمل الآخر قليلاً ولو على سبيل التغيير

الخائن الأول

2009-03-04T21:46:00.000-08:00

لم أكن بعد قد إتخذت قراري الرابع ، لم تكن الصورة قد اكتملت بعد في ذهني ، فمفهوم الخيانة مهما تصورنا أننا قد استوعبناه ، فإنه يظل غامضاً .. متجدداً
كنت حديث الإلتحاق بالجيش لآداء الخدمة العسكرية ، كنت في فترة التدريب ، البداية ، إختمرت في ذهني الكثير من المعاني الموحية والخيالية ، لا بأس من تدريب عقلي أيضاً

كان مفهوم الخيانة في الجيش محدوداً ومختلفاً في ذات الوقت ، كان ينحصر عند القادة في "عدم خيانة الأمانة" أياً يكن مسمى الأمانة سواء كانت الوطن أو الغير

أما على مستوى الجنود فكان معنى الخيانة ينحصر في جملة رأيتها كثيراً مكتوبة على الجدران "كلب يحرسك ولا صاحب يحبسك" كان الجميع في حذر دائم

ذات ليلة باردة جداً ، في وقت متأخر من المفترض أن يكون الجميع نائماً ، كنت أجلس مع أحد زملاء العنبر في سريره ، كنا نطلق عليه اسم "الكابتن" ، كنا نتحدث وندخن فقط

دار الحديث عن كل شئ مدني ، الحياه والدفئ ، الأصدقاء ، كل شئ ، حدثني كثيراً عن خطيبته "رحاب" ، ذكر أنها جميلة ، كان يفتقدها كثيراً ، كان ينتظر اليوم الذي يرجع فيه إليها مدنياً ، كان يحلم بليلة زفافهما ، وفي الصباح أراني صورتهما معاً ، كانت جميلة فعلا

كانت مثل هذه الأحاديث المسائية تتكرر عامة ، كنت أعشق السهر ، لذا ستر الليل الكثير من الحكايات للكثير من الأشخاص ، كلها مختلفة ولكنها تتشابه في شئ واحد .. أنها مدنية

ذات مساء ممطر ، كان المكان بارد جدا ، ولكن هذا لم يمنعني من السهر ، أنا وثلاثة من الزملاء ، تحدثنا وتحدثنا ، ودار الحديث بعض الوقت عن العلاقات الخاصة ، وتحدث أحدهم عن فتاة جميلة يرافقها ، يعبث ، يمرح معها ، ذكر أنها مخطوبة ، لمته على مرافقة فتاه تخص آخر ، فأجابني "أنا حبيبها وهو خطيبها وهي حرة" منطق غريب

تحدث عنها وأطال الحديث ، ثم أخرج صورة لها ، تأملت الصورة ، كانت فتاة جميلة ولكني تذكرت أنني رأيتها من قبل .. ولكن التفصيلات أبت أن تستيقظ .. سألته عن اسمها فأجابني "رحاب" لم أزد بأي كلمة ، وبدأ المفهوم يتضح أكثر في ذهني واقتربت أكثر من قراري الرابع "أنني الخائن الأول" وكفى
-----------------------------
حكاية حقيقية وشخصية ولا يوجد تفسير

Simply

2008-06-23T19:51:00.000-07:00

أسلحتهم النائمة استيقظت فجأة مع اقترابه ، تلعثمه ، ارتباكه ، ربما هي الأخرى كالكلاب التي طالما تحفزت كلما شمت رائحة عرقه والتي أيضاً تركض خلفه كلما ركض منها ، كان يقترب منهم وهو يتلفت حوله ، عرقاً غزيراً تصبب منه

اعتدلوا جميعاً فجأة ، كانوا أكثر من خمسة ، ارتبكوا هم أيضاً مع ارتباكه ، أشار أقربهم له بأن يتوقف ، فتوقف ، كان لا يزال يرتعش ، يرتبك ، تحسس قلبه بوهن وصدره يعلو ويهبط بقوه ، وهنا اندفع الجندي ناحيته ولطمه بكعب بندقيته بقوه على رأسه ، فسقط الرجل على الأرض وهو يتأوه

ابتعدوا عنه للحظة ، ثم اقترب منه جندي أخذ ينتزع ملابسه بحرص ، وهو عاجز عن الحركة ، كان يبحث عن متفجرات يخفيها الرجل في ملابسه ، وربما في حذائه . و تعرى الرجل أمامهم تماماً ، أيقن الجندي أنه كان على خطأ ، لا توجد أية متفجرات ، ولكن اقتراب الرجل منهم خائفاً جعلهم يظنون أنه يخفي شيئاً خطيراً ولا يوجد عندهم أخطر من قنبلة بشرية ، وأخذ الجنود يتناوبون ضرب الرجل بأقدامهم وقبضاتهم ، حتى مات

اقترب شاب يبتسم ، يطلق صفيراً منغوماً ، يتابع الموقف بلا مبالاة ، وقف بجوار أحد الجنود واضعاً يده على كتفه بود ، وربت على كتفه وهو يبتسم ، أخرج الشاب التبغ من علبته وأعطى الجندي منها ، فابتسم له الجندي بشغف وهو يأخذ منه السيجارة ، وضع الشاب يده

:على كتف الجندي وأخذه وتحرك إلى منتصف المكان تماماً وهو يسأله

ثقاب ؟
لا
لا عليك أنا معي
وتحسس الشاب جسده ، والجنود يتجمعون حوله منتظرون تبغه وثقابه ، ووضع الشاب يده داخل ملابسه ببساطة ، وفتح أزرار معطفه

.بهدوء وهو يبتسم لهم ، ولم يعد هناك ما يقال

الكلمات المناسبة

2008-01-03T21:39:00.000-08:00

ظللت طوال الليل أبحث عن الكلمات المناسبة ، الكلمات التي تناسب رجل يترك فتاة كان يعشقها بعد أن أكتشف انه لم يكن يحبها ، بل كان يشتهيها

هي الآن بين ذراعي ، نائمة ، تمنيت تلك اللحظة كثيراً ، رأيتها في أحلامي ، ولكني لم أكن أعلم أنها حين ستحدث سأكتشف أنني لم أكن أتمنى من تلك الفتاة سوى تلك اللحظة

كنت أشعر بنبض قلبها الصغير على جسدي ، وكان صوت أنفاسها الهادئة واضحاً ، في صمت تلك الليلة ، ليلة بلا قمر ، ليلة صامتة ، حزينة ، كنت أشفق عليها ، لذا كنت أبحث عن الكلمات المناسبة ، وفكرت أنه ماذا لو كنت تزوجتها وشعرت بما أشعر به الآن في ليلة زواجنا الأولى ، ماذا كنت سأفعل ، بالتأكيد كان الأمر سيكون أكثر صعوبة ، لن يتوقف على بعض كلمات مناسبة أقولها لها ، كنت أفكر بأنانية

كانت بين أحضاني تحلم ، فكرت في أنه لو كان للتفكير صوتاً ، لما استطعت أن أفكر في هذا في تلك اللحظة

غلبني النعاس وأنا أفكر في الكلمات المناسبة ، رأيتها في أحلامي تبكي ، ورأيتها تموت وأنا قاتلها ، أراها جريحة في معركة تارة ، وأراها تارة أخرى جارية في محفلي النسائي

استيقظت لأجدني وحيداً على السرير ، لم تكن بجواري ، يبدو أنها في مكان ما بالمنزل ، ربما كانت تجهز لنا طعام الإفطار ، عدت أتذكر ما

كنت أفكر فيه ليلة أمس ، وأخذت أبحث بسرعة عن الكلمات المناسبة

اعتدلت ، وجدت بجوار السرير أسفل سلسلة مفاتيحي ورقة صغيرة ، أخذتها ، كانت فيها كلمات بسيطة ، كلمات عجزت أنا عن إيجاد مثلها ، كلمات تناسب فتاة تقول لرجل أنها ظنت يوماً أنها لم تعشق غيره ، ولكنها صغيرة لم تستطع التفرقة بين الحب والاشتهاء إلا في تلك الليلة وأنهت كلماتها باعتذار وشكرتني على تلك الليلة الجميلة

طويت الورقة ، يبدو أنها قد رحلت عني للأبد ، تركتني حين وجدت هي الكلمات المناسبة ، شعرت في تلك اللحظة كم كنت مخدوعاً ، وكم سأفتقد فتاة صغيرة أحببتها ، فتاة لم تستطع أن تفرق بين الحب والاشتهاء

2007-09-08T21:47:00.000-07:00

عفواً

المدونة التي طلبتها ربما تكون مغلقة

ومازلنا أصدقاء

2007-08-21T05:43:00.000-07:00

قررت أن أنساها وأرحل ، فرغم كل شئ لازالت تعتبرني صديق ، مجرد صديق ، ألقت على مسامعي كلمات لها علاقة بالصداقة ، والأخوة ، وبعض الكلمات السخيفة الأخرى التي لا أتذكرها ، ولا يهمني بأن أتذكرها ، قالت أنها يعجبها صداقتنا ، وزعمت ــ كذباً ــ أن الصداقة مشاعر أسمى من الحب ، حاولت عبثاً إقناعي أن رفضها ليس انتقاصاً من شأني أو من رجولتي ، فعرفت أن هناك آخر ــ غيري ــ بالإضافة إلى أنها لا تريد أن تربط مصيرها بمصيري المجهول ، لا شقة واسعة ، ولا سيارة فارهة ، فقررت أن أغادرها وأرحل
ورحلت ، تركتها ، ومرت بضع أعوام ، وها أنذا قد أصبحت رجلاً ذو شأن ، كسبت مالاً كثيراً ، أصبحت أكثر وسامة ، وعندما عدت ،قابلتها ، ابتسمت ، وضحكت ، وغمزت ، وملأتني أكثر بالثقة وربما الغرور
تقابلنا كثيراً ــ بزعم الصداقة ــ وعرفت أنها قد انفصلت عنه ، فملئت بأكثر بالثقة ، وربما بالشماتة ،

:وقلت لها

ها أنا عدت ، بالمال ، بالقوة ، وأنت وحيدة ، رفضتني من قبل ، ورغم كل ذلك فأنا لازلت أحبك وأريدك

:فهزت رأسها ، ثم قالت
وها أنذا ، لازلت كما أنا ، وأنت عدت بالمال ، والقوة ، ورغم كل ذلك فأنا لازلت أمانع

ثم ألقت ذات الكلمات ، عن الصداقة ، والأخوة ، وفي تلك المرة هي التي رحلت عني

باقة ورد

2007-08-06T21:04:00.000-07:00

كانت عيناي تتابع ضحكاتها وسط المدعوين ، رغم تيقني من أنها لا تكترث لوجودي ، فكرت أن ألملم جروحي وأرحل ، ولكن تذكرت أن رحيلي لن تعبأ به ، فمكثت مكاني أتابعها

لاحظت تطلعها المستمر له ، وابتساماتها التي تتحول إلى إيماءة بالرأس كلما وقعت عيناها علي وأنا أتابعها بلا ملل

لا تكفيني الإيماءات ، أريد الإبتسامات

تحرك ، مد يده إليها في شوق ، نهضت مع أنامله التي شعرت بها تعتصر قلبي مع يدها ، نهضا للرقص ، لم أكن أرى سواها في الحفل

كانت العروس تستعد لإلقاء باقة الزهور من خلف ظهرها ، وجدت حبيبتي تبتسم له مع تدافع المدعوات اللاتي تتمنى كل واحدة فيهن من داخلها أن تكون صاحبة المرمى الذي تدخل فيه الزهور

تتمنيت أن تكون هي صاحبة المرمى ، وأن أكون أنا الرامي ، لذا عندما خرجت الباقة من بين أنامل العروس تحلق فوق الجميع مثل طائر شارد يخفق ويضرب بجناحيه المكان ، تتابعه العيون بقوة ، اندفعت وكانت يدي هي الأقرب للطائر الأحمر ، لطمته بقبضتي بقوة ليندفع ناحية يدها ويكون لها

نهضت وسط ضحكات الجميع وأنا ابتسم ، تومئ لي برأسها بامتنان ، نظرت له ذات النظرة ، ابتسمت له ذات الابتسامة ، واتجهت ناحيته لتعطيه زهرة من الباقة ، زهرة رأيتها لحظة كنت أحلق معها في سماء المكان فوق روؤس المدعوين ، زهرة تمنيت أن تكون لي ، لكن قبضتي كانت أقوى من أن تمسك تلك الزهرة

تأبطت زراعه ، داعب زهورها بأنامله ، إبتسمت له بذات الابتسامة ، والتفتت إلي ، تحولت ابتسامتها إلى إيماءة بالرأس ، ابتسمت لها وعدت إلى مقعدي بين المدعوين اكتفي بمراقبة الإبتسامات ، ولا تنسى صاحبة الابتسامات أن تومئ لي برأسها كلما نظرت إليها

وجوه جامدة

2007-07-19T05:48:00.000-07:00

وجه جامد

الحاج سعيد

لم يعتاد الحاج سعيد على إظهار سعادته لأبناءه ، ظناً منه أن إظهار سعادته لهم ، أو إطراءه على عمل ما أحسنوا فيه ، من شأنه أن يظهره أمامهم في موقف الضعيف الذي تأثر بشئ ما ، لذا لم يتورع أبناءه في إطلاق عليه اسم " ريتشارد قلب الأسد " لما كان لقلبه من قوة وجمود ، حتى أن ابنه الأكبر فهمي كاد أن يقسم أن أبيه لم يحزن على وفاة شقيقه الأصغر كمال ، لولا أنه سمعه خلسه ليلاً يبكي بشدة ويتأوه بحرارة حتى أنه لم يصدق أن لأبيه غدد تفرز الدموع كبقية البشر

المشهد الأول

***

عاد فهمي من مدرسته وهو يحمل في يده شهادته التي تحمل الكثير من الدوائر الحمراء الشهيرة وعندما عرضها برعب على الحاج

:سعيد ثار وهاج عليه قائلاً

عندما كان أحمد زويل في سنك طلع الأول على مدرسته

: فرد عليه فهمي بكل بساطة وقد عرف بخفة ظله

عندما كان أحمد زويل في سنك أخذ جائزة نوبل

فثار عليه الحاج سعيد ولعنه ومنعه من تناول الطعام ليلتين ، ولولا ما سرقته له عائشة الشغالة من طعام لمات من الجوع

المشهد الثاني

***

فهمي وقد بدت عليه مخايل الرجولة ، يدخل المنزل في ثقة ، مبتسم ، يلتفت ناحيته الحاج سعيد الذي هو جالس أمام التلفاز لا يمل من

:تغيير محطاته ، يتردد فهمي قليلاً ثم يقول

بابا أنا نجحت وطلعت الأول على دفعتي

:يلتفت له الحاج سعيد بوجه عليه شبح ابتسامة تلاشت بسرعة تجاوزت سرعة الصوت ، ليحل محلها الجمود ، ثم يقول

مبروك

ويلتفت للتلفاز ويستمر في تحويل محطاته ويقول

:بعدم اكتراث

هو الماتش النهاردة الساعة كام؟

المشهد الثالث

***

الحاج سعيد أمام التلفاز يشاهد إحدى المباريات الهامة للنادي الأهلي فريقه المفضل ، ثم يصيح في سعادة

جووووووووول

ــــــــــــــــــــــــــــــــــــ

وقائع القصة حقيقية ولكن الأسماء غير حقيقية

الميول الجنسية للطفل

2007-07-05T18:28:00.000-07:00

لم أتمالك نفسي من الضحك وأنا أقرأ في كتاب فرويد الشهير " تفسير الأحلام " عن نظريته في الميول الجنسية للطفل ، وتذكرت فوراً هجوم أحدهم ــ لا داعي لذكر اسمه ــ على هذه النظرية ، حيث اعتبر أن فرويد ما هو إلا " مخرف " كبير ، لأنه قال أن الطفل له ميول جنسية كالكبار تماماًَ ، بل ويسعى لإشباعها بطرقه الخاصة

ولا يظن البعض أن فرويد يقول أن الطفل شبقي مثلاً ، فالذي يقرأ نظريات فرويد عن عالم اللاوعي والأحلام يفهم المقصود من نظريته الميول الجنسية للطفل

ففرويد وضح أن اللاوعي عند الإنسان هو المكان الذي يختزن فيه الإنسان ميوله ورغباته المكبوتة لسبب أو لآخر ، سواء كانت تلك الأسباب دينية أو أخلاقية أو حتى مادية

فاللاوعي هنا هو العالم الخاص الذي يشبع فيه الإنسان غرائزه المكبوتة فالمقيد يحلم أنه يطير ، والجائع يحلم أنه أمام دجاجة مشوية بحجم هرم خوفو ، وهكذا

والإنسان سواء كان رجل أو امرأة أو طفل أو أياً كان نوعه أو عمره ، يحمل في لاوعيه غرائزه الفطرية ، والله سبحانه وتعالى قد خلق داخل كل انسان غريزة جنسية تجاه النوع الآخر ، فالذكر يميل للأنثى والعكس

لذا لا نتعجب إذا عرفنا أن للطفل ميول جنسية ، فالطفل ذكر أو أنثى حتى مرحلة البلوغ يميل للجنس ، وذلك من خلال لاوعيه ، أي أنه قد يشعر بالرغبة الجنسية ويشبعها دون أن يدري أو يعي تفسير لذلك

وقد حباني الله بنعمة ، وهي الذاكرة القوية ، فأنا أتذكر تفاصيل في طفولتي تؤكد هذه النظرية ــ ومحدش يضحك ــ وهذه التفاصيل التي تذكرتها عني في طفولتي هي ما جعلتني أضحك بشدة

فأتذكر وأنا لم أتجاوز الأربعة أو الخمسة أعوام شروعي الدائم في تجريد الدمى " العرائس " من ملابسهم ، فكنت أمسك بالدمية أجردها من ملابسها تماماً واستمتع بذلك ، دون أن أعي سبباً لتلك المتعة

كذلك بعض الأحلام الصغيرة التي أتذكرها وانا طفل ، فأستيقظ سعيداً بسبب شئ ما شعرت به ، ولا أعي ما هذا الشئ ، وما سر المتعة

وبالتأكيد هناك العديد من المواقف التي لن أقولها كلها لأن ما بها فيه افشاء لأسرار الأطفال

الطفل يسعد بالجسد العاري ، ويحب أن يراه ، والطفلة تحب جسدها وتندهش لتكوينه ، وفي غفلة من الجميع تسبر أغواره وتحاول فهمه ولا ننسى أن هذه كلها أفاعيل بريئة لأطفال

وخجل الطفل من النوع الآخر دليل على شعور داخلي باختلاف جنسي ما بين النوعين ، يتحتم عليه وجود بعض الخجل من النوع تجاه النوع الآخر ، والمدارس الإبتدائية المشتركة على الرغم من أنها تجمع النوعين معاً ، إلا أننا نلاحظ حذر الطفل الذكر من الطفلة الأنثى والعكس ، ولا يجلسون معاً ، لا تتعدى علاقاتهم التجاذب والتعامل العدائي كما لو كانوا فريقين متنافسين

ولا أحد يندهش لهذه الميول الجنسية عند الطفل ، لأن الطفل به الغريزة ككل مخلوق ، انسان أو حيوان ، وضعت فيه ، وهو لا يشعر بهذه الغريزة ويفهما إلا مع مرحلة البلوغ

والرجل والمرأة في النضوج كلاهما له ميول جنسية في لاوعيهما ، والدليل أن الرجل يميل دائماً لإبنته في حين أنه يعامل ابنه بغلظة ، والمرأة تميل لإبنها كذلك ، وتشعر من داخلها أن ابنها هو الرجل الذي خرج منها

ودليل آخر في إجابة هذا السؤال الذي أطرحه على القارئ.. ما سر غيرة الرجل على زوجته من ابنه؟

ونتابع هذا الطفل " الشقي " مع زوجته البلاستيكية

أظن بعد كده البنات هيتكسفوا من أخواتهم الصغيرين حتى ولو كانوا لسه بيرضعوا

و قد شعرت بالقلق عندما سمعت بعض الأقاويل تدعو إلى تدريس

الجنس في المدارس ــ وأنا لست ضد هذا ــ وسبب قلقي هو أن يقوم بهذه العملية التعليمية مجموعة من مدرسي التربية والتطعيم في مصر ، وقد يؤدي هذا إلى نتائج سلبية ، فيجب أن يقوم بذلك خبراء في السيكولوجية الإنسانية قبل أن يكونوا خبراء فسيولوجيين ، وذلك باعتبار أن الجنس يبدأ من الغريزة الفطرية النفسية للإنسان قبل أن يكون شعور جسدي ، والدليل على ذلك أن الطفل داخله الميول الجنسية قبل مرحلة النمو الجسدي ، وهذا يدل على أن الرغبة الجنسية نفسية قبل أن تكون جسدية

ولا احتاج لسرد كم من الحكايات المملة التي نعرفها جميعاً عن فشل العلاقات الجنسية بين الزوجين بسبب إنعدام الألفة أو الحب ، فالتوافق الجنسي الإيجابي يبدأ من المشاعر الإيجابية

لذا اتمنى ان يتوخى السادة الخبراء الحذر وهم يبحثون في تدريس الجنس في المدارس ، كي لا تتحول العملية الجنسية داخل وجدان الطفل ، من عملية مشاعر ، إلى عملية ميكانيكية آلية جسدية بحتة ، ومن ثم لن نختلف عن الحيوان الذي يمارس الجنس للتناسل فقط ، وليس لإزدياد الرابط والإئتلاف بين النوعين

وهناك بعض من أهل الكهف لايزالوا بيننا حتى هذه اللحظة ، لا يدركون أن العملية الجنسية هي عملية مشاعر ، وليست للإنجاب فقط ، فيمتنعون تماماً عن التعامل مع هذه العملية باعتبارها مشاركة ، ويتعاملون مع زوجاتهم كما لو كانوا جواري في محفلهم الليلي

ونهاية القول أقول أنني لم أكن أرغب في وضع دراسة عن هذا الموضوع ، بالقدر الذي كنت أرغب فيه في التعليق على نظرية فرويد ، ولكن خانتني الكلمات ، ولكن لا مانع في أن أضع هذه الدراسة في مدونتي ، فربما يتعثر فيها بعض من أهل الكهف ، فيأخذون النصيحة وربما يأخذونها ويعطوني في المقابل الحجارة

ملعون أبو الإنسانية

2007-06-28T10:09:00.000-07:00

طـاقـة سلبـيـــة

كراهية.. بغض

أنانية

شعور بالغضب

دموية

غضب يكفي لإشعال روما

لاحتلال الإمارات الصليبية

ولكن

هل تكفي روما

كي تجرف حمم غضبي النارية؟

***

أريد أن أحرق

أن أقتل

أنضم لجيش احتلال

أو دولـــة قــويــــة

أمسك بسلاح يدمر

ينـهي الانسانـيـــة

ذلك المعنى الخادع

يشعرني بالسخرية

فـنــحـن نمــوت

باسم الانسانية

نجوع للانسانية

نتفانى بزعم الانسانية

دعــوا لــي السـعـــادة

وسأدع لكم الانسانيـة

خـذوها منـي للأبد

واعطوني الحرية

لا أريـد شعــارات

لا أحتاج للبشرية

أريــد الســعــــادة

وإن كانت حيوانية

أريدها حرة

بعيداً عن السادية

***

أنا أشعر بغضب

يكاد يدمر مدناً

أو يشعل حرباً عالمية

غضب لا يـعرف حبـاً

أو طفولة أو شهامة أو بطولية

غضب تجاوزت حقارته

حقارة النازية

غضب يكفي لاشعال روما

وكل المدن الإيطالية

يكفي لأن يجعل ألمانيا تنتصر

في الحرب العالمية

أو يبتلع نيران

القنبلة الذرية

غضب يكفي ليجعل الإنتصار صليبي

على الأمة الإسلامية

أو إسرائيلي

على الدول العربية

***

يكفي ما مر من حياتي من حب

يكفي ما مر بـها مـن انـسانيـة

أريد أن أطلق غضبي

أريد الكراهية

هكذا أنهي كلماتي

كي لا أدمر أوراقي

أمزقها أو أحطم أقلامي

ملعــون أبـو الانسـانيـة

التاج علينا حق

2007-06-19T22:44:00.000-07:00

انا معرفتش حوارات التاجات دي الا على ايد السيدة شيماء

وزي ما بيقولوا

الخير على قدوم الواردين

وعلى فكرة التاجات كتير ومتخزنة

بحاول أسرسبهم واحدة واحدة من غير ما حد ياخد باله

:يجيني واحد مش مدون يقولي

" وإيه اللي جابرك؟ "

ده سؤال لطيف

:أقوله

زي ما في الحياة الموت علينا حق

في التدوين

التاج علينا حق

واسيبكم مع التاج بقى

اسم مدونتك؟

والله السؤال يبان عليه سهل

بس هو في الحقيقة صعب جدا
لأن التاج لما اتمرر ليه مكنتش لسه غيرت اسم المدونة

انا هريح دماغي

كان أنظر حولك في غضب

وبقى سيزيف

ثم فاوست

وده آخر اسم وصلتله

مش عارف اللي بيقرا الاجابة دلوقتي شايف اسم المدونة ايه

لماذا اخترته..وماهي نيتك من وراء اختياره؟

مش بقولكوا مشكلة

ممممممممم

عامة انا هجاوب

فاوست ده بروفيسور

شخصية أسطورية

اخترت اسمه لأني أولا بحب الحياة جدا

وبحب الناس

وفاوست كان بيتمنى الخلود

وأنا كذلك

لكن أنا مش هبيع روحي للشيطان زيه

هل فكرت في إغلاق مدونتك؟..والسبب؟

محصلش ومش هيحصل

أولاً لأن مفيش أي سبب يدعوني اني أقفلها

لو حصل أي تغيير خلاني أفكر اني ابعد عن التدوين

هسيبها من غير ما أقفلها

وثانياً لو فكرت أقفلها

مش هستنى أعرف ليه عاوز أقفلها

أصلي متسرع ومبحبش أقلق دماغي

صورتك في المدونة..رمزيتها؟

الصورة بغيرها كتير

ومش حاجة ثابتة

بس الحالية هي صورة فاوست وهو في ليلته الأخيرة

بيناشد الأفلاك أن تتوقف

كي لا يموت

لماذا دخلت عالم التدوين من الاساس؟

عالم التدوين عالم سحري

خيالي

وانا بحب السحر والخيال

وأنا أول ما عرفت التدوين عرفته عن طريق الصدفة البحتة

كنت بعمل بحث في جوجل عن موضوع معين

كان فيه مدونة كاتبة عنه

وهي مدونة فوق الرائعة

ياسمين أنا حرة

هي السبب

احلى جمله قيلت لك فى وصف مدونتك؟

بصراحة أنا أي كلمة ولو بسيطة من أي حد بتسعدني

بس أنا فيه تعليق علق معايا

بيقول ان مدونتي فيها شعور غامض بالسحر والخيال

حاجة كلاسيك كده

ده أكتر وصف قريب من قلبي

التعليقات بالنسبه لك ..اهميتها؟

الموضوع ده برده متغير

في بداية التدوين خالص وكالعادة كنت متضايق

مش عارف ليه محدش بيعلق

وكان أي حد بيسألني السؤال ده

أقوله ان التعليقات بالنسبة لي هي سبب التدوين

ولولا التعليقات مش هدون

لأني أصلا بدون حاجات مكتوبة عندي

بس فيه فترة التعليقات قلت جداً

وحسيت بإحساس جديد

اني هدون حتى لو التعليقات صفر

وإن كان الموضوع ده بيحسسني إن قلمي بقى ضعيف

احلى بوست كتبته ...ضع اللينك ..ثم اذكر لماذا؟

ده سؤال الناس هي اللي تجاوب عليه مش انا

بس أنا هقول بناء على ردود أفعالهم

هو موضوع

لا توجد بنات قبيحات

ده اللي فرق معايا كتير

لأنه شد الناس جدا

وخلاني أعلمه سلسة متتابعة مش مجرد حلقة واحدة

ودي أكتر حاجة بستمتع وأنا بكتبها

أفضل مدونة قرأتها؟

مش هقول أفضل مدونة

هقول أكتر مدونات بستمتع بيها

بحب مدونة ياسمين أنا حرة جدا

مدونة بعمل فيها دماغ

وأثرت فيه جداً

ومدونة الزعيمة داليا إللي كلها كلام كبير قوي

وأميرة البلطجية

ومدونة البنت الشقية شيماء

أيوان اللي حدفت التاج

على فكرة المدونات كتير

بس الحصر صعب

أفضل بوست قرأته؟ وضع لينكه؟

لأ ده صعب قوي

أنا قريت ييجي مليون بوست

منهم مليونين حلوين

لأ صعب

حد قل ادبه فى التعليق..ايه رد فعلك؟

مرة واحدة

واحد في بوست

وماذا غير الجنس؟

واحد من الناس اللي عايشين في كهف

رافض إني اتكلم عن الجنس

رغم اني إتكلمت بشكل عادي جداً

رافض الكلام عن الجنس فقل أدبه

باعتبار إن سعادته من كوكب تاني

جه الدنيا ذاتياً

أسوأ مدونة؟

أكيد مفيش أسوأ من مدونة

نيكنيف

اللي بجد اتحرق دمي لما دخلتها

وطبعاً مش هحط لينكها

علشان محرقش دم الناس

بجد حاجة صعبة قوي

وصل بسعادته الأمر إنه يسب الذات الإلهية

وطبعاً لا تعليق

أسوأ بوست..أسوأ مدون؟

مفيش أسوأ من كده

أكيد نيكنييف بكل بوستاته

على فكرة

المدونة دي مش مدونة شخص عادي

دي مدونة تحارب الإسلام

ومنظمة في التخطيط

مش مجرد واحد ملحد

على فكرة لسه فيه تاجات كتير

بس باخدها واحدة واحدة

اعتبروها فواصل بقى

أمرمر التاج

لياسمين أنا حرة

نبيذ

أميرة البلطجية

محض روح

كفاية كده علشان ميدعيش عليه كتير

واللي مررتلهم لو عاملين التاج ده

مش مشكلة

ياخدوا اللي بعده

باعتبار إنه قطر

مش قلتلكوا

التاج علينا حق

وجوه أفزعتني

2007-06-14T05:15:00.000-07:00

كان مجرد حلماً ثقيلاً

استيقظت على إثره وأنا أتلفت حولي ، أتحسس الأغطية ، الوسادة ، أطمئن إلى أنني بخير ، صدري يخفق بشدة وكأنني كنت أركض حقيقة وليس في النوم

كنت أرى رجلاً غريباً ممسك بمذراة ، كالتي يمسك بها الموت في التصور القديم له

عباءة سوداء ، مذراة في يد ، مشعل في اليد الأخرى ، المكان قلعة قديمة كقلعة دراكيولا المنيفة ، المطر والرعد والبرق ، تلك الأجواء الخيالية التي تلجأ إليها دائماً الأفلام المرعبة

بالطبع لم أفكر في هذا كله ، كنت أفكر طيلة الوقت في وجه الرجل الذي كان يطاردني

لم يكن وجهه مألوفاً ، وهذا عجيب ، فإيماني بنظريات فرويد عن الأحلام ضد هذا ، ففرويد أكد أن الإنسان في أحلامه لا يرى وجوهاً غير مألوفة ، إما أن يرى وجوهاً رآها من قبل في مكان أو زمان ما ، وقد سجلت ذاكرته صورة هذا الوجه في الخلايا الرمادية ، إما أن يرى ظلالاً لوجه ، وليس وجهاً حقيقياً

والحقيقة أن الوجه كان واضح كل الوضوح ، ومع ذلك لا أتذكر مطلقاً إنني أعرف صاحب هذا الوجه ، حاولت طرد هذه الصورة عن رأسي دون جدوى ، وعرفت حقيقة أن هذا اليوم ولابد أنه سيكون غير طيب

كنت شارداً أنتظر سيارة أجرة تقلني إلى عملي ، ومر علي الكثير دون أن أنتبه لها ، فقد كان هذا الوجه عالق بذهني بشدة ، وكأنه روح تملكتني ، لوحت آشعة شمس أغسطس وجهي ، أفقت على أثرها ، تأففت ، نظرت في الساعة ، انتبهت لسيارة أجرة قادمة نحوي أشرت لها دون اكتراث ، توقف المأفون على مسافة لا بأس بها ، تململت وسرت تجاهه ، ملت برأسي ناحية النافذة وهممت بأن أخبره بهدفي ، ولكني جفلت مع مرآى وجهه ، وفزعت حقاً ، إنه ذات الوجه ، مع اختلاف بسيط ، أنه لا يحمل مذراة ، بل يمسك بعصا القيادة

على فين؟ -

لم أجد إجابة لسؤاله ، فكرت أن أركض ، أصرخ ، ولكني خشيت أن يركض خلفي ، ومن أدراني ربما كانت المذراة أسفل مقعده أو في الحقيبة الخلفية

على فين؟ -

:قالها بنفاذ صبر ، خشيت أن ينفذ صبره أو أن أثير غضبه فأسرعت بالإجابة

القليوبية-

بالطبع لم أكن ذاهب إلى هناك ، فالمسافة بين حي الهرم والقليوبية لا يتحملها " تاكسي " بسيط ، ولكني تعمدت أن أقول مكان بعيد كي يطلق هذا الوجه سراحي ويرحل ، ولكني فوجئت به يقول

هتدفع كام؟-

لم أجد ما أقوله ، يبدو أنه لن يتركني بسهولة ، فكرت أن أركض ثانية ، ولكني لم أشأ إثارة غضبه ، فهو سريع الغضب ، ويحمل مذراة حادة ، لذا فكرت في وسيلة فعالة في الهروب منه ، وهي أنني أجبته بثمن بخس بالمقارنة بالمسافة ، وجدت عيناه تتسعان ، ويطلق من أنفه فعلاً بذيئاً ، يبدو أن الوسيلة لم تنجح ، فقد قال بغضب

كام يا حبيبي-

هذا ما عندي؟-

اللي عندك؟ اللي عندك ما يوديش وسط البلد-

إذاً؟ شكراً-

أجبته وهممت بالرحيل ، ولكنه استوقفني صائحاً

انت بتوقفني وتعطلني عالصبح؟ وتسيبني وتمشي وانا بكلمك؟-

كان يصيح بشدة ، ووجدته يمد يده أسفل مقعده ويخرج شئ ما ، ويفتح باب السيارة ، فزعت ، أسرعت بالركض أسابق الريح ، ولم أنظر خلفي خشية أن أرى صاحب الوجه وقد ارتدى زيه الأسود ، ويمسك المذراة ويركض خلفي ، ولم أتوقف عن الركض حتى وصلت إلى مكان رأيت فيه زحام ، وهنا هدءت أعصابي قليلاً ، ولم أجد بداً في أن أستقل الأتوبيس ، فالزحام فيه لا بأس به

--------------------

وقائع القصة حقيقية

ولا أعرف إذا كان هذا ما حدث فعلاً

أم أن الفزع هو الذي صور هذا

وجوه سأفتقدها

2007-06-07T13:21:00.000-07:00

لحظات مع المجهول

صمت

ترقب

دفقات دموع

وبعض من دم

لحظات مع الصمت

مجهول

عناق

بكاء

دفقات من القبلات

وبعض ابتسامات

لحظات أخيرة

في مكان كان يحتوينا

ننظر له تارة بشوق

وتارة بحسرة

وربما بحب

لم نشعر به من قبل

ننظر حولنا لحظات

داخلنا

وإلينا

نتعجب

أهو الرحيل

أحانت الساعة

نتردد

نتلفت

نريد ان نسرق

لحظة من الزمن

بعض من الحياة

لحظات من الحب

مزيد من العطاء

الرغبة

سعادة وانطلاق

وبعض من حزن

اتخرجت النهارده

كان آخر يوم

اتخرجت من مكان

مش عارف بجد ان كنت حبيته

ولا كرهته

حقيقي

المعهد مش شوية عواميد ومسرح وقاعات

المعهد ذكريات

ناس

مش حلوين
مش وحشين
ناس
مجرد ناس
والذكريات
مؤلمة
ولذيذة
ممتعة

بجد مش عارف
أأبكي؟؟ أأفرح؟؟
أأحب؟؟ أأكره؟؟

حقيقي يوم صعب
على الرغم اني اتمنيت اليوم ده جدا
حلمت بيه كتير
كنت دايماً بقول زي كل الناس
امتى هخلص بقى
انا واصحابي كنا بنقول كده مع بعض
لكن الحقيقة
يوم الخلاص ده
مش عارف
كان يوم حلو؟؟
مر؟؟
كنا سعداء مش فاهم؟؟
متضايقين؟؟

احنا خرجنا
اتنططنا ولعبنا
ركبنا النيل وأكلنا سوا كالعادة
ضحكنا وهزرنا

بس مش عارف
ان كنا فرحانين
ولا زعلانين
ولا ايه؟

كنا بنضحك
وبنرقص
وبنغني

ومع ذلك بكينا
عيونا دمعت لما حانت اللحظة
اننا هنفترق

وبقى السؤال اللي داير جوه كل واحد فينا
هنشوف بعض تاني؟
أكيد
الإجابة اختلفت
يعني أنا كنت من جوايا خايف الحياه تاخدنا
وليد ببساطته المعهودة حاسس اننا أكيد هنتقابل دايما
أميرة كانت كعادتها متفائلة ومصممة اننا عمرنا ما هنفترق ابدا
مي عينيها غرقت دموع واحمرت ومفهمتش من عينيها حاجة
غادة كانت رجلها وجعاها من التنطيط ومش بتفكر غير في كعب رجلها اللي اتهرى
سالي وسامر كانوا بيخططوا انهم هم اللي هيدبروا الخروجات
طبعا غصب عن الجميع
مواعيد وأماكن اجباري

بجد بحبكوا قوي

لأول مرة بكتب بوست شخصي
عن ناس بحبهم
وعن نفسي
لأني نفسي اننا دايما نفضل سوا
مهما حصل

رغم اننا المفروض نفرح بالتخرج
بس بجد
انا واثق ان اللحظة صعبة
الناس اللي دايماً سوا
يومياً
أربع سنين
كل يوم
حوالي 8 ساعات مع بعض
بيتهيألي اننا أكتر من الاخوات
عمرنا ما نزعل الا ونتصالح

لأ لازم احكي النهاردة واتكلم
لازم اتكلم كتير

ذكريات جميلة
وليد صديق عمري

وليد وانا اتصاحبنا فجأة وبلا مقدمات
وبلا أي تجارب
أو مواقف
بجد حتى مكناش نعرف أسماء بعض

المهم أيام امتحانات القبول والورشة
شفت وليد
مش عارف ليه رحت سلمت عليه
وكل يوم اسلم ويسلم عليه
من جوايا حبيته مش عارف ليه
لقيته بيقولي اللي مقدرتش اقوله
قاللي والله انا حبيتك قوي وحاسس اننا هنقبل في المعهد ونبقى اصحاب
قلتله والله نفس احساسي

وطبعا بيني وبينكوا اتكسفت أسأله عن اسمه
جريت على كشف الأسماء
وقريت الاسم
طبعا قريت غلط
وكنت بناديه باسم واحد تاني
شفتوا

وليد وانا بجد ويارب دايما عمرنا ما اختلفنا ابدا
عمرنا ما حاجة حصلت بينا ولا حتى زعل صغير
دايما متفقين
وللأبد
" وراك يا وليد "
ووليد بس فاهم معنى الكلمة دي

أما أميرة دي حكاية
بت كده مشكلة
حتة سكر
أحلى حاجة في حياتي
شقية وحبوبة
وبجد
عمر ما حد كرهها أبدا
وعمر ما حد قال عليها حاجة وحشة
ولازم تتحب
هو كده تتحب وببلطجة كمان
لأنها انسانة نضيفة جدا
أميرة دايما تحب تنكش البشر
مبتهداش أبدا
وحالمة قوي
ونومها تقيييييل
أيام الامتحانات بتطلع عيني وانا برنلها علشان تصحى
الغريب اني انا وأميرة بنزعل كتير من بعض
وبصراحة
كتير بنقاطع بعض
لكن دايما بنتصالح
الغريب اننا بنتصالح فجأة
وبننسى كل حاجة
وبجد عمرنا ما بنزعل سوا وحد فينا بيكره التاني او بيقل احترمه للتاني
الاحترام والحب مش بيتهزوا
حتى في زعلها مخلصة
مش عارف
بحس انها بنتي والله
رغم اني اكبر منها بشهرين بس
بثق فيها جدا
وعمري ما هيكون ليه صديقة زيها
وبجد أنا مبستريحش غير معاها
لأن أميرة انسانة بسيطة قوي
واخدة الحياه ببساطة
مش معقداها
مفيش حاجة ممكن تاخد أكبر من حجمها
مش هقدر أوصف بساطتها
بساطة حاجة كده زي انسان بيبتسم للحياة بهدوء
قاطعة فيه قوي بنت الايه
يا رب دايما مع بعض

أما سالي وسامر
اسمهم مرتبط ببعض
واضح ليه؟
طائري السنونو
تحفتين من تحف الزمن
أحلى اتنين مرتبطين شفتهم في الدنيا
يا رب يخليهم لبعض
سامر لما بييجي يأكل سالي
وهي تقوله لأ
يقولها وحياة طائر السنونو
تسمع الكلام
وتشوفوهم
تفتكروا العصافير
بجد
دول اللي نفسي أرقص في فرحهم

مي فارس
البت الشقية اللعبية المفروسة المهروسة المدووشة
دايما دوشة تبقى مي
فيه قلق
مي
تليفوني بيرن بالليل وانا نايم تعبان
تبقى مي
حد تلاقيه قلقان لما تكون الحياه سهلة
تبقى مي
أما لما الحياة تتلخبط وتتعقد
تلاقيها بااااااردة وبتضحك ومفيش حاجة
مي برده
حتة بت عجيبة
لو شفتها
هتحبها غصب عنك
بصراحة
رغم انها بتخنقني ساعات
بس عمرنا ما اتخانقنا ولا زعلنا
متفاهمين
اصلها بتسمع الكلام
مش زي أميرة
عندية ودماغها ناشفة
بتوحشني ساعات
مش على طول
لأنها بيني وبينكوا
مش بتديني فرصة
بتكلمني كتير
ربنا يكرمها ويارب متساناش بقى

أما غادة
فهي البت اللي اسمها تررررم
اللي قال عليها العسيلي
حاجة صغنونة كده
صاحبة أقوى رنة كعب في المعهد
وهي داخلة المعهد الصبح
نعرف انها جت
لأن الكعب مش بيخبي
طك طك طك
وهي شقية برده
كل شلتي شقية اعمل ايه يعني
ومش بتحب الدراسة خالص
ولا الامتحانات
عاوزة تخلص بقى
أصلها لسه في تالتة
ربنا معاها بقى

مش عارف اتكلم أقول عنهم ايه؟
انا أصلاً ناوي أفضل أتكلم عنهم كتير
لأن شوية الكلام دول يمكن ريحوني شوية
ولأنهم وحشني قوي
ونفسي نفضل سوا دايما
ويجمعنا الشغل
زي الدراسة
ربنا يكمل على خير
وننجح كلنا

بجد هتوحشوني
وبحبكم قوي
ممكن أعيط بقى؟

لأول مرة بقى هحط صور شخصية في المدونة بتاعتي
انا بصراحة مبحبش أتكلم عن نفسي
ولا عن حاجة شخصية
بس قلت الصور
مش مشكلة
أهه حاجة نفتكر بيها أحسن أيام في الدنيا

بس عامة
مش هقول أنا مين في الصور
متفقين
خمنوا انتوا
واللي يعرف يخليها في نفسه

طبعا بالنسبة لصديقاتي العزيزات
محطتش صورهم
علشان مش من حقي
لو حد منهم قاللي عادي
هتلاقوا صورهم نطت في البوست
بس بصراحة
مش عاوزهم يتحسدوا
ملكات جمال معلش

ده مستر وليد ووراه المعهد زي ما انتوا شايفين
بعواميده والبشر
بس دي صورة من سنة كده
الشكل اتغير كتير
قصدي المعهد يعني
وليد شكله مبيتغيرش أبداً

دي بقى صورة جماعية
وفي الصورة اصحابي
تمثيل ودراما
وكذا دفعة
هتلاقوا ناس من سنة أولى
وناس من تالتة
وناس من رابعة
كلنا اصحاب

دي صورة طبعا تحفة
في النص دكتور عبد الناصر الجميل صديق الطلبة الجميل
من قسم الديكور
حواليه بقى
كل الأقسام
في تحية للجميع

أما هنا واضح الاختناق اللي بيسببه لينا السيد العميد
قدام المكتب
وهو جوه على فكرة
وقفنا نعبر عن رأينا بكل وضوح
وبيتهيألي اننا واضح اننا مش بندعي الاختناق
فيه واحد بيموت تحت اهوه

أيام جميلة
أجمل أيام مرت عليه من عمري
ربنا يوفقنا ونفضل سوا دايما
بجد
انا بحبكوا قوي
وعاوزكوا جمبي دايماً

وجوه عرفتها

2007-05-29T06:39:00.000-07:00

في رحلتنا
من البداية إلى عالم الموت المجهول
تمر علينا آلاف الوجوه
منها من يمر كريماً
ومنها من يعلق بذاكرتنا العنكبوتية

منها من نعشقه
ومنها من نكرهه
منها من نبكيه
أو نضحكه
ومنها من نشتاق إليه
أو نرفضه
أو ننساه
ونتذكره

واليوم قررت أن اتذكر وجوهاً عرفتها

وجوه عشقتها
-----------

جلست في أحد أركان الكافيتريا
أتأمل بخار فنجاني الأسود
يبدو أنني كنت أفكر فيها حين شعرت بها تجلس
نظرت إليها
كانت كمن انتهت لتوها من البكاء
نظرت إليها متسائلاً
قالت لي أنها تشاجرت معه
شعرت في داخلي بالسعادة

على الرغم من أنني قد رسمت الأسف على ملامحي
لست مثالياً
ولا أود أن أكون مثالياً
إن من أحبها مع غيري
لن أتمنى لها السعادة مع غيري
والآن هي وحيدة
حاولت أن أخرجها عن صمتها
أخذت يدها بين راحتي
ابتسمت لها

قلت
اتمنى ان تشعرين بي

قالت
اتمنى ان أعود إليه

سحبت يدي من يدها
رأيته قادماً نحونا
عندما رأته ابتسمت ثم انسالت دموعها بهدوء
أخذها من يدها
تأبطت ذراعه
خرجا سوياً

عدت أتأمل فنجاني
ولكن لم يعد هناك بخار يخرج منه

سيزيف.. عالم من العبث

2007-05-13T12:59:00.001-07:00

بما أننا ندور في عالم من العبث ومن اللاجدوى واللامنطق
فلا يوجد منطق يحكم الأشياء

فما يقال لا يُسمَع
وما يكتب لا يُقرَأ
وما يُفعَل لا يُنتِج

كلنا ندور في عالم من العبث
دائرة
ندور فيها دون الوصول لنهاية

قد قررت تغيير اسم مدونتي
من أنظر حولك في غضب
إلى سيزيف

فقد كنت أنظر حولي غاضباً
ربما يتغير شئ
وبما أنه لا جديد
فمن العبث أن أرهق مقلتي بالنظر غاضباً

وسيزيف بسبب أنه قدر هرب من عالم الموتى إلى الحياة
وصفد إله الموت بالسلاسل
فهو يدور في دائرة مغلقة

لذا حكم عليه زيوس كبير الآلهة
بأن يحمل صخرة ضخمة من أسفل جبل إلى أعلى قمته
وتتدحرج الصخرة إلى أسفل
وتسقط في سفح الجبل
فيهبط سيزيف
ويحملها ثانية ويصعد
ويضعها على القمة
فتسقط
وهكذا إلى ما لا نهاية

فالصخرة لا تستقر على القمة
وسيزيف لا يتوقف
وهذا الفعل غير مجدي
بلا هدف
وبلا نهاية
وسيزيف أحمق
لأنه يكرر الفعل مراراً

------------------------------

يحكى أيضاً أنه في قديم الزمان
كان هناك ملكاً على خلاف مع شقيقه
وكان لهذا الملك خمسين إبنة
وكان لشقيقه خمسين إبن
وقد رغبت الفتيات في الفتيان
وأرادوا الزواج منهم
ولكن أباهن عارض ذلك بشدة
لذا أجهزت بناته عليه وقتلنه ومزقنه وألقوا بأشلائه في النهر
ورغم ذلك لم يتزوجن الفتيان

لذا فقد حكمت الآلهة عليهن بنفس جرمهن
أن كل واحدة منهن تمسك بآنية مثقوبة وتجلس في النهر لتملئ الآنية بالماء
والأواني لا تمتلئ أبداً
لأنها مثقوبة
والفتيات لا يتوقفن أبداً
لأنهن حمقاوات

فقد قتلن أبيهن
ورغم ذلك لم يحققن أي فائدة من هذه الجريمة

------------------------------

إنه لحقاً عالم من العبث
تحكمه ذاكرة الفئران
فالفأر كذلك أحمق
يدخل المصيدة مراراً كلما مر عليها
وإن أخرجته منها
عاد إليها

Refresh

2007-05-04T04:10:00.000-07:00

الليلة

Tonight

وبعد فترة طويلة

after along time

بطريقة ما

somehow

لازلت على قيد الحياه

iam still alive

وانا الآن

now

الليلة

tonight

لا أريد سوى

i need to

أن استريح

rest

أن أنام طويلاً
to sleep only

Ramy Sabry.. Home Party

2007-04-24T16:24:00.000-07:00

ألف ما شاء الله عليك

يـا جمــالـهـا عـينيــك

يـا قمر نورلي حيـاتي

انـا مــن الليـلة بـدوب

وهــــواك مـكــتـــوب

ولا عمري هتوه في حياتي

يتشرف المعهد العالي للفنون المسرحية بأكاديمية الفنون بالهرم بإقامة حفل غنائي

يوم الخميس الموافق

3\5\2007

ويقوم بإحياء الحفل النجم الصاعد

رامي صبري

حفلة واما جه اتنين

وفاكر شكلهم كويس

دول هينوروني المرة دي دون أية مشكلة

اللي غير الاتنين دول

الناس اللي عاتبتهم وعاتبوني

هينوروني بس علشان نتأكد من صفاء النية

هيعزموني عالعشا

متخافوش يا اصحابي يا حبايبي محدش هيدفع فلوس ولا حاجة

بس انا أكلتي خفيفة

ممكن أطلب بيتزا

أو حاجة أخف

زنجر سوبريم مثلاً

ولا يهمكوا انتوا اللي تيجوا بس ونقضي يوم جامد ونتعرف أكتر

انا مش هدفي بجد من الموضوع ده غير اني أعرف الناس اللي بيحبهم ويحبوني أكتر

غير كده لأ

لا انا بزود جمهور رامي صبري ولا يهمني ده في حاجة

أنا يهمني الناس أكتر

يا جماعة جميع البلوجرز واصحاب البلوجرز واخواتهم كمان

الدعوة عامة وضيوف البلوجرز اصحابي

واصحابهم اخواتي

واخواتهم على راسي

الدعوة عاااااااااااااااااااااااااااااامة وعلى الحاضر يعلن الغايب

ونعيد الكلام بتاع الحفلة اللي فاتت للي نسي

وللي مجاش أصلاً

***

فيه ناس ميعرفوش المعهد للأسف فطبعاً لازم أسهل ليهم الطريق
شارع الهرم، ومبي، آخر شارع جمال الدين الأفغاني
وأسأل على معهد الفنون المسرحية واللي يسأل مايتوهش

***

اصحابنا اللي بييجوا بالمترو لازم أسهل عليهم برده
محطة الضواحي "أم المصريين" تنزلوا السلم شمال تركبوا عربية خاتم المرسلين
قولوا للحاج السواق عاوزين ننزل عند قاعة سيد درويش
دي الأكاديمية
بس ودور عالباب هتلاقيني واقف مستنيك ببص في الساعة بغيظ لأنك اتأخرت
بقالك ساعة بتسأل
مش هسهلها أكتر من كده
***
قابلوني قدام الباب اللي قدام ستوديو المدينة مباشرة
الساعة 7:00 مساء
ودي نمرة تليفوني علشان أسهل أكتر
0108931381

دي بس علشان الناس تطمن لحد يتوه ولا حاجة
بيتهيألي مفيش أسهل من كده
Waiting for you
اللي مش هييجي هزعل منه

ويا جماعة الحفلة وقتها مش متأخر

الليل بيبدأ 7 مساء صعب نعمل الحفلة بالنهار

فالناس اللي هتيجي من أماكن بعيد أو خايفة من الوقت

ممكن تمشي وقت ما تحب

وحاولوا تستأذنوا الباباهات والماماهات

طبعاً ده للبنات الشباب عادي صيع زي حالاتي

اللي عندها أخ راجل كده تجيبه معاها

كده ممكن تطمن أكتر

Free والحفلة

بس هو يا دوب العزومة بتاعتي

انا مش طماع

اللي ناوي ييجي وينورني

يحط تعليق صغير يقول انه جاي

أو يتصل بيه مباشرة يبقى اتشرف بصوته

واللي مش ناوي يقول برده

علشان اللي هيتجاهل انه حتى يعتذر

بجد المرة دي هزعل منه

مفيش أعذار

المرة اللي فاتت الوقت كان ضيق

المرة دي قدامنا أكتر من 7 ايام

Cooming soon وانا بقول

بقالي اسبوع

بس علشان المعاد مكنش اتحدد بالظبط

بس قلت أمهد للناس

Updating

------------------

بالنسبة لحفلة وجيه عزيز اللي في نفس اليوم

كان فيه حفلة يوم 18

وحفلة يوم 3 اللي جاي

وفيه حفلة قلت عليها قبل كده

عندي في الأكاديمية

لسه مش اتحدد معادها بس هتبقى على 10 مايو مثلاً

يعني مش تحطولي العقدة في المنشار

وحفلات استاذ وجيه جاية كتير

واللي عاوز يقابله مقابلة مخصوص والله اخليه يقابله

وجيه عزيز صديقي الصدوق

لكن حفلات المعهد كلها الشهرين دول وانسوني

هتخرج من المعهد وصعب اني اتابع حفلاته كتير

بس ربنا يسهل

عامة كل واحد يعمل اللي يريحه

انا عملت اللي عليه

Updaiting

--------------------

بسبب ظروف طارئة خارجة عن إرادتي

وبسبب إرتباك المواعيد والترتيبات

تم تأجيل الحفل من يوم الأحد 29 إبريل

إلى يوم الخميس 3 مايو

أرجو ان المعاد الجديد يكون أفضل للناس

واهو خميس بقى والجمعة أجازة

وانا والله بمجرد تحديد المعاد الجديد عملت التعديل ده على طول

وربنا يسهل بقى

وسامحوني لو أربكتكوا بس غصب عني

منتظر تشريفكم

GUTEN TAG

2007-04-20T22:03:00.000-07:00

صباح الخير بالألماني على الجميع

وتاج جايلنا من عند شيماء وده يعتبر أول تاج يوصلني والحمد لله أسألته كويسة

ومش من نوع الأسئلة اللي يخليك تبص حواليك وانت بتجاوب لحد من أهلك يكون شايفك ولا حاجة

انا طبعاً رغم إني كنت ناوي أحط بوست تاني خالص مرتبط بالبوست اللي الفات

بس لقيت ان التاج ممكن يكون فاصل كويس

نبدأ على بركة الله

والموبايل يلف ويلف ويقف

يشاور عليه انا

وشيماء تسأل

انت شبه مين من القادة؟

ممممممممممممم

عامة أنا مبحبش المناصب القيادية خالص وشايفها إلتزامات ــ لو فيه حد لسه بيفكر في واجباته قبل حقوقه ــ لأني بصراحة بحب أكون سندباد بلا أي ضغوط والتزامات

بس طالما ان السؤال إجباري فمضطر أفكر في قائد ممكن أكون شبهه

Martin Luther أعتقد اني أحياناً بحس إني شبه مارتن لوثر

زعيم حركة الإصلاح الديني ومؤسس المذهب البروتستانتي المسيحي

ففكر مارتن لوثر في الدين أنا بحترمه جداً لأنه حقق اللي نفسي فيه وهو التفكير في الدين والله والعلاقة بين الإنسان وربه تكون بلا وسيط

شوفتوا يا جماعة انا شبه مارتن لوثر اللي حارب أوربا كلها

؟Friends انت شبه مين من

سؤال مش هينفع أجاوب عليه لأني مش اتفرجت على المسلسل ده لأني مش بحب النوع ده من الأعمال الدرامية

إيه أكتر فيلم كلاسيكي بيعبر عنك؟

جميل قوي السؤال ده لأني بحب جداً الأفلام الكلاسيك

God Father هو أنا بحب قوي فيلم

TROY بس أنا شايف ان فيلم

أكتر فيلم عبر عن إحاسيسي وأفكاري في البحث الدائم عن الخلود أنا فعلاً يا جماعة خايف إني بعد ما أموت أكون ولا كأني كنت عايش عاوز أعمل حاجة التاريخ يفضل كاتبها للأبد

تحب تمرمر التاج دوكها لمين؟

يعني هو السؤال ده صعب شوية أصل الناس كتشير كتشير

بس نقول

ياسمين أنا حرة

محمد حسام وجهة نظر

نبيذ

ضربة شمس

شيماء ماشي بدون قدم

الفنان حسني

بنت الحياه

محض روح

بعدك على بالي

الزعيمة داليا

شجرة الدر

إبيتاف

منى قهوة عالمفرق

ناقص حد؟

كفاية كده هسيب الباقين للناس تمرمر لبعضياتها أصلي لو قعدت أرص الناس كلها هقول للصبح

بس عاوز الناس اللي أنا قلت عليهم دولي ينشروا للكل همتكوا يا شباب

واللي مش هيجاوب عالتاج هعمل فيه زي الواد ده

UPDATING

----------------------

بناء على رغبة السيدة شيماء قلب وعقل وروح وبناء على فهمي الخاطئ للتاج تم التعديل

المفروض إن انا مش أجاوب عالأسئلة بشكل مباشر

المفروض إني كنت أدوس على اللينك عند شيماء وأجاوب على الأسئلة اللي تتسألي

ومن خلال إجاباتي هيعرفوا إجابة السؤال

يعني الناس اللي هتحل التاج تدوس على لينك الصورة ويخشوا يجاوبوا على الأسئلة اللي يشوفوها

وفي الآخر هيعرفوا الإجابة

أنا يا جماعة رأيي عن نفسي فوق أهوه ودي إجاباتي

أما إجابة الآخر اللي اتحددت بناء على إجاباتي فهي كالآتي

أنت شبه مين من القادة؟

What Famous Leader Are You?

personality tests by similarminds.com

ودي الإجابة

بالزمة مش كان مارتن لوثر أحلى برده

انا شبه كلينتون يا جدعان؟

بأمارة إيه بس؟

حد يقول حاجة

انا بحب مارتن لوثر

عااااااااااااااا

السؤال التاني

؟FRIENDS انت شبه مين من

وده أساساً معرفش إجابته لأني مشفتش المسلسل ده

....بس هم قالوا إني شبه

مين ده؟

حد يعرف الجدع ده تبع مين؟

دي صفاتي

Your personality: Like Joey, you sometimes have trouble grasping simple concepts. But that's okay--you make up for your mental lapses by overachieving in other areas. You are the Casanova of your social set. And, no, we're not comparing you to a car made by Chevy in the seventies. You have big dreams, but low ambition, content to bide your time until your next gig comes along. And it always does.

هم اللي قالولي

لو حد يعرف الجدع ده يقولي يبقى مين وبيبيع ايه

السؤال الثالث

إيه أكتر فيلم كلاسيكي بيعبر عنك؟

وأكيد لازم تكون الإجابة غريبة كالعاده

What Classic Movie Are You?
personality tests by similarminds.com

برده لو حد شاف الفيلم ده يقولي

بس هدور عليه وأشوفه

جايز يطلع حلو

اهه حاجة نعرفها احسن من كلينتون

والواد اللي انا مش عارفه

بس تصدقوا باين عليه ابن ناس

طبعاً همرمر التاج لنفس البشر اللي مرمرت عليهم التاج فوق

والجايات أكتر

بس يا ريت مش يغلطوا غلطتي

الحب والصيف

2007-04-15T20:30:00.000-07:00

أتى الصيف بمشعله

يلهب قلوب العشـاق

ويــحــرق قـلــوبـنـا

بـنيران الإشــتـيــاق

دائماً

ما يحمل لي الصيف ذكريات خاصة

ومشاعر تتولد مع شروق الشمس

الحــر يرتـبـــط بالشـمــس

والشمس ترتبط بالخصوبة

والخصوبـة ترتبـط بالجنـس

والجــنــس يرتـبــط بالحــب

كان القدماء يمثلون الحب في الإله كيوبيد

طفل عار

فالطفولة تعني الحماقة

أن الحب أحمق

لا يفـرق

من يحب

في الحب لا يوجد سبب

ولا منطق

ولا يـحمــل اتـفــاق

ولا يعـرف استثناء

وكيوبيد عار

فالعري يرتبط بالجنس

فالحب مشاعر روحية

وطاقة جسدية

ولا أظن غير ذلك

فلا ينتفي الجسد في الحب

ولا تنتفي الروح

كلاهـما موجـود

وكذلك لا تنتفي الحماقة

فمن هنا نكون جميعاً في الحب سواء

كان هذا تعليقي على

الحب الروحي والجسدي

في حديث إذاعي طويل

وللحديث بقية

ده كلام؟؟

2007-04-12T12:07:00.000-07:00

في مساء جميل.. وحفل ساهر.. قابلتهم

يوم الأربعاء 11 إبريل

وتحيطنا أسوار أكاديمية الفنون

وسط معاهدها وطلابها

كانوا هناك وكنت معهم

في حفل جميل وليلة جميلة

ولكن قبل الخوض في شرح تفاصيل هذه الليلة الجميلة

أعزائي المدونين إليكم أروي وإليكم أشكو

مساء السبت 7 إبريل

أجلس في مكتب رئيس أكاديمية الفنون بجواري أمين جمال صديقي وأمين اتحاد الطلاب

بجواري أحمد فهمي زميلنا وأحد أعضاء فريق واما

وبين ضحكاتنا عرض عليه رئيس الأكاديمية فكرة حفل بمناسبة عيد الربيع يحييه فريق واما كإهداء لطلاب الأكاديمية

وكعادته بإبتسامة جميلة رحب أحمد فهمي ورفع هاتفه وأبلغ بقية أعضاء الفريق بالحفل

ولكن.. لم يتحدد الميعاد بعد

مساء الإثنين 9 إبريل

الساعة الواحدة صباحاً داخل أسوار الأكاديمية أنا وأمين نتصل بفرقة واما لنحدد الميعاد ونشرف على تعليق البوسترات

وتحدد الميعاد.. الأربعاء 11 إبريل

وطبعاً حاولنا قدر الإمكان أن نمد الزمن.. معنى هذا أن يعلم الطلاب بميعاد الحفل قبله بساعات

ولكن الظروف لم تسنح أبداً

واتفقنا وحددنا وبدأ التجهيز

صباح الثلاثاء 10 إبريل

الساعة 3 صباحاً أفتح باب المنزل وأنا تدور في عقلي مشكلة الوقت

كيف سأدعو الناس بحيث تصل لهم الدعوه في وقت مثالي

وتذكرتكم أعزائي المدونين

كنت أرجو مقابلة أكبر عدد من المدونين ووجدت تلك الحفلة فرصة كي يتجمع فيها المدونين فأسرعت بإدراج بوست في مدونتي

وكلكم بالتأكيد شاهدتموه

حاولت بقدر الإمكان تسهيل الأمور

وقد كان

العنوان تفصيليلاً لو كان المدون بيتحرك بالسيارة

ولو بييجي بالمترو

ولو حد كان بيتحرك بطيارة كنت قلت له يركن فين

كتبت نمرة موبايلي علشان الناس تطمن ولو حد تاه يرنلي وانا أكلمه عادي يعني

وحاولت أسهل على بعض الناس على قد ما اقدر

بعت ليهم في مدوناتهم بلينك الدعوة

وانجي سمراء النيل Skylight وطلبت من محمد حسام وجهة نظر وياسمين

قلت نسرع الموضوع شوية

وللأسف واحد بس منهم اللي حط لينك الدعوة عنده

ومش كفاية

اللي معايا نمرته كلمته علشان يعرف المعاد بدري بدري

ثم كانت الفاجعة

ومن هنا تبدأ شكواي

أعزائي المدونين

منكم وإليكم

أشكو

لامني البعض علشان اتأخرت عليهم ومقلتلهمش من بدري

اذا كنت أنا نفسي عرفت متأخر

البعض قال " لسه فاكر" وانا بعتذرلهم وبقول لسه عارف

البعض تجاهل الدعوه مش عارف ليه؟

بس عادي يمكن غصب عنهم

المشكلة في الناس اللي افتكرتني عامل الدعوة دي علشان ألم ناس وأبيع تذاكر لواما

؟؟؟؟؟؟؟؟؟؟؟؟؟؟؟

وانا فعلاً زعلان جداً من الناس دي

لأني أولا مش استغلالي قوي كده هعزم الناس وامصلح عليهم

WAMA ثانياً

لو عاملة تذاكر مش هتنادي عالناس علشان يشتروا

قلت يمكن الغلط من عندي

واضفت تحديث للبوست

Free قلت

والناس تراجع وتشوف

الأربعاء 11 إبريل

الحفلة كانت روعة وفرحنا الحمد لله

أقدم بقى شكر وباقة ورد لناس أسعدوني

اللي أسعدوني وشرفوني ويارب دايماً للأمام WAMA فرقة

الناس اللي جت الحفلة رغم كل الصعاب

محمد حسام وجهة نظر اللي أساساً مش محتاج شكر لأنه صحبي من زمان وغصب عنه لازم ييجي

بس هو بجد تعب معايا قوي

وأحمد مسلم الأرموطي بجد الراجل ده زي العسل وأقول حاجة بقى

أحمد عمره ما دخل مدونتي ولا دخلت مدونته ومع ذلك عرف الدعوه وجه نورني

طيب الناس اللي كل اسبوع بنخرج مع بعض واللي عارفين نفسهم كويس

مجوش ليه؟؟ طيب معتذروش ليه؟؟

أحب أشكر بقى الناس اللي اهتمت واعتذرت تليفونياً

Heart,Mind and Soul شكر كبير لشيماء

وأحب أشكر الناس اللي اعتذرت كتعليق واللي هتلاقوهم معلقين على البوست واعتذروا

واخدين بالكوا ان اللي جه الحفلة اتنين بس

مش حاجة تزعلني؟

الناس اللي جت عندي بالدنيا لكن أنا زعلان لأني حسيت رغم ده كله اني غلطان برده

لأن الموضوع جه فجأة وفي ناس معرفتش

بس برده زعلان لأن فيه ناس عرفت ومقدرتش وناس اتهمتني بالسمسرة

وأنا مفيش لقاء ولا مقابلة ولا أي حاجة ليها علاقة بالمدونين اللي أعرفهم واللي معرفهمش
اتأخرت عنه يبقى ده جزائي

على العموم الشكر للجميع

وأحب أقول حاجة بقى

أنا جالي اتنين

وعارف شكلهم كويس مش هتوه عنهم

وفيه تلات حفلات بيجهزوا

القادمة حفل استاذ وجيه عزيز ومش هقول المعاد

وحفل محمد منير اللي مش هقول لحد عليه علشان الناس تزعل مني

وحفل احتفال باستاذي واستاذ الفن عادل إمام

يا جماعة اللي جالي حفلة واما هينورني في الحفلات اللي جاية كلها ان شاء الله

واللي مشفتوش معرفوش

طبعاً أنا بهرج يا جماعة الكل هينورني بس انا زعلان من الكل برده

بس زمن الدلع انتهى

حفلة منير هعملها بفلوس للضيوف

بس حاجات عبيطة متقلقوش

أما حفلة وجيه عزيز هتبقى هدية مني ليكو

يعني مش بلم فلوس يا أساتذة

بس حطوا في دماغكوا ان اللي هييجي هيبوس راسي وهيعزمني عالعشا

ماشي

شكراً لجميع المدونين والأصدقاء والفنانين

ويا رب دايماً فرحانين

Home Party...WAMA

2007-04-09T18:40:00.000-07:00

يتشرف المعهد العالي للفنون المسرحية بأكاديمية الفنون بالهرم بإقامة حفل غنائي يوم الأربعاء الموافق

11/4/2007

الساعة 7 مساء

ويقوم بإحياء الحفل فرقة واما

وطبعاً يا جماعة آسف لأن العزومة جت متأخر.. الدعوة عامة.. جميع البلوجرز ينوروني يوم الأربع بإذن الله
الساعة سبعة قدام باب المعهد.. واللي هينورني يقولي بس يسيب كومنت صغير واللي مش هيقدر ينورني

علشان مش أزعل يحط كومنت يعتذر برده علشان يبقى عمل اللي عليه

يا جماعة هيبقى يوم جامد

والدعوة عااااااااااااااااااااااامة وعلى الحاضر يعلن الغايب

***

فيه ناس ميعرفوش المعهد للأسف فطبعاً لازم أسهل ليهم الطريق

شارع الهرم، ومبي، آخر شارع جمال الدين الأفغاني

وأسأل على معهد الفنون المسرحية واللي يسأل مايتوهش

***

اصحابنا اللي بييجوا بالمترو لازم أسهل عليهم برده

محطة الضواحي "أم المصريين" تنزلوا السلم شمال تركبوا عربية خاتم المرسلين

قولوا للحاج السواق عاوزين ننزل عند قاعة سيد درويش

دي الأكاديمية

بس ودور عالباب هتلاقيني واقف مستنيك ببص في الساعة بغيظ لأنك اتأخرت

بقالك ساعة بتسأل

مش هسهلها أكتر من كده

***

قابلوني قدام الباب اللي قدام ستوديو المدينة مباشرة

الساعة 7 مساء

ودي نمرة تليفوني علشان أسهل أكتر

0108931381

بيتهيألي مفيش أسهل من كده

Waiting for you

اللي مش هييجي هزعل منه

-----------------------

تحديث

بسبب السؤال اللي اتكرر من ناس كتير

الإجابة أهه

Free الحفلة

بيتهيألي عداني العيب

منطق الحب

2007-04-02T05:30:00.000-07:00

حديث إذاعي طويل

الابتسامة للجمال والجمال للنساء والجمال قلب ولسان وهما أجمل ما في الإنسان

أعزائي المستمعين.. كلامنا عن الجمال في الحب لم ينتهي.. وفي حقيقة الأمر هو لن ينتهي.. ففلسفة الجمال فلسفة لا يمكن حصرها.. فقد فرد الفلاسفة والمفكرين علماً خاصاً للجمال.. ولم يضيعوا أوقاتهم عبثاً.. فمنذ المدينة الفاضلة عند أفلاطون ولم تحسم معاني الجمال

قلت تلك الكلمات بحماس ولكن كانت نظرات المخرج تتابعني بحنق بالغ.. فهو كان معترضاً على أن يكون موضوع تلك الحلقة عن الجمال أيضاً.. فقد استمر الحديث عن الجمال الحلقتين السابقتين للبرنامج.. وبسبب اقتراب القضية من قلوب المستمعين أصررت على أن يكون موضوع تلك الحلقة عن الجمال أيضاً.. رغم ثقتي الشديدة بأن الأمر لن يحسم إطلاقاً.. ولكني شئت أن أطرحه على أكبر مساحة من البرنامج كي أصل على الأقل إلى حل يرضيني أنا شخصياً

تحدثنا في الحلقتين السابقتين عن الجمال.. وطرح أحد ضيوف البرنامج الكرام قضية أنه " لا توجد بنات قبيحات " ودار الحديث حول هذه القضية ولم تحسم.. فقد طرحت القضية مرة أخرى مع اتصال الفتاة جميلة وتجربتها المؤلمة في هذا الصدد.. هل حقاً توجد بنات قبيحات؟ هل الحب مدرك بالعين أم بالروح؟

هذه الأسئلة التي طرحتها لم تكن هي الأسئلة الوحيدة التي تؤرقني.. فالقضية تحمل آلاف التساؤلات.. وكل سؤال يحمل آلاف الأجوبة.. هكذا هو الجمال دائماً.. يحمل المتعة.. والدهشة في آن واحد

مر وقت طويل.. يبدو أن المستمعين تلك الحلقة أكتفوا بالاستماع فقط.. أو أنها خطوط الهاتف اللعينة.. ولكن نظرات المخرج تلاحقني في شماتة.. إذا لم يتصل أحد ستكون كارثة

أعزائي المستمعين.. منتظرين اتصالاتكم وإيميلاتكم التي تثري برنامجنا وتفعله وتملأه بكل ما هو جديد ومثير.. وموضوع حلقة اليوم كماوضح لكم متعلق بالجمال والحب الروحي.. هل حقاً يوجد ما يسمى بالحب الروحي؟ هل لجمال الجسد يد في صنع علاقة حب بين طرفين؟ منتظرين آرائكم عن طريق اتصالاتكم وإيميلاتكم نستقبل مشاركتكم بالرأي أو عرض مشكلاتكم لطرحها ومحاولة حلها على البريد الأليكتروني للبرنامج

hadeeth_ezaay@hotmail.com

لم يتصل أحد بعد.. وقد طال حديثي حقاً.. أشرت للمخرج أن يتأكد من خطوط الهاتف.. قد تكون معطلة.. خاصة أن الجو ممطر بشكل فظيع تلك الليلة.. أصابني القلق حقاً.. لم أشعر بالقلق تجاه اتصالات الضيوف منذ عامين عندما بدأت البرنامج.. ولكن الآن.. البرنامج لاقى إقبالاً كبيراً.. لذا أعتقد أن المانع هي خطوط الهاتف

تلقينا إيميل من نضال.. بتقول فيه إن الرجال دائماً ما يهتمون بالفتاة الجميلة.. يبادلونها الحديث دائماً.. يحضرون لها زهور.. لكن الفتاة القبيحة لا تجد أي قبول ناحيتهم

قرأت بعض الإيميلات كمحاولة لمعالجة الفراغ الذي بالحلقة.. لا أحب قراءة الإيميلات.. الحلقة تشتعل بالاتصالات من الضيوف وخاصة الفتيات

إيميل آخر من ياسمين أنا حرة.. بتقول فيه إن الجمال مدرك عن طريق صاحبه.. يعني الجمال مينفعش حد يقولنا عليه لازم نحسه بنفسنا

بتقول هي لو حاسه انها جميله هتتصرف على هذا الاساس لكن لو حاسه انها وحشة و طوب الارض بيقولها العكس مش هتصدقهم.. يا ترى مين متفق مع نضال.. مين متفق مع ياسمين.. ده هنعرفه عن طريق إتصالاتكم ومشاركت

حاولت حث المستمعين ــ إن كانوا لا يزالوا هناك ــ على الاتصال.. يبدو أن قضية الجمال حسمت أخيراً وانا لم ألاحظ ذلك.. نظر المخرج في ساعة يده بحنق ثم أشار لأحدهم بأن يتصل من داخل الأستوديو.. لم يحدث هذا منذ عامين.. شعرت بالخجل.. رنين الهاتف
أفقت على رنين الهاتف الحمد لله لم يكن الاتصال من داخل الأستوديو.. تنفست الصعداء

: ومعانا تليفون نقول

آلو-

صوت غليظ لرجل
أهلاً وسهلاً بحضرتك.. مشاركة رجالي المرة دي

إيه مشاركة رجالي دي؟ محسسني إنك بتتكلم عن جزمة رجالي.. حسن ألفاظك يا حضرة
آسف أقصد اتصال من رجل.. البرنامج بقالوا مدة طويلة ما اشتركش فيه صوت رجالي

علشان برنامج تافه
أفندم؟
زي ما سمعت.. الدنيا كلها مولعة وانت لسه بترغي في حاجات تافهة.. روح شوفلك حاجة تنفعك يا أخينا

صوت إغلاق السماعة بعنف.. دش بارد من أحد المستمعين غير الودودين على الإطلاق.. يبدو أن برنامجي لم يحصل على إعجابه.. أبصرت كل من في الأستوديو يضحكون بشدة

تلقينا اتصال أحد المشاركين مقلش اسمه.. واضح إنه بيهتم بجمال الألفاظ أكتر من الروح والجسد.. اتصال لطيف

:حاولت محو أثر ذلك الاتصال سريعاً قائلاً
تلقينا إيميل آخر من عزه راوية حكايات شهرزاد بتسأل سؤال لطيف.. تحب تتجوز واحدة وحشة ولا واحدة كدابة؟ سؤال جميل وذكي يعيد بينا التفكير فعلاً في مناطق إدراك الجمال.. روحاً وجسداً.. شاركونا الرأي

كررتها مراراً وانا أشعر بقلق واضح.. يبدو أني سأغير موضوع الحلقة مع بدايتها.. ستكون هزيمة منكرة لي.. و.. رنين الهاتف

:قلت بلهفة

آلو-
أخيراً-
صوت فتاة كما لو كانت تلقي حملاً ثقيلاً من على ظهرها
أنا بتصل بقالي ساعة.. الخطوط داخلة في بعض بشكل فظيع-

:أعتدلت في مكاني ظافراً ونظرت للمخرج بسخرية وانا أقول
آسف جداً إنتي عارفة الضغط فظيع على البرنامج-
قلتها بثقة كما لو كنت نسيت قلقي من أن لا أتلقى اتصالات

أنا فرحانة جداً إنك عملت حلقة كمان عن الموضوع ده.. متعرفش أنا حاولت أتصل قد إيه الحلقتين اللي فاتوا.. بس للأسف فشلت

طيب الحمد لله.. أصل موضوع الجمال ده كبير.. فكرك إنه يتحسم في حلقتين بس؟
قلتها وانا أنظر للمخرج كاتماً ضحكة

لا طبعاً ولا خمسين حلقة.. أنا فعلاً سعيدة إنك خليت موضوع الحلقة عن الجمال.. أنا كنت بتمنى إني أحكي تجربتي أعتقد إنها كفيلة بأنها تنهي الموضوع ده
للدرجة دي؟-
أعتقد كده-
أوك.. إتفضلي أحكي للمستمعين تجربتك.. كلنا آذان صاغية.. بس ياريت تعرفينا الأول بنفسك
- أنا عبير.. بكالوريوس علوم جامعة القاهرة.. مش عارفة أبدأ منين.. مش فاكرة حتى حكايتي بدأت إمتى بس أعتقد إن عمرها طويل قوي.. من يوم ما حسيت بجمالي

:ابتسمت وقلت

يااااه.. موضوعك قديم قوي.. اعتقد ان البنت بتحس بجمالها من لحظة خروجها للدنيا

:ضحكت وقالت
مش للدرجة دي-

:قلت
لأ للدرجة دي.. أنا بنت أختي حبيبة.. عندها حوالي أربع شهور.. لما ببوسها بحس إنها بتتكسف

:ضحكت بشدة قائلة
لا أنا حكايتي مش قديمة قوي كده.. أنا حكايتي بتبدأ مع دخولي مرحلة الثانوية العامة.. أنا الحمد لله أسرتي ميسورة.. فكان تعليمي أجنبي.. فمحستش بأي إختلاف بين حياة المدرسة وحياة الجامعة.. كان الإختلاف بين حياتي في إنجلترا وحياتي في مصر

كنتي عايشة في إنجلترا؟-
أيوه.. لحد ما بقى عندي 17 سنة.. نزلت مصر.. حسيت ساعتها بالغربة

:قلت مستفسراً
حسيتي بالغربة في مصر؟ انتي مش مصرية؟

:قالت
مصرية اسماً.. بس انا سافرت إنجلترا من وانا عندي 5 سنين.. يعني عمري كله بره مصر

أوك وإيه مظاهر الغربة؟-
هي مش غربة بالمعنى المفهوم.. بس هي حالة من الدهشة.. أنا في إنجلترا عمري ما شفت شاب بيعاكس بنت أبداً.. ده شفته في مصر

:ضحكت

إتعاكستي؟-
يوووه..كتير.. وبأدب وبقلة أدب.. لدرجة إني أحياناً كنت بجري من شباب وأرمي نفسي في عربيتي وأجري بسرعة.. كانوا زي النمل
انتي جميلة جداً على كده؟-

:صمتت لحظة ثم قالت بصوت خافت
انا عمري ما حسيت بده وانا في أوربا.. بس لما جيت مصر أدركت قد إيه أنا جميلة.. فعلاً بقيت بقف قدام المرايا أبص لنفسي كتير أتأمل نفسي بإعجاب
كويس.. الحمد لله-

:تنهدت قائلة
الحمد لله طبعاً.. بس مكنتش عارفة ساعتها.. الحمد لله على الجمال باعتباره نعمة؟ أم نقمة؟

اندهشت.. الحلقة السابقة فتاة تبكي لكونها غير جميلة.. الآن أخرى لا تعرف إذا كان جمالها نعمة أم نقمة.. تخيلت جميلة وهي تستمع الآن لكلمات عبير عن الجمال.. تخيلتها تحطم المذياع غيظاً

:سألتها
الجمال أعتقد إنه نعمة كبيرة.. وأكيد انتي أدركتي ده الحلقات اللي فاتت
أنا سمعت البنت اللي اسمها جميلة.. كان كلامها رغم إنه هزني قوي.. بس كنت بحسدها من جوايا
تحسديها؟ مين يحسد مين؟-
أنا أحسدها-
قالتها بتحدٍ
:قلت بغيظ

تحسديها على إيه؟-

شعرت بالندم لهذا القول.. تخيلت جميلة تبكي الآن في مرارة بسبب كلماتي.. إن كان مذياعها لا يزال سليماً

:قالت
أحسدها على أنها مش جميلة.. دي نعمة-
أنا احترت-
قلتها بحيرة حقاً
:قالت
أنا هفهمك.. أنا كانت بتطاردني نظرات الإعجاب من الشباب.. وكم فظيع من الاتصالات.. غيرت نمرة تليفوني أكتر من مرة.. مش عارفة بيجيبوها منين؟ مش عايشة مرتاحة خالص.. كل يوم والتاني واحد يتقدم عاوز يتجوزني.. وأنا رافضة فكرة جواز الصالونات دي تماماً.. أتجوز واحد إزاي معرفش حاجة عنه غير شكله..؟
جميل.. وجهة نظر عاقلة-
وعيشة فعلاً مقرفة.. مش عارفة أثق في حد.. كل كلمات الإعجاب بتتشابه عند الرجال.. النظرات واحدة.. حتى محاولاتهم الصبيانية للفت نظري إليهم.. كلها واحدة

:قلت وانا أمط شفتاي
ما أعتقدش.. أنا راجل وليه خبرتي الخاصة في المسألة دي؟

:قالت وهي تضحك

فعلاً.. دي نفس الكلمة اللي بيقولوها الرجالة على طول لما أقول لواحد فيهم أن الرجالة كلهم شبه بعض.. مش بقولك كلكوا شبه بعض

:ضحكت آنسة داليا خبيرة الصوت في الأستوديو.. ثم أومأت لي برأسها إيجاباً.. ابتسمت رغماً عني قائلاً
ها.. وإيه اللي مضايقك في ده؟-
أنا كنت زي جميلة بالظبط.. بدور على الحب الحقيقي اللي ينقلني لعالم جميل رقيق.. بس جميلة تقدر تفرق بين النظرات المعدودة حواليها مين بيحبها لشخصها ومين لأ.. لأنها مجردة من الجمال.. يوم ما هتلاقي الحب.. هيكون حب منزه.. وتجربتها مع الشاب المقنع مش نهاية العالم.. أنا لما كنت في أوربا مكنتش أعرف معنى الحب بالشكل ده خالص.. موضوع الشكل ده ملوش اعتبار نهائي.. الحب بيبقى راحة وإئتلاف..لكن في مصر الوضع إختلف تماماً.. أنا وسط آلاف من نظرات الإعجاب والإنبهار بشكلي.. أضمن منين مين بيحبني لشخصي ومين نظرته ليه مجرد رغبة منه في جمالي..؟

:قلت بضيق
انت موقفك أحسن.. تقدري تاخدي خبرة من تعدد النظرات دي.. تعرفي مين بيحبك ومين لأ
قلت لك كل النظرات تتشابه.. محدش في الرجالة بيبص أبعد من أنفه
ليه بس تخسّرينا جمهور كبير من الرجالة؟
للأسف الرجالة كلهم بيزعلوا من الحقيقة.. هم مش قدها
كفاية هجوم على اصحابنا.. خلينا في موضوعك

:ضحكت قائلة
أوك.. أكمل.. أنا لما دخلت الجامعة الموضوع زاد بشكل ينرفز ووصلت لمرحلة غيظ فظيع منهم.. شباب سطحيين على طول في عينيهم الانبهار الساذج بجمالي.. مش هممهم غير شكلي وبس.. وانا بتضايق جداً من كده.. أحب نظرات الانبهار دي تكون لشغلي.. لإجتهادي لتفوقي.. مش لشكلي
للأسف أعترف إني كراجل مايهمنيش من الست غير جمالها وأناقتها وخفة دمها.. أعمل إيه بتفوقها يعني؟

:قالت بنفاذ صبر وغيظ
للأسف دي نظرة الرجل الشرقي السطحية للمرأة.. مجرد جسم ملفوف ووجه جميل.. وأسطورة العيون الخضراء والشعر الأصفر الكلام ده الرجل الغربي ميعرفوش خالص.. الرجل الغربي بيقيس المرأة اللي قدامه بشكل يناسب عقله المتطور.. ذكائها وتفوقها وإيه اللي ممكن تقدمه ليه في حياته العملية.. مش إيه اللي ممكن تقدمه ليه على السرير..؟

:تنحنحت محذراً.. فاسترسلت
آسفة.. نسيت إني بتكلم في برنامج شرقي.. في أوربا الكلام في الحاجات دي عادي طالما بتتلكم بشكل محترم
معلش إحنا مش في أوربا-
أوك هحاول آخد بالي.. ما علينا شاءت الظروف وانا في سنة تانية كليه.. إني أقابل شاب لطيف مبيحاولش إنه يداري إنبهاره بجمالي لا حاضرة ولا حتى في الكافيتريا.. نظراته وكلماته كانت بتجري ورايا في كل مكان أروحه
نظراته إختلفت عن اللي قبله؟-
لأ-
طيب إيه اللي لفت نظرك ليه؟-
لفت نظري إنه إختلف شوية عن الرجل الشرقي.. هزم جواه التردد والخجل واتكلم معايا على طول.. أصلي مكنتش أعرف إن الرجالة بتتكسف إلا لما نزلت مصر

شعرت بالغيظ تجاه هذا السيل من الهجوم على الشاب المصري.. ولعنت في داخلي تلك النماذج الورقية التي واجهتها تلك الفتاة.. ثم تذكرت خجلي وترددي تجاه الفتاة التي أحببتها وأنا لم أزل طالباً في الجامعة.. فلعنت نفسي أيضاً

:استمرت قائلة
كان عمر هو الشاب الوحيد اللي كلامه بيعلق في زهني.. والشاب الوحيد اللي حلمت بيه كتير.. كان صورة الشاب الشرقي فعلاً زي ما رسمتها وأنا في إنجلترا.. أسمر شهم طويل.. مبتسم دايماً واثق في نفسه.. راكب الفرس الأبيض وشايلني قدامه وبيجري بيه.. هي دي الصورة اللي رسمتها.. مش شباب سطحيين مش هاممهم غير اللبس والشكل والعربية والموبايل.. شباب متردد خجل

:قلت بغيظ ثانية
يا عبير كفاية شتيمة في خلق الله

معلش دي الحقيقة ما علينا.. أنا عشت مع الشاب ده فعلاً سنين عمري اللي ضاعت في أوربا.. حسيت فعلاً إني معنتش غريبة خلاص حسيت إن الشاب ده دخل حياتي علشان يحسسني إن لحياتي معنى
أوك كويس.. عرفيني بالشاب ده اللي رفع راس شبابنا-
أصبر للآخر-

:قلت ضاحكاً
مش مستريح لللآخر-
ولا أنا بصراحة-

قالتها بشكل زاد إشتياقي أكثر.. فإسلوب رويها لحكايتها يدل على ثقافة واسعة.. وقدرة فائقة على الكلام المنظم

:استرسلت قائلة
كان حبنا جميل.. حسيت إنه منزه عن كل الرغبات.. تمام زي ما قال أفلاطون.. حب مجرد.. حببني في الحياه.. والكلية.. كنت بروح كل يوم حتى في الأجازات.. علشان أشوفه وأقعد معاه.. وهو كمان.. كان بيقرب مني قوي بعيونه القوية الحادة

:ثم تنهدت قائلة

أنا نسيت المرايات كلها في وجوده.. كنت حاسة بروحي أكتر.. كنت شايفة جمالي في عينه.. مش محتاجة مرايات علشان أشوف نفسي

:صمتت لحظة ثم استرسلت قائلة
كان عمر دايماً يقولي إن أجمل حاجة فيه روحي الخفيفة.. وعقلي الناضج المتطور.. كان شايف جمالي بقلبه مش بعينه.. كان كلامه بيسعدني قوي
ها.. وإيه اللي اتغير؟-
هو لازم حاجة تتغير؟-
أكيد.. قصتك مش هتقف عند هذا الحد.. لازم حدث يقلب الأحداث كلها-

صمتت.. صمتت طويلاً شعرت أن كلماتي أصابت شيئاً ما داخلها.. فانتظرت صوتها.. ثم اتى صوتها يحمل زفرة حارة

:قالت
فعلاً هو حصل تغيير بسيط.. بس مش مجرد حدث قلب الأحداث.. هو بمعنى أدق مصيبة قلبت الأحداث
مصيبة؟-

قلتها وأنا قلبي يخفق قلقاً.. فحقاً الحياه لا تسير على وتيرة واحدة أبداً.. طالما أنها كانت مستقرة في البداية تنقلب.. وإن بدأت منقلبة تستقر في النهاية.. هذه هي الحياه

:سألتها بتردد

مصيبة إيه؟

توقعت أن تقول أن حبيبها قد لقى مصرعه.. وانتظرت الرد.. صمتت طويلاً ومر وقت كأنه دهر ثم

:قالت
أنا كل شغلي العملي في الكلية بيتم في المعمل.. وفي يوم قبل الامتحانات بشهر قعدت في المعمل لحد وقت متأخر.. كنت لوحدي.. بجهز نفسي للامتحانات العملي.. وأنا منهمكة في الشغل ما أخدتش بالي من إن الرف اللي فوقي عليه أزايز سوائل كيماوية.. رغم إنه محظور حط الأزايز بالشكل ده.. بس معرفتش الشغل من غير ذمة إلا لما جيت من إنجلترا.. كان وضع الأزايز يسهل وقوعها قوي.. خاصة أن وزنها خفيف.. من الآخر وقعت إزازة فوق راسي.. وللأسف كان حظي وحش.. كانت فيها حمض كبريتيك مركز.. كانوا كفيلين أنهم يضيعوا ملامحي تماماً

:قلت بذهول

حمض كبريتيك.. يا خبر-
أيوه.. وقعت وكان حظي أسوأ لما أغمى عليه.. أكل الحمض ملامحي وانا في غيبوبة.. محستش بنفسي إلا وانا في المستشفى وآلام فظيعة في وشي ورقبتي
لم أجد ما أقوله.. أكبر كارثة ممكن تواجه فتاة.. أن تفقد جمالها إقشعر بدني لهذه الحادثة الشنيعة.. كارثة حقاً

:إستمرت في حديثها
قعدت في المستشفى فترة طويلة.. كنت حاسة باللي حواليا.. مش عارفة إيه اللي حصل لي.. أو مقدار المصيبة.. كانت الأربطة مغطية وشي تماماً.. بس حاساها من عياط ماما جمبي.. والصمت المستمر التقيل اللي حواليه.. زارني ناس كتير حسيت بيهم وبمواساتهم ليه تماسكت.. كنت قوية.. كان اللي مصبرني ومقويني أكتر تواجد عمر جمبي.. كان بيزوني كل يوم.. لأ كتير كان بييجي مرتين في اليوم ومالي قلبي قوة.. كان بيأكلني بإيده.. ويقعد جمبي بالساعات
كويس قوي-
فعلاً.. بس للأسف فترات زياراته قلت.. بقت مرة في الأسبوع.. مرة في كل أسبوعين.. رجعت البيت بعد شهر.. قعدت حوالي شهر مسمعتش حتى صوته في التليفون.. مكنتش لسه عرفت حجم مصيبتي.. كل اللي جوايا كان صبر وقوة

:قلت مواسياً

جميل-

الحمد لله.. بعد تلات شهور من الحادثة عرفت حجم مصيبتي.. اليوم الموعود.. يوم فك الرباط من على وشي.. لف الجميع حواليا ماما وأخواتي.. بابا مسافر كالعاده.. وكان المهم إن عمر كنت حاساه واقف في الركن بيراقب بقلق الدكتور وهو بيفك الرباط

حبست أنفاسي وكأني أعيش تلك اللحظة معها
:استرسلت قائلة
رفع الدكتور الرباط من على وشي أخيراً.. محستش حتى بالهوا على وشي.. مش عارفة إن كنت مفتحة عيني ولا لأ.. جفني مكنش موجود

يا ربي
انا عرفت أنا فيه إيه من عياط ماما الفظيع.. وشهقة أخواتي.. وصمت عمر القاتل.. مستحملتش أكتر.. مديت أيدي على وشي محستش إلا بتجعدات وندوب فظيعة.. ووداني كانت شبه مش موجودة
يا ساتر-

:قالت متنهدة
دي الحقيقة والمصيبة للأسف.. جمالي اللي كنت بقف أتأمله ليل نهار قدام المرايا معتش ليه وجود.. والأسوأ إني ما عنتش بشوف كمان
فقدتي بصرك؟-
:سألتها ببطء.. فقالت
الدكتور قال إن دي حالة وقتية.. واحدة واحدة عيني هرجع أشوف بيها تاني.. بس أنا يومها إتمنيت إني أفضل كده للأبد.. معتقدش إني كنت هقدر أشوف شكلي على الحالة دي

لم أجد ما أقوله.. ما أسوأ أن يرى الإنسان نفسه على طبيعتها.. ماذا يمكن أن يحدث إن رأى الإنسان نفسه مشوهاً؟

:قالت
المهم.. أنا مكنتش محتاجة أشوف علشان أعرف حجم الكارثة.. كفاية صوت بكاء عمر المكتوم.. وصمت كل حد يشوفني.. وتحاشي إخواتي إنهم يشوفوني.. وصوت عياط ماما الفظيع اللي كنت بسمعه من على بعد

نظرت لما حولي في الأستوديو وجدتهم يقاومون دموعاً تقفز من أعينهم.. تحسست وجهي.. وجدته مبلل بالدموع كذلك

مرت أيام طويلة.. صوت عمر معنتش بسمعه.. بقى بيزورني كل فترة طويلة.. مكنتش قادرة على بعده.. كنت عارفة إني هظلمه لو اتجوزني على تشوهي ده.. بس هظلم نفسي أكتر لو سبته يروح لغيري.. مكنتش أقدر استغنى عنه أبداً.. لحد ما فيوم كلمني.. كان صوته بارد.. مفيهوش سخونة الحبيب اللي كنت أعرفها عنه.. صوت فيه تردد وتخاذل بكرهه.. كلمته وطلبت منه إنه ييجي ياخدني يوديني الكلية.. سكت كتير.. كان مش عاوزني أروح الكلية وانا بالحالة دي.. بس أنا أصريت

كنت سأفقد كلماتها مع دموعي.. ولكني عدت لأرض الواقع عند هذه النقطة

: استمرت في حكيها قائلة
وللأسف كان معاه حق.. لأول مرة هنزل من البيت من غير ما أحط مايك آب مكنش فيه جزء يصلح إني أحط ميك آب.. كان وشي كله ينفع للمراهم بس

ياللبشاعة.. عندما كانت تتحدث عن جمالها لم تصفه بتلك الدقة التي تصف فيها بشاعتها.. إنها تعذبني معها

:استرسلت قائلة
لما نزلت الكلية كنت متوقعة هجوم من اصحابي يرحبوا بيه تاني في وسطهم على الأقل يواسوني.. بس لما دخلت الكلية حسيت بصمت فظيع عمري ما حسيته.. كانت الدنيا حواليه دوشة على طول.. بقت صمت.. كل مكان أدخله يخيم عليه الصمت.. همسات همسات حواليه حسيت قد إيه شكلي بيعذب الآخرين.. طلبت من عمر إنه يروحني
ممكن يكون مجرد إحساس.. دي أول مرة.. محتاجة تتأقلمي على الوضع
لأ أنا اتأكدت.. عمر ما حاولش إنه حتى يواسيني.. رجعني البيت فوراً.. وقعد فترة كبيرة بعيد.. وأنا انطويت على نفسي في أوضتي ورفضت أقابل أي حد.. بس موضوع عمر هو اللي كان بيؤرقني.. هو عاوزني ولا لأ؟
بصراحة سؤال صعب-

:قالت بسخرية
ليه؟ مش قلنا إن الحب منزه عن الشكل.. أفلاطوني.. ملهوش علاقة بالحاجات اللي بتزوى وتزول.. الروح هي الباقية.. الجسم ممكن يتشوه بمية نار.. بس الروح مية النار متأثرش فيها

تتحدث بمنطق يقنع العقل.. لكن قلبي يرفض أن يستجيب.. لا يمكن أن يشعر نحوها بمشاعر غير الشفقة.. قالت كما لو كانت سمعت صوت أفكاري
مشاعر عمر تحولت من حب لشفقة.. للأسف كان زيه زي غيره.. بيحب شكلي وجمالي.. اسلوبه خدعني.. ويوم ما إتأكدت حسيت بمصيبتي فعلاً.. أنا معيطتش لما جمالي راح.. عيطت لما روحي راحت.. لما عرفت إن عمر مش بيحبني
عرفتي إزاي؟-

:قالت

كلمته كتير وكان بيتهرب مني.. بس مع إصراري عرفت أواجهه.. سألته إذا كان لسه بيحبني..؟ سكت سكوت فظيع مؤلم.. وقال آه بيحبني.. بس مش هيقدر يكمل معايا لأن والدته رافضة جوازه منها.. وعاوزة تجوزه بنت خالته.. حجة قديمة شفتها كتير في الأفلام العربي البايخة.. قفلت السكة وعيطت بجنون.. وكرهت نفسي واتمنيت إني أكون طول عمري وحشة علشان مكنتش أحب واحد بتاع مظاهر زي عمر ده

كانت كلماتها تهزم أكثر نظرية الحب الروحي التي طالما دافعت عنها.. وحاربت من أجلها.. حقاً توجد بنات قبيحات

انت معايا؟-
آه طبعاً-
آسفة إني طولت عليك-
:قلت
ولا يهمك حكايتك تستحق الدراسة فعلاً-
حكايتي؟ أنا حكايتي لسه مخلصتش-
فعلاً؟-

:قالت بتهكم
حكايتي بتبتدي من اللحظة دي.. من لحظة ما سابني عمر.. من لحظة ما حسيت إني كنت عايشة على وهم كبير إسمه حب المشاعر.. أو الحب الروحي زي ما سميته انت.. حسيت ساعتها إن الحب بقى زي الآلة.. مادي مصمت.. معتش فلسفة الحب زي ما كان زمان بيخاطب مشاعر ووجدان.. بقى منطق الحب.. بيتعامل مع الأشياء الملموسة

حكايتك مجرد تجربة فردية.. صعب تعميمها-

قلت كلماتي الأخيرة دفاعاً عن الحب

تجربة فردية فعلاً.. بس أعتقد إن كل بنت لازم تعيد دراسة علاقتها بحبيبها.. وتشوف إذا كان بيحبها لشخصها.. أم لجمالها؟
ممكن الاتنين مع بعض-

ممكن.. بس لو الجمال في المرتبة الأولى تبقى مصيبة.. لأن مع مرور الوقت الجمال بيروح لحاله.. تفتكر إن اللي يبص تحت رجله بس ممكن يعيش سعيد..؟ يا دوب لحظة والجاية محدش يعرفها
كلامك مظبوط-
استسلمت لمنطقها الذي لم أجد بداً من أن أقتنع به
على العموم أكمل حكايتي-
صوتك بيقول إن لسه فيه كتير؟-
هو بقيتها غريب شوية.. أو اسيبك تحكم-

قلت بشكل استعراضي كي أوقظ المستمعين خوفاً من أن يكون قد غلبهم النعاس

مستمعينا.. زي ما سمعتم هذا الجزء من مأساة الفتاة عبير.. يحمل قدراً من الأسى وكذلك الغموض.. أرجو من سيادتكم الانتباه للجزء التالي منها.. بالتأكيد هذا الجزء سيحمل الكثير من الغرابة والغموض.. ابقوا معنا

قرأت في أعين أسرة البرنامج في الأستوديو الانتباه الشديد.. كنت أقرأ دائماً أثر حلقات البرنامج في أعين من حولي.. ويبدو انهم لا يحتاجون كلماتي لإثارة انتباههم.. فالحلقة على ما يبدو عليهم مثيرة حقاً

: قلت متحمسا

عبير.. سؤال.. انت ندمتي انك حبيتي عمر؟-

:صمتت لحظات.. ثم قالت
بصراحة انا مبحبش الندم.. بحب أبص قدام دايماً.. بس انا كنت مصدومة وكنت حاسة اني ضيعت عمري ومشاعري في المكان الغلط بس أقولك.. انا ندمت للحظات بس قررت إني لازم أهزم نفسي الضعيفة فوراً
وهزمتيها؟-

:ضحكت قائلة
ده بقى الجزء الجاي من حكايتي
أوك.. كلي آذان صاغية
بص انا اعتبرت ان الجزء اللي عدا من حياتي ده شئ.. والجزء اللي جاي شئ تاني.. معتش في حاجة يتبكي عليها.. فيه إيه ممكن تفقده البنت بعد جمالها؟

:قلت بحذر

أعتقد ان حياة البنت حاجتين.. شرفها وجمالها
أكيد.. بس الشرف للرجالة برده.. أما الجمال ده تاج البنت.. مكنتش حاسة بقيمته أبداً.. وانا في أوربا ما أخدتش بالي إني جميلة.. ولما حسيت بجمالي مقدرتوش.. بس حقيقي حسيت قد ايه بقيمته لما ضاع مني
قلوبنا معاكي.. في حاجات تانية كتير ممكن تبني عليها حياتك

:قالت بسرعة

أنا بعد الحادثة حسيت إني هضعف.. وأنا عمري ما ضعفت ومبحبش الضعف أبداً.. ولما فقدت عمر كنت حاسة إني تايهة وضايعة.. بس أنا كبريائي منعني من إني أوقف حياتي علشان واحد.. بس كنت كرهت وجودي في مصر.. وقررت إني أرجع إنجلترا تاني
ورجعتي؟-
فوراً.. رغم معارضة ماما.. بس أنا كان لازم أسيب مصر وأروح مكان أنسى فيه مصيبتي.. إللي أعتقدت إني ممكن أنساها.. بس لقيت برده الموضوع صعب.. التواصل مع الناس كان مستحيل وأنا ملثمة

:قلت متسائلاً
كنتي مغطية وشك؟-
آه عادي.. كنت حاطة نقاب-
تبقي مش ملثمة.. تبقي منقبة

:قالت بنفاذ صبر
النقاب مش مجرد حتة قماش على الوش.. النقاب لازم يبقى تعامل مش تظاهر.. وانا أخدت النقاب وسيلة لإخفاء تشوهي.. مش لإحياء طقوس دينية.. لأني سوري مش هتنقب وأنا لابسة جينز
أوك مش موضوعنا.. كملي
أنا عامة لما لقيت صعوبة في مواجهة الحياة بالشكل ده كنت هيأس.. بس قابلت دكتور هناك متخصص في جراحة التجميل قاللي انه ممكن يساعدني

:قلت مبتسماً
توقعت كده-

:ضحكت قائلة
أنا بقى متوقعتش.. هو عرض علي المساعدة وقال إنه ليه عمليات ناجحة كتير لناس كارثتهم أكبر.. (ضحكت) بصراحة مفيش حاجة أخاف عليها.. ما أعتقدش إنه هياخد حاجة من وشي.. مكنش فيه حاجة تنفع أصلاً

:ضحكت بشدة وضحكت هي أيضاً.. قلت
عاجباني روحك بجد-
الله يخليك.. لو كنت سمعتني من سنتين مكنتش هتلاقيني بنفس الروح دي.. لأني الحمد لله عملت تلات عمليات تجميل.. والحمد لله رجعت لحالتي لشكلي الطبيعي

:قلت بسعادة
الحمد لله بجد.. أسعدتيني وأسعدتي كل المستمعين-

ربنا يخليك-
رجعتي بقى زي الأول؟-

:قالت ضاحكة
بصراحة لأ.. الدكتور غش في ملامحي.. مناخيري بقت أصغر شوية.. وشكلي أتغير حبتين.. بس جمالي لسه موجود

:قلت ضاحكاً
طيب الحمد الله.. أبقي أشكري لينا الدكتور قوي-
إن شاء الله-

:قلت
ورجعتي مصر بعد العملية على طول؟
أول ما حسيت إني بقيت كويسة.. رجعت فوراً.. متخافش مكرهتش مصر.. أنا كنت راجعة كلي شوق ليها

:قلت بخبث
أسألك سؤال.. كنتي راجعة وفي دماغك عمر؟-

:قالت بتحد

طبعاً-

:سألتها بدهشة
راجعه علشانه؟-
انت سؤالك كان محدد.. في دماغي عمر آه.. راجعه علشانه لأ.. ومكنتش راجعه علشان أرجعله.. أو أوريله نفسي.. كنت راجعة علشان يفهم إني مش ضعيفة ومش بقف على حد
وعملتي إيه لما رجعتي؟-
بعد ما رجعت قررت إني أرجع لدراستي.. كانت آخر سنة بقى.. ورحت الجامعة.. ورجعت المعاكسات.. وتليفوني رجع يرن تاني بأرقام غريبة.. بعد الحادثة كان مبيرنش إلا للتعازي.. لكن دلوقتي رجع كلام الحب.. والأشعار.. والغزل في كل وقت
كنتي فرحانة طبعاً؟-

قالت بغيظ:
لأ طبعاً.. كنت متغاظة قوي.. كارهة التفاهة دي اللي الشباب فيها.. بيبصوا لشكل.. للحم زائل مصيره الأرض والتراب.. مصيره مية نار تاكله وتنهيه.. مش بيبصوا للمضمون.. لروح الإنسان اللي باقية.. اللي أقوى
معلش.. نظرة الانسان دايماً محدودة.. وبعدين جمال الشكل مهم برده-

:قالت بهدوء
مهم.. بس مش كل حاجة.. كان لازم يفهموا إن عبير اللي وشها اتشوه.. هي هي عبير الجميلة.. في جميع الحالات أنا.. مش حد غيري
معاكي حق.. بس برده غصب عنا بنبص للشكل.. لأن عيون الرجال أقوى من قلوبهم

:قالت
للأسف.. البنات بقى قلوبهم أقوى من عيونهم.. والدليل بقية حكايتي.. أنا لما عمر شافني أتصدم.. مش عارفة من الفرحة ولا من الدهشة بس هي صدمة.. ما انكرش اني قعدت معاه.. كان بيبين انه فرحان زي كل الناس.. بس انا كنت عارفة انه بيفكر
بيفكر في إيه؟-
بيفكر يرجعلي طبعاً-
وانت؟-

:قالت
مش عارفة إذا كنت لسه بحبه ولا لأ.. بس أنا كنت حاسة بإحساس غريب.. حاسة إني بكرهه وبحبه.. بحبه.. بس عاوزة انتقم منه.. مش منه بس.. من كل اللي زيه اللي مش بيعرفوا يعملوا حاجة غير انهم يبصوا لأجسام البنات ووشوشهم.. علشان كده لما كلمني إننا نرجع لبعض قفلت السكة في وشه.. وكرهته واحتقرته.. وقررت إني لازم أنتقم منه لأنه إنسان تافه اتخلى عني في وقت كنت محتاجاله قوي
تنتقمي إزاي؟-
أنا كنت أتصدمت مرتين.. مرة في عمر.. ومرة في الحب.. الحب مش روحي.. الحب بقى مجرد جسم جميل.. حسيت إن أي واحدة بتقولي إن حبيبها بيحبها.. عبيطة ومش فاهمة.. كنت مقتنعة إن كل البنات مش محبوبين.. مخدوعين

:قلت وأنا أنظر في ساعة يدي
طيب بسرعة علشان وقت البرنامج.. تنتقمي إزاي؟
أنتقم من حب الشكل ده.. ومن كل الرجالة دول.. ومن عمر على الأخص.. إني أتجوز واحد وحش.. قبيح.. دميم

:قلت بدهشة

كده انتي بتنتقمي من نفسك
لأ.. أنا قررت إني أختار أسوأ واحد في شكله ومظهره علشان أتجوزه.. كده هضرب كل الرجالة السطحيين في اعتزازهم الزائف بأنفسهم.. وكمان أثبت لنفسي أولاً إن الجمال مش كل حاجة
وبعدين عملتي إيه؟-
دي بقى بداية قصتي مع سامح.. إنسان مرفوض من كل اللي في الكلية.. من الطلبة المجتهدين.. بس منطوي على نفسه.. لوحده دايماً.. شكله ومظهره مش حلو خالص.. ملامحه غليظة شوية

مططت شفتاي بحيرة لهذه الفتاه العجيبة
:استرسلت
أنا حطيت شبكتي لسامح.. وهو وقع على طول.. كان بيتحاشى تقربي منه في الأول.. حيرة ودهشة.. مش فاهم إشمعنى هو اللي بقعد معاه وبقرب منه.. كان مندهش.. وأنا كنت أصلاً مش متقبلاه.. بس كنت مصممة واتحديت نفسي
وبعدين؟-
واحدة واحدة لقيت نفسي بحب أقعد معاه.. كلامه ممتع وعاقل.. ودمه خفيف قوي.. بس الناس اللي باصين لشكله ومش فاهمينه.. ده في يوم مجاش الكلية حسيت بجد إني ناقصني حاجة كبيرة
غريبة؟-
لأ بجد.. إنسان بمعنى الكلمة.. حنين وعطوف قوي.. لقيت فيه نزاهة بجد.. أي نعم كنت بتنرفز منه لأنه مش واخد باله من جمالي خالص.. بس كنت فرحانة برده انه بيبصلي من جوايا مش من الغلاف اللي بره.. كان بيحترمني كأنثى ليه عقل وكيان.. مش مجرد جسم ملفوف وصدر ناهد وعيون واسعة.. لأ بجد أبهرني اسلوبه وعقليته وجمال روحه

كان كلامها يعيد بعقلي ووجداني إلى ما يسمى بالحب الروحي.. ووجدت نفسي أعود بتفكيري لنظرية لا توجد بنات قبيحات.. كنت أفكر

وبجد وقف جمبي قوي لحد ما اتخرجنا سوا-
:أفاقتني كلماتها من شرودي.. قلت
وبعدين؟-
بس.. أنا وسامح فرحنا كمان شهرين إن شاء الله.. هتيجي بقى
قالت كلماتها بحماس وضحكت بشدة من قلبها.. وضحكت معها وكنت أشعر براحة غريبة..وسعادة كبيرة

: قلت بحماس
هتتجوزوا.. مبروك.. بس انت قلتي في بداية كلامك إن حكايتك هتحسم الموضوع.. أعتقد إنك حطيتي بحكايتك آلاف من علامات الإستفهام

مليش دعوة يا عم.. المهم إني بقول لسامح.. يا رب يكون سامعني.. إني بحبه قوي.. وإني شايفاه أجمل راجل في الدنيا.. وإنه أحسن إنسان قابلته في حياتي.. بجد أنا بحسد نفسي

بجد أنا اللي بحسده عليكي وعلى الكلام ده.. ربنا يخليكوا لبعض
يارب-
أنا أقدر أقول إن ربنا بيكافئك على صبرك وإيمانك.. واللي حصل ليكي كان إختبار وصبرتي.. وربنا كافئك
ونعمة بالله.. أنا سامح بالنسبة لي أكبر مكافأة حصلت عليها في حياتي.. بس إيه رأيك بقى.. هل توجد بنات قبيحات؟
:ضحكت وفهمت ما ترمي إليه فقل
لا لا.. سيبي الإجابة دي للمستمعين.. بس أنا هغير صيغة السؤال المرة دي.. هيبقى كده.. هل يوجد رجال قبيحون؟ هل توجد بنات قبيحات؟

:ضحكت وقالت
لأ.. نقول.. هل يوجد إنسان قبيح؟

وانتهت الحلقة على هذا الشكل.. وتلقيت من الجميع كلمات التهنئة على حلقة مثيرة من فتاة غريبة.. ولكن هل تعتقدون إن قضية الجمال تنتهي عند هذا الحد؟ هل يعجز كل فلاسفة الإنسانية عن حسم تلك القضية.. وأنجح أنا؟.. لا أعتقد.. هل الحب فلسفة وشعور؟ أم هو منطق متبع؟ هل يوجد ما يسمى بالحب الروحي؟ حقاً أمطار من علامات الإستفهام.. لا توجد إجابات عندي.. هل توجد عندكم؟.. عند البحث عن الإجابة لن ننظر لشكل السؤال.. أعتقد أننا سننظر للمضمون.. لأن شكله أعتقد أنه لا يحمل إجابته

نستقبل كل مشكلاتكم وآرائكم على البريد الأليكتروني

hadeeth_ezaay@hotmail.com

كرامة الموت

2007-03-24T07:46:00.000-07:00

بحثت كثيراً عن حب يحييني

فالحب روح تهيم لتبحث عن جسد هامد تحييه

وكنت الجسد الهامد فحييت

وأيقنت بعدها أن الموت أكثر راحة من الحياه

الزهرة الزرقاء

2007-03-22T10:31:00.000-07:00

لتخليد شادي الوسيمي

Perpetuation to Shady

صلّى
صلّيت
حيّي
أديت التحية
وسمعت صراخاً يعلن أنه الموت
جاء الموت يرتدي عباءة سوداء
يحمل مشعلاً في يده الغليظة
متعطش للدماء
يسير بلا هدى
يتخبط بعين عمياء
رأيت رجالاً ونساءً يبكون
رأيت نيراناً تزحف بدهاء
كثعلب يتربص بأسدٍ
تربص الخائن بالشرفاء
ناديت عليه من بين الجمع
حاولت إنقاذه
لم يستمع للنداء
مر بي رجالٌ يشتعلون
ونساءٌ بلا أثداء
دوت أصوات الموت
أصوات النيران تحاصرني
وتأكل الزهرة الزرقاء
كان يتحرك في المكان كقائد
ينقذ أطفالاً..ويُجمِّع أشلاء
يحمي نساءً بجسده
كان يحترف الفداء
شعره ينتصب
ألا أن النيران أجبرته على أن يتهاوى
أبكى السماء
شادي
كثيف الشعر
وجهه كأقمار الليل البيضاء
لاحظته ينظر إلي من بين أقدام النيران
انحنيت لأراه
قلت له:
أي صديقي
تذكر أنك ستموت ميتة سوداء
بحثت عن من يساعدنا
صرخت في الناس
أطرقوا في حياء
نادوا الرجال..عربات الإطفاء
احترقت قدماه مثل القش
أو الحطب الهش المهراء
سقط على وجهه
أبكيت السماء
تمدد ونام للأبد
اندفعت تجاهه..ولكني مُنِعت
حوصرت كحصارهِ من قبل
حصار الزهرة الزرقاء

أي شادي
ما أعظمه رجل في الحياة
ما أشهمه مع الأصدقاء
ما أشده في المعترك
ما أجمله بين العظماء
ما أهيبه مع نيران الموت
بيد أنه تمدد ونام للأبد
دمه يسيل منشداً
مردداً أعذب غناء
يموت مستبسلاً
يطير بلا روح في الأجواء
قل لليل أن يأتي
لأني لا أريد أن أرى دم شادي فوق الأرض

قل لليل أن يأتي
أو أرسل للماء
كي يأتي إلينا..ليطفئ تلك النار
وليغسل تلك الدماء
لا أريد أن أرى جسده بلا روح
لا أريد أن أرى صدره بلا هواء
قل لليل أن يأتي
لأني لا أريد أن أرى دماء

سيذكر التاريخ قرية صغيرة بين قرى الجنوب
شيع ملائكتها روحه إلى السماء
وها هو شادي قد نام إلى الأبد
من كان يصدق أن القمر الثاني قد مات؟

نسى القوم شادي
واكتفوا بالبكاء
نسوا أنه مات لشهامته
وألغوه من الأحياء
كان سيكون الآن بينهم على وجه الأرض
لو كان مثلهم صامتاً

أو كان من الجبناء

من كان يصدق أن القمر الثاني قد مات؟

يا من تبكون شادي
إنه القمر الثاني
فكفكفوا أعينكم من الدماء

امتنعوا عن سكب العبرات
وامتنعوا عن البكاء
مازال شادي حياً
من كان يصدق أن القمر الثاني قد مات؟

القمر الأول ها هنا
ينحني للزهرة الزرقاء
إنه شادي..لا يزال حياً
طالما أنتم أحياء
ما زال حياً
يضحك لنا من السماء
لا زال حياً
طالما نحن سعداء
نذكره مع شمس الفجر
وحينما يأتي المساء
لا يزال يضحك ويغني
ويرسل لنا إهداء
طالما نحن نذكره
لماذا نلغيه من الأحياء؟

إنه القمر الثاني
رحل عنا وضاّء
لازال شادي حياً
طالما أبكى السماء
ترونه في ضحكة العصافير
في البحر..وفي شعر الشعراء
مع الصيف حين يأتي
وفوق الثلج مع الشتاء
في حمرة الزهر في الربيع
وأوراق الشجر الخضراء
في طعامكم صباحاً
وحين تتناولون العشاء
سيظل حياً..فهو فتى شهيد
له منزلة الأنبياء
من قال أن القمر الثاني قد مات؟

أصبحت بعده عليل
حوصرت كحصاره
وسقطت إلى جواره
وعرفت أني قتيل
فَتشوا عنا بين النيران
وبين أجساد الأحباء
حملوا هياكل عظمية
نزعوا أسنانها الذهبية
وسألوا عنا الأحياء
سألوا عنا كل ذي دم
وسألوا عنا الغرباء
نادوا علينا بأعلى الصوت
لم يسمعوا غير الأصداء
ولم يجدونا

يا من بكيتم شادي
لا تبحثوا عنا بين الأشلاء
فما الإنسان منا جسداً
أو مجموعة أعضاء
إن الإنسان لذكرى حلوة تتردد
على ألسنة الأقوياء
تذكرونا..لا تصمتوا
لا تتركونا نضيع هباء

يا من بكيتم شادي
لا تبحثوا عنا بين الأشلاء
يسقط الرجال ويقومون كأوراق الخريف
ولا يبقى منهم غير الأسماء

يكفي أن تقولوا أننا عشنا في عصر د/محسن
وتحدثنا مع محمد
ويكفي
أننا مِتنا مع العظماء

لا تبحثوا عنا
فلا يزال شادي حياً
ولازلت حياً
طالما تَذكْروننا
وطالما أنتم أحياء

بكاء شادي

2007-03-19T05:00:00.000-07:00

في ذكرى صديق رحل ربما يعود

شادي الوسيمي

أحد أبطال محرقة بني سويف

جائني شادي ليلاً في صورة جميلة.. كان حزيناً.. الناس دائماً يخشون الحديث عن ميت.. خاصة وإن كان صغير السن.. يخشون ذكراه

:يخشون البكاء.. جائني يشكو

أطلب من الناس أن تذكرني.. أحيي ذكراي

أنا لم أمت بعد.. لم يمت من مات صغيراً

يحيا الانسان بعد موته مائة عام أو أقل حتى أن يموت كل من يعرفونه

فكيف أموت ولازلت صغيراً؟

بكى شادي.. لسخرية القدر.. لم يبكي شادي وهو يموت.. بكى بعد أن مات.. كان يبكي أحياناً عندما يرى طفلاً يتيماً.. أو قطاً كسيحاً.. كان يشعر انه ولد لأجل رسالة ما.. لا يعرف ما هي.. ولكنها رسالة

لم يكن شادي يطير.. ولم يكن يحمل قلبين.. بل كان بشراً عادياً.. يبتسم أحياناً.. يبكي أحياناً.. يغضب أحياناً.. يتشاجر مع سائق الميكروباص مثل الجميع.. ولكنه لم يكن يبكي ككل الناس.. ولم يكن يضحك أو يغضب أو يتشاجر مع سائق الميكروباص ككل الناس.. كان كالطفل.. عندما يضحك تضحك معه.. وعندما يغضب تضحك أيضاً.. لأننا لا نعتاد من الطفل الغضب

كذلك عندما قرر شادي الرحيل.. لم يرحل مع الراحلون.. بل سلك طريقاً آخر.. طريقاً ربما يتلاقى فيه مع أبطال الأساطير.. سلك هذا الطريق.. ولم يمهلني وقتاً كي أصاحبه هذا الطريق

:كان شادي غريب الأطوار حياً وميتاً.. حتى بعدما مات لم يمهلني نسيانه.. بل جائني غاضباً..شاكياً

لقد ارتبط الحديث عني بالفعل كان.. كم أكره هذا الفعل
حتى وأنا في الدنيا عندما كنت تلميذاً في الصف الأول
كنت أكره حصص اللغة العربية التي تتحدث عن الفعل كان

حتى شادي في الحديث عن نفسه استخدم صيغة الماضي.. مؤسف هذا الأمر

بالفعل.. لاحظت في كلماتي عن شادي أنني استخدمت الفعل "كان" كثيراً.. اعتقد أنكم لاحظتم هذا

:أمط شفتاي الآن عندما أتذكر قول صديقة وهي تهز رأسها بأسف

أكثر ما يؤلمني أننا نتحدث عن الأحباء بصيغة الماضي

كنت اتمنى أن أكون معه في نهاية رحلته في الدنيا.. كنت أتمنى أن أرى كيف سيرحل هذا الفتى عن عالمنا.. بالتأكيد شادي لم يرحل

..عنا.. بل نحن الذين اعتزلناه أخيراً.. تركناه في عالم أكثر جمالاً من هذا العالم

رحل أخيراً.. لم يمهلني حتى وقتاً كي أعانقه قبل رحيله ولكن ربما يعود وحينها سنتعانق كما كنا نفعل في الماضي

لم أبكي يوم رحيله.. لم استطع البكاء.. لم أكن قد استوعبت الأمر بعد.. عقلي المحدود لا يعرف معنى أن يرحل شاباً في ريعان شبابه.. لماذا يرحل؟ وهناك من تجاوز المائه عام لا يزال يرتع في الدنيا.. لماذا يرحل؟ هو لم يتم رسالته بعد.. لم يتزوج بعد.. لم أرقص معه في يوم زفافه.. لم نتعانق يوم تخرجنا من المعهد.. كل هذه الأشياء يجب أن تحدث.. ثم يرحل.. ولكنه رحل.. رحل مبكراً جداً.. ولم يمهلني وقتاً كي أعانقه قبل رحيله

لم أجد إجابة عن تساؤلاتي.. جائني في نومي مراراً يبتسم.. وكنت ابتسم معه.. لم أجد تفسيراً لابتسامته.. وحين بكى عرفت لماذا كان يبتسم

كانت النار تأكل صدري كما أكلت جسد شادي.. كنت أشعر أن شادي يريد شيئاً.. لا أعرف ما هو.. ولكنه يريد شيئاً

ظل فترة طويلة يكتفي بالابتسامات والاشارات.. ولكن يوم بكى عرفت ماذا يريد شادي.. إن شادي بكي لأن لا تتحدث عنه.. يخشون مجرد ذكر اسمه.. كي لا يتذكروا ذكرى أليمة

أصبحت ذكراي أليمة

بكى شادي.. حقاً بكى.. ولا يمكن أن أتركه يبكي كثيراً.. كان يجب علي أن أفعل شيئاً.. يجب أن يدور حديث الناس حول شادي.. يجب أن يتحدثون عنه في صباحهم ومسائهم.. في غدوهم ورواحهم.. في ضحكهم وبكائهم.. كي يعود شادي

وبالفعل.. تحملت نظرات التحذير والعتاب كثيراً كلما ذكرت اسمه.. أو تحدثت عن الماضي السعيد.. أو استشهدت بقول له.. أوضحكت لفعل تذكرته.. إينما تذكرته أو فكرت فيه.. لاحقتني نظرات العتاب والتحذير

غنته فيروز.. ورثته

أنا وشادي غنينا سوا

لعبنا على التلج ركضنا في الهوا

كلما سمعت تلك الأغنية أشعر أنها غنتها لأجله

شادي ركض يتفرج

خفت وصرت أندهله وينك رايح يا شادي

أندهله ما يسمعني يبـعد يبـعد في الوادي

من يومها ما عدت شفته

ضاع شادي

حقاً ضاع شادي.. ضاع ولم يمهلني وقتاً كي أبتسم في وجهه قبل رحيله

ولكن فيروز لم تتوقف على ضياع شادي.. بل استمرت.. تحدثت عنه.. تذكرته

والتلج إجه وراح التلج

عشريـن مـرة إجـه وراح التـلج

وأنا صرت أكبر شادي بعد صغير

عم يلعب عالتلج

وعندما تذكرت شادي وهو يلعب عالتلج.. عشرون عاماً تتذكره.. لم ينظر لها أحد نظرة عتاب.. ولم يحذرها أحد.. بل تمايلنا جميعاً مع كلماتها

أليس من حق الراحل عنا.. أن نتذكره ونتحدث عنه.. لماذا نتركهم يموتون مرتين

وعندما ذكرت ذكرت تلك الكلمات أمام أحباء شادي ــ فأنا ليس الوحيد الذي أحب شادي وأحبه شادي ــ منهم من بكى ومنهم من أخرج من حقيبته منديلاً.. ومنهم من أشاح بوجهه

عدت لمنزلي وأنا أريد أن أنام كي أعتذر لشادي.. كي أقول له أنني لن استطيع.. وهنا بكيت أخيراً.. بكيت شادي.. شعرت في تلك اللحظة أن شادي مات حقاً.. رحل.. رحل ولم يمهلني وقتاً كي أذكره

مات شادي مرتين.. لم أبكيه في المرة الأولى عندما مات بطلاً.. عندما كان أمامه طريق النجاة وطريق الموت.. ولكنه فضل طريق الموت.. كي ينقظ أطفالاً ونساءاً يحترقون

وفي المرة الثانية بكيته كثيراً.. وانا دائماً عندما أبكي أمسك بقلمي وأكتب.. كي لا يطول الألم.. وعندما عدت في هذا اليوم إلى منزلي.. بكيت.. وكتبت.. وعندما أفقت تعجبت.. لقد صغت قصيدة.. صغت قصيدة وكأنني كنت أحترق مع شادي.. وكأنني رحلت مع شادي

وعندما قرأت على أحباءه القصيدة.. بكوا مثلي.. ثم عانقوني.. إن شادي حياً.. شادي حياً داخلنا.. لم يمت.. بل يضحك داخلنا ويبكي داخلنا.. يغضب داخلنا

حقاً.. إن الراحل عن دنيانا لا يموت.. بل يظل حياً داخل من أحبوه وأحبهم.. يظل حياً مائة عام أو أقل.. حتى يلحق به كل من أحبوه

:لذا أقول لأحبائي

لا تنسوني إن رحلت.. لا تتوقف ألسنتكم عن الحديث عني

لا تتوقفوا عن ذكر كلماتي فشادي لم يمت وكذلك أنا

ولم يمت كل من أحب

ذكرت الليلة تلك الكلمات.. ربما توافقونني.. ربما تعارضونني.. ولكن في كلا الأمرين.. لا تنسوني

ربما أكون صامداً

2007-03-17T13:20:00.000-07:00

قد لا يبدو علي الحزن

ربما لا أبكي

ولكن

ليس بالضرورة أن ينزف الجسد

كي يموت

وماذا غير الجنس؟

2007-03-13T18:13:00.000-07:00

الجنــس شئُ لطيــفُ

وضـروريُ لبـــقاءِ البشريــة

ولكن

إذا أصـبـح الجنس نصــف حيــاتــنا

فلنترك النصف الآخر للاستحمام إذن

نوعيات..ونوعيات

2007-03-10T20:45:00.000-08:00

لقاء المدونين

أعزائي المستمعين جاءنا البيان التالي
في سبق انفردت به رابطة المدونين المتحدين.. تحولت الشخصيات البلوجرزية.. من شخصيات كمبيوترية مفترضة إلى شخصيات واقعية.. وذلك من خلال اجتماع مجموعة من المدونين في مقهى الإبداع الفني في أرض الأوبرا في ظاهرة اجتماعية لم يسبق لها مثيل.. وقد وصل عدد الحضور إلى أكثر من 60 مدون من الجنسين

أنا متوقعتش العدد ده بصراحة.. أنا قلت هييجي عشرين بالكتير.. بس ما شاء الله.. اتصدمت واتخضيت لما لقيت العدد ده.. وكله بيتكلم وكله بيسمع وحياة فعلاً

اليوم ده كان جامد قوي يا جماعة.. ولكن

"كم حاجة ممكن تتغير بعد كلمة "لكن
إحنا قلنا تجمع بلوجرز.. وانتوا عارفين التجمعات فيها الإيجابيات وفيها السلبيات.. هي نوعيات ونوعيات

قبل ما نقول أي حاجة.. نسأل نفسنا سؤال.. إحنا جايين ليه؟
طبعاً السؤال ده مهم.. إحنا لا عندنا وقت زيادة نضيعه.. ولا شوية شباب فاضيين.. إحنا جايين نعمل إيه؟.. بنتقابل ليه؟
والسؤال ده مربط الفرس.. لأن كل واحد عليه بنفسه يحدد الإجابة الخاصة بيه هو.. ملهوش علاقة بأي حد تاني
بجد أنا كنت رايح أقابل الناس بكل حب.. لأن الناس كلها عبر مدونتها تستحق الاحترام والتقدير الكافي.. لكن.. نرجع لكلمة لكن
لقيت للأسف بعض الناس مش جاي يقابلنا بكل حب
يعني شوية جايين يتفرجوا على أصحاب المدونات الحقيقيين لما يخرجوا من أجهزة الكمبيوتر يبقوا بني آدمين.. يعني بيتعامل معانا (على إننا مجرد حيوانات إليكترونية (سوري في اللفظ
وشوية جايين فاكرين الموضوع ضحك وتنطيط وأهه خروجة وروشنة..أه إحنا شباب وروشين بس الروشنة موجودة في كل حته.. محبكتش المرة دي
ومعلش شوية جايين يعلقوا بنات.. فاكرين إنهم علشان بنات بلوجرز يبقى سهلين.. هم بنات برضه في الأول والآخر..
وشوية جايين يدوروا على عريس.. والله مش عارف.. بس بيتهيألي إن ده مش برنامج أريد زوجاً..
أنا مش أبو العريف علشان أعرف الكلام ده.. بس سوري دي أول مقابلة ليه مع ناس أول مرة أعرفهم وجهاً لوجه.. يعني اكتفيت بالمراقبة.. يعني راقبت الناس.. وشفت.. ومعلش برده رميت وداني عند ناس كتير..لأننا للأسف منعرفش بعض بالشكل اللي يخلينا نثق في بعض ثقة عمياء..

وللأسف الشديد اللي حسبته لقيته.. يعني كان ياسمين سكي ليت وانجي سمراء النيل بينظموا اللقاء لأن العدد كان كبير.. وبجد تاعبين نفسهم وطالع عينيهم علشان ميحسسوش حد إنه غريب.. وتدخل كلمة في ودني غريبة قوي " هما مالهم واخدين الموضوع "بجد قوي كده ليه؟
ليه؟ بالذمة ده سؤال.. يعني الناس سايبة شغلها وبيتها.. وناس جاية من الإسماعيلية زي مستر دبور.. وناس راحة أسيوط.. وناس وراها حاجات كتير مهمة كل ده علشان تهيس يعني؟ هو التهييس خلص من البلد ولا إيه؟

وطبعاً حاولت أغير اللوكيشن اللي انا قاعد فيه.. لأني عاوز ناس واخده الموضوع بجد.. وبحيي الناس فعلا اللي واخده الموضوع بجد.. بس اللوكيشن التاني مكنش تمام برده.. كان فيه اتنين بيتريقوا على الناس " بص بص.. دول بيسجلوا حضور.. يعني لو أنا "مسجلتش هيخصموا مني يومين

يا راجل بذمتك ده كلام.. الناس تاعبة نفسها وبتشوف مين موجود علشان تحتفي بيه على البلوجز زي ما عمل كده مستر إيجلز وكتب كل مدونات الناس عنده في البلوج.. وتعب نفسه.. متخيل مقدار التعب اللي الراجل تعبه لما كتب ما يفوق ستين لينك بمتوسط 15 حرف للبلوج الواحد يعني ما يفوق ال700 حرف طبعاً مع كلمة دوت كوم يبقى نزود تلات حروف ونقطة.. يعني الإجمالي حوالي 1000 حرف لو كل لينك أخد منه نص دقيقة علشان يكتبه يعني حوالي نص ساعة كتابة على النت.. شفت الراجل طلع عينه إزاي.. وانت اتريقت.. مش حرام برده..؟

كمان لما بعض الناس إتكلمت عن نشاطات لينا كمدونين ممكن نتعاون ونقوم بيها.. زي إنجي لما اتكلمت عن زيارات لدور رعاية مكفوفين ويتامى أو دار مسنين.. وكمان لما أحمد فؤاد إتكلم عن حملات نقد للمساوئ اللي في المجتمع حوالينا.. كلام جميل ورائع وروح حلوة.. بس لقيت ناس بتضحك سخرية.. وواحد يقول " آه.. ونساعد أطفال الشوارع ونجيب لهم ساندوتشات حلاوة بالقشطة"
راح صاحبه رد عليه قاله " هو أنا نازل من بيتنا علشان أروح ملجأ.. ما كنا نتفق على ده عن طريق البلوجز وخلاص.. واللي كان "عاوز يروح يروح
طبعاً مش كل شوية هغير مكاني.. بس يعني شوية كلام من بعض المدونين الهدامين اللي ميستحقوش يكونوا معانا.. لقيت نفسي مضطر إني أقوم أختلط بالناس الكويسين.. لأننا قلنا إن الناس نوعيات ونوعيات..
بس انا كنت متأكد إن الناس اللي واخده الموضوع لأهداف مش تمام هيكون مصيرها إنها متجيش أي تجمعات جاية.. من نفسها هتعمل كده مش حد يعني هيمنعهم.. كمان مش هيكملوا السهرة معانا.. هيستأذنوا بدري بدري.. بحجة بقى المواصلات أو الشغل ملناش دعوة.. المهم الحمد لله القعده صفصفت واحدة واحدة.. وده مش معناه إن كل اللي مشيوا بدري كده.. لأ طبعاً.. كان فيه ناس فعلاً مشغولة.. أكيد انتوا فاهمين إن اللي على راسه بطحه.........هه؟

والغريب إننا أكيد متجمعين علشان نعرف بعض.. يعني نسمع مش نتكلم.. أكيد هعرفك لما أسمع منك مش أسمعك يعني.. بس للأسف الناس كانت بتتكلم في وقت واحد ما إديتش فرصة للآخر إنه يتكلم.. يعني ناس واقفة تتكلم وتاعبة نفسها.. وكل اتنين في وادي تاني

انا على العموم والله مش قصدي أتريق على الناس اللي كانت بتهد الموضوع.. بس بعمل رصد سريع لشوية حاجات مكنتش تمام.. أرجو إن اصحابها يعرفوا غلطهم.. ومش يعرفوا غلطهم يقوموا يتريقوا في السر من غير ما حد يسمع.. لأ ميتريقوش أصلاً.. أو ما يجوش.. واللي واخد الموضوع هزار وتنطيط معلش يخرج منه أحسن علشان ما فجرش نفسي في مدونته..

انا كنت بقرأ على مدونات الناس كلها كلام عن المثالية والنضوج وحاجات كده كبيره.. وطبعاً كنت راسم صور رائعة لأغلب الناس.. الخيال بيلعب دوره ..بس الصور دي بعضها لقيته ناقص اكتمل لما قابلت الناس.. كان بعض الناس والله أحسن مما تخيلت.. وللأسف بعض الصور الأخرى تحولت إلى شظايا كالبلور المكسور.. لقيت حاجات مختلفة وأقل كتير مما تخيلت..

أنا في البداية أتصدمت لما حصل كده.. بس ياسمين كتر خيرها فوقتني فوراً ووضحت إننا كمدونين كلامنا عن المثالية مش ضروري يكون حاجات فينا.. وقالت إن المدخن ممكن يكون بيكره التدخين.. كذلك المنافق ممكن يكون بيكره النفاق..
بصراحة كلامها فعلاً صح.. إحنا في الأول وفي الآخر بشر.. وكلنا كويسين بس بنغلط شوية غلطات صغيرة.. عادي ده طبيعي.. البشر فيهم السلبيات والإيجابيات.. لأن زي ما انتوا عارفين هي نوعيات ونوعيات..

معلش أنا اتكلمت عن السلبيات علشان أظهرها.. ولما تظهر نهزمها.. مش عاوزين الموضوع من الأول يتبني على عدم الصراحة.. مش عاوزين يكون فينا حاجة غلط نخبيها فتكبر من غير ما نحس بيها زي السرطان.. وفي الآخر نذهب كلنا مع الريح..

باقة ورد لصاحبة الفكرة ومنظمة التجمع واكتر حد بجد تعب وصوته راح آخر الليلة ياسمين سكي ليت قد إيه بجد كلها نشاط وحماس وحيوية وحب للموضوع وإخلاص شديد جداً.. بس هي عنيفة شوية.. عندها نزعة قيادية عالية تؤلها إنها تكون صاحبة منصب كبير.. هو عنفها ده يدل بجد على الصدق.. هي مش بتعرف تجامل حد.. علشان كده هي بتهاجم فوراً أي حد تحس إنه ممكن يهد التجمع الجميل ده.. ممكن تكون برج الميزان أو الجدي.. على العموم اتشرفت بيها جداً

أما إنجي سمراء النيل.. بجد بنت تحفة.. دوختني.. كلامها في مدونتها ناضج وكبير تديها أكبر من سنها.. ولما شفتها لقيتها صغنونة.. على فكرة إنجي من الناس اللي ما بطلتش تنطيط طول اللقاء.. أنا كنت فاكرها شقية.. ولما شفتها طلعت كلمة الشقاوة دي شوية.. هي مسلمتش من التريقة برده.. خصوصاً لما كانت بتاكل شيكولاته.. انا اتريقت عليها لأني كانت عيني في الشيكولاته.. للأسف أكلتها وأكلت عيني معاها

من الناس بجد بقى اللي مدخلتش على مدونتهم خالص بس انبهرت بيه كان استاذ احمد شقير.. من الآخر كبير القعده ومن الناس اصحاب الأفكار الجميلة..

أما هاني جورج ده حد جميل قوي وكلامه كبير.. صاحب فكر عالي وحماس.. وكان ليه حضور طاغي في اللقاء.. هاني شدني فعلاً وهنبقى اصحاب.. يعني لو هو يحب..

تامر بقى أبو الأفكار ده فظيع جداً.. اللي يقرا أفكاره يخاف منه.. بس لما شفته لقيت إبتسامة طفولية جميلة على وشه.. شدني بجد إني اتكلم معاه كتير.. خفت منه لما عرفت إنه مراقب أمن.. بس الحمد لله طلع قطاع خاص..

للأسف بسبب إن الناس كانت كتير معرفتش اقرب منهم كلهم.. وكان نفسي اقرب من راسبوتين والدبور على الأخص.. اصل الاتنين حسيت انهم فيهم من بعض.. خاصة الدبور اللي عمال يزن طول القعده.. قومت طيرت بعيد عنه لا يلسعني ولا حاجة..

محمد مصر هي أمي من الناس الجامدين برده.. شاب جميل وصاحب قبول عالي

وإبراهيم غيري كان موجود.. وكمان مش جاي لوحده جه معاه كمان.. حد زي العسل. بس للأسف فيه إبرهيمين غيري

وكذلك من الاطفال قد حضر المدون الصغير محمد ــ أحياناً عمر ــ صاحب مدونة "عيل شقي" مع شقيقه آدم المصري ــ على فكرة اسمه الحقيقي احمد ــ رغم إني حسيت إن احمد هو اللي جه مع محمد.. على فكرة محمد كبير قوي يا جماعة ومش عيل شقي.. ده مصيبة.. لدرجة إن البنات بتعاكسه.. حتى البنت سمراء النيل إنجي كانت بتعاكسه بس هو نفضلها.. شفتوا التقل..

بجد انا مش عارف اتكلم عن مين ولا مين.. بس بجد انا اللي متكلمتش عنه مش تجاهل مني.. بس بجد كان صعب أحتك بالناس كلهم.. وصعب برده إني أجامل.. لأن سهل أكتب اسماء الناس كلها وارص كلام.. بس مبعرفش أعمل ده خالص..

بجد اللقاء كان جميل.. قلت سلبيات وإيجابيات.. لأن الناس نوعيات ونوعيات.. ومش مهم.. المهم نكرر اللقاء.. لأن الموضوع جميل.. ولأول مرة احس فعلاً إن فيه ناس بتحب بعض حب منزه بعيد عن المناظر السطحية أو المصالح.. لأننا كلنا اتقابلنا من غير ما نعرف عن بعض حاجة غير روح كل واحد عبر عنها في مدونته.. يعني من الآخر حبينا بعض حب مجرد.. أفلاطوني.. ادعوا معايا إننا نهزم السلبيات ونكبر الإيجابيات.. لأن الناس زي ما قلت نوعيات.. ونوعيات..

لا توجد بنات قبيحات

2007-02-26T19:45:00.000-08:00

حديث إذاعي طويل

..منتظر اتصالاتكم على تليفون البرنامج-
قلتها بشكل روتيني.. كان الجميع في الاستديو يقاوم النعاس عداي.. فأنا اعتدت على هذا الوقت من العمل.. فأنا وطواط آدمي يعشق الليل.. خاصة أني لم أتزوج بعد.. رغم أني قد عالجت العديد من المشكلات الخاصة بالحب والزواج.. أثناء عملي بالجريدة أو من خلال هذا برنامج.. ربما تتغير أفكاري بعد الزواج.. بل ربما أمتنع عن هذا العمل كلية

مر وقت ولم يتصل أحد بعد.. ربما هي خطوط الهاتف.. فالبرنامج لاقى نجاحاً شديداً.. وإقبال رائع خاصة من الفتيات الباحثات دائماً عن الحب

..أفقت على رنين الهاتف فاعتدلت.. أخذت إشارة من المخرج أنها فتاة
ألو
ابتسمت وأنا أقولها رغم تيقني من أن أحد لا يراني

..ألو-
..صوت خافت لفتاة.. تصورتها تتلفت حولها يميناً ويساراً وهي تتحدث

أهلاً وسهلاً بحضرتك.. ممكن تعرفينا بنفسك؟-

..أحب أحتفظ بنفسي لنفسي.. ما اعتقدش إني أهم حد إنه يعرفني-

..لا أعلم لماذا توقعت تلك الإجابة.. ربما لأن الصوت مألوفاً
صوتك مش غريب عليه؟-

أيوه.. أنا كلمتك قبل كده.. فاكرني؟-
:بالطبع لم أتذكر أي شئ ولكني بدبلوماسية أجبتها

أيوه طبعاً.. إزيك عاملة إيه؟-

..الحمد لله.. بعت لك رسالة على الجريدة.. ومع ذلك مردتش عليها-
تذكرت الآن.. رسالة من فتاة عجيبة تخبرني أنها تحدثت معي عبر البرنامج.. رسالة تحمل قصة حزينة.. قصة حب ..تذكرت منها هذا المقدار فقط.. ولكن التفصيلات أبت أن تستيقظ في نفسي.. يبدو أن صمتي قد طال
بتتكلمي منين؟-
..يا له من سؤال سخيف.. لم أجد ما أقوله

..من البيت-

اتجوزتي؟-
سؤال أشد سخافة.. تذكرت الآن أن مشكلتها تتعلق بأنها لم تتزوج بعد
.. اتقدم لي واحد.. دكتور جامعة.. أكبر مني بعشرين سنة-

..قالتها بسخرية مرّة

وبعدين؟-

..راجل عاقل.. لكن رفضته-

رفضتيه ليه طالما عاقل؟-

لو هتجوز واحد علشان هو عاقل.. يبقى الأحسن لي إني أتجوز آله حاسبة أو كمبيوتر-

:أطلقت ضحكة.. أما هي فقد استمرت بعد زفرة حارة

على العموم أنا مش متصلة علشان كده، أنا حاولت اتصل الحلقة اللي فاتت بس معرفتش.. الخط مشغول بشكل ينرفز-

..انتي عارفة.. الضغط فظيع-

.. عارفة بس كنت أحب اشترك في الحلقة السخيفة دي-
صدمني أسلوبها الحاد.. وكاد المخرج أن يقطع الخط.. لولا إشارة مني تمنعه من فعل ذلك

طالما شايفة البرنامج سخيف.. بتتصلي ليه؟-

.. أنا آسفة.. أنا قلت الحلقة اللي فاتت مقلتش البرنامج كله.. البرنامج كويس.. ولولا كده مكنتش تابعته-

إيه اللي معجبكيش في الحلقة اللي فاتت؟-

..موضوعها-

..قالتها وكأنها تبصق

قصدك البحث الخاص حول الحب؟-

آه وخاصة الجزء اللي بتقول فيه أنه مفيش بنت وحشة.. قلت إن كل البنات جميلات-

معترضة ليه على ده؟-

-معترضة لأني ببساطة بنت مش جميلة
اندهشت لهذا الأسلوب.. لم أتوقع أن تنعت فتاة نفسها بالقبح

..إحنا كنا بنتكلم الحلقة اللي فاتت على الحب الروحي-

.. كلام فارغ ــ قاطعتني بحدة ــ مفيش حاجة اسمها الحب الروحي-
:قلت بنفاذ صبر
.....إزاي ! لو كنتي سمعتي تليفونات المتصلين هتعرفي إن-

..مراهقين-

..قاطعتني ثانية

إيه اللي يخليكي تقولي كده؟-

..تجربتي الشخصية-

أنا قلت إن كل بنت حلوة في عين اللي بيحبوها والدليل على كده إن فيه بنات جميلات جداً لكن مش محبوبين وفيه.. بنات أقل منهن جمالاً ومع ذلك محبوبات جداً

ليه قلت أقل منهم جمالاً، ليه مقلتش ببساطة بنات مش جميلات-

لأنه مفيش بنات مش جميلات-

..أنا بنت.. ومع ذلك مش جميلة-

..مش انتي اللي تشوفي ده.. غيرك اللي يشوفه-

.. غيري شايف كده-

..قالتها بمرارة

..لازم تكوني واثقة في نفسك ومتسمعيش لأي حد-

..أشار إلي المخرج محذراً.. وقت البرنامج لا يسمح لكل هذه المهاترات

أنا حاولت أحكي مشكلتي الحلقة اللي فاتت بس منفعش.. تجربة خاصة تهد كل اللي اتقال طوال ساعتين الحلقة اللي فاتت-

ممكن تدخلي في الموضوع مباشرة.. قولي مشكلتك وسيبينا إحنا نحكم-

..أوك.. أنا طالبة.. تقريباً عندي ستة وعشرين سنة-
:سألتها متعجباً
.. طالبة وعندك ستة وعشرين سنة-

..سبني أكمل-

..آسف-

أنا في رابعة تجارة.. مكنتش عاوزة أخلص دراسة.. بصراحة حياة الجامعة داخلة دماغي.. كنت خارجة من ثانوي وأنا بفكر في الجامعة نفسي أقابل حد أحبه ويحبني بجد.. رميت لبس المدرسة ولبست اللبس اللي يناسب بنت عندها عشرين سنة.. لكن للأسف اللبس مش كل حاجة.. شفت بنات كتير بتحب وتتحب.. وأنا لأ.. كل البنات بتتعاكس في الكلية.. وأنا لأ.. وعرفت طبعاً إن السبب إني مش حلوة.. ومفيش شاب بيعاكس بنت مش حلوة

.. وبعدين-

قلتها بضيق.. لا أحب هذا النوع من المشكلات العاطفية.. البحث عن الحب

:قالت

..الموضوع ده عملي أزمة نفسية كبيرة..وخلاني انطوي وابعد عن أصحابي-

ليه كده؟-

علشان مسمعش كلمة تجرحني.. زمايلي بيعاملوني كولد.. وده بينرفزني.. بتعمد إني ألبس لبس صارخ علشان ألفت نظرهم-

:ضحكت وأنا أقول
.. فكرة كويسة-

بس مجابتش نتيجة.. دايماً يقولوا إني أختهم.. حاجة تضايق فعلاً.. محاولة منهم إنهم يجاملوني.. بس محاولة سخيفة-

أكيد ميعرفوش إن الكلمة دي بتضايقك-

..يمكن.. المهم إن كل الحاجات دي كانت سبب إني أتحاشى أصحابي وخصوصاً البنات-

غيرانة منهم؟-

:ترددت قليلاً ثم قالت

.. أيوه.. وكمان علشان محسش بالنقص اللي عندي.. وغير كده بتضايق لما أتحط في مقارنة مع أي حد-

.. أكيد محدش يحب يقارن بحد تاني.. بس كملي-

من حوالي شهر كانت واحد صحبتي عاملة حفلة تنكرية في بيتها.. بصراحة فكرة تجنن.. وأهي نوع من التجديد وكان البيت زحمة موت شباب وبنات ورقص وضحك.. والمختلف إن الكل لابس أقنعة مختلفة الأشكال والألوان فما كنش حد يقدر يميز التاني.. وده كان هدف الحفلة.. إننا نعمل صداقات وعلاقات جديدة.. وكله يرقص مع كله من غير أي مشكلة

.. فكرة كويسة-

أكيد.. كان الجو جامد جداً.. بس أنا كنت واخده جمب من الحفلة.. عارفة إن محدش هيعبرني كالعادة.. اكتفيت إني..أقعد بعيد أتفرج.. كان الجو تحفة.. وفعلاً أكتر وقت اتمنيت فيه إني أكون جميلة

..قالتها بحسرة.. شعرت أني أراها عبر أسلاك الهاتف.. لا أعلم لماذا تخيلتها جميلة

:استرسلت في الكلام قائلة

فوجئت بشاب جاي ناحيتي.. كان مقنع برده.. اندهشت لما لقيته بيكلمني بود وطلب مني ارقص معاه تخيلته بيبتسم من تحت القناع.. اسلوبه كان رقيق جداً.. استغربت.. مديت ايدي ناحية وشي.. وعرفت سبب دعوته للرقص.. كنت نسيت إني لابسة القناع.. كان حظي حلو

..يعني هو طلبك للرقص كرجل عاوز يرقص مع بنت.. من غير أي اعتبارات تانية-

.. حاجة زي كده.. رجل وامرأة فسيولوجياً.. وإن كانت المرأة دي قبيحة-

وافقتي ترقصي معاه؟-

بتهرج ! طبعاً.. ده أنا كنت طايرة من السعادة..دي أول مرة..حسيت فعلاً إني بنت بجد..رغم إني برقص كتير قدام المرايا علشان أحس بأنوثتي.. بس كنت دايماً بتمنى أرقص مع راجل.. ودي كانت الفرصة..متصور إني أقدر أرفض؟

..أكيد لأ-

قمت معاه زي المسحورة.. محستش إلا بأيده وهي بتلف حوالين وسطي.. إحساس رائع-

اتكلمتوا في حاجة؟-

في الأول لأ.. كنت في عالم تاني.. والرقصة خلصت للأسف.. من ارتباكي سحبت نفسي للركن اللي كنت قاعدة فيه..وأنا مبهورة-

ده إحساس طبيعي تجاه شئ كنتي محتاجاه ودخل حياتك فجأة..تمام زي إحساس اللي يقعد أسبوع من غير ما يشرب والدنيا حر..والناس كلها بتشرب.. وفجأة تنزل عليه ميه ساقعة

محاولتش أترجم إحساسي..كنت مركزة إني استمتع بيه لآخر رمق..وبعدين سمعت موسيقى أسباني بحبها جداً هزيت جسمي مع الموسيقى بسعادة.. ولقيت نفس الشخص بيطلب مني إني أرقص معاه تاني

..جميل جداً-

وبعد شوية قعدنا نتكلم.. مقلتلوش عن اسمي.. طول الحفلة مبعدش عني.. اختفى خمس دقايق بس عدوا زي الخمس ساعات..خفت ليكون مشي.. لكن لقيته جاي بسرعة ناحيتي وفي أيده ورد.. عمر ما حد أداني ورد لحد اللحظة دي.. اعتراف يضحك.. مش كده؟

:قالتها وتهدج صوتها حزناً.. ثم استرسلت قائلة
.. على العموم الشبان مبيدوش ورد إلا للبنات الجميلات.. بس أحسن حاجة في الدنيا إن حد يهتم بيك.. انت عارف لقيته بيجري ناحية البوفيه وجابلي عصير برتقال.. وشربنا وضحكنا.. كانت دماغي بيدور مش مصدقة.. كأنه حلم ..اتمنيت إني مصحاش منه.. فعلاً فكرة الحفلة التنكرية دي رائعة.. ياريت كان ربنا خلق الناس كلها مقنعين

:ضحكت قائلاً

..هو فعلاً ربنا خلقنا مقنعين.. بس أقنعة مزيفة بنداري بيها حقايق مش تمام

والقناع اللي كنت لابساه في الحفلة كان بيداري حاجات مش تمام.. وبسبب إن البنات كلهم كانوا لابسين أقنعة.. بقيت للمرة الأولى زيي زيهم.. لو كان شافني من غير القناع.. كان مستحيل يرقص معايا.. ولا حتى عبرني
-مش ضروري
قلتها بتحد

على العموم اتكلمنا في حاجات كتير.. والوقت إتأخر.. وللأسف كنا مضطرين نمشي.. طلب مني بإسترجاء إننا نتقابل تاني.. طبعاً أنا ما-

صدقت.. بس هنتقابل طبعاً من غير أقنعة.. قاللي كده وهو بيتحسس قناعه.. وأنا زعلت.. هو لازم نقلع الأقنعة؟

..أكيد.. مش هتعيشي عمرك كله بقناع-

أهو أحسن من الحقيقة.. بس كنت لازم أقابله تاني.. حسيت إن الدنيا أخيراً بتبتسم لي..اتفقنا نتقابل تاني يوم في كافيه.. مشهور.. قلتله إني هكون لابسة فستان أزرق.. ووصلني للبيت والأقنعة لسه على وشوشنا

!..غريب-

.. ده كان شرط الاحتفال.. إن محدش يقلع قناعه قدام حد-

..شرط غريب-

بس مفيد.. طبعاً الليلة دي منمتش.. كنت بفكر فيه.. وبتخيل شكله.. ولما نمت بصعوبه.. حلمت بيه أسمر طويل..قوي.. وشوية أشوفه أبيض عينه عسلي.. بس حبيته في كل الوشوش

عجيبة.. حبيتي واحد متعرفيش شكله؟-

:قالت بسخرية

وإيه علاقة الشكل بالحب.. مش ده اسمه حب روحي
لم أجد ما أقوله.. وضحك كل من في الأستوديو من حولي.. قالت

رحت تاني يوم قبل المعاد بعشر دقايق.. وقعدت على أول ترابيزة ناحية الشمال ــ زي ما اتفقنا ــ كانت عيني بتبص.. لكل واحد بيدخل المكان.. بس أنا كنت عارفة إني هعرفة بمجرد ما أشوفه

.. عارف.. بيسموا الموضوع ده عين البصيرة-

يسموه زي ما يسموه.. المهم جه في المعاد بالظبط.. عرفته على طول..بص ناحية أول ترابيزة.. وبصلي.. أسمر.. وعينه جميلة وقوية.. دار بعينه في المكان.. وراح ناحية أول ترابيزة ناحية اليمين

مش اتفاقكوا كان ناحية الشمال؟-
فعلاً.. يظهر أنه نسي.. أو متصورش إن الدميمة دي هي اللي كان بيرقص معاها-
قالت الجملة الأخيرة بمرارة.. وصمتت.. شعرت أنها تبكي.. ولكن تكتم دموعها.. تمنيت لو أحتوي تلك الفتاة جميلة الروح
:قالت أخيراً

قعد قدامي.. وكان بيبص ناحيتي من حين لآخر.. بس من غير اهتمام.. كان كل اهتمامه بالباب والساعة.. وبعد ساعة.. كاملة.. قام ومشي
..صدمت حقاً

مشي؟-

:قالت متألمة

فهمت للأسف.. كان بيدور على وش تاني غير وشي.. قلبي وجعني بجد.. كنت عاوزة أجري وراه وأحضنه.. بس كبريائي منعني.. مش عارفة حتى إن كنت أقدر أعمل كده ولا لأ.. مكنتش عاوزة أكسّر الصورة الجميلة اللي رسمها لي جواه.. يكفي إنه يحبني لتصور جواه.. أكيد أفضل من الحقيقة

..الحقيقة أفضل من الخيال دايماً-

اللي إيده في الميه مش زي اللي إيده في النار.. عرفت ليه أنا مبصدقش حاجة اسمها الحب الروحي.. والجمال الروحي.. ده كلام روايات مين اللي يهتم بالبنت القبيحة.. الدميمة.. علشان كده عاوزة أسألك.. مين اللي محتاج كلامك عن الحب..؟ علشان يوصل للحب.. لو كنت جميلة مكنتش هحتاج لنصائح علشان أوصل للحب.. كان هيجيلي لوحده

:كنت من داخلي أشعر أنها على حق.. قلت مواسياً

.. كل إنسان فيه حاجات حلوة كتير.. بس مبيشفهاش-

:قالت

تعملّي إيه الحاجات الحلوة لو أنا مش جميلة.. أنا حزينة.. لأني مليش مكان في عالم كنت بتمناه.. عالم الحب.. العالم ده للجميلات بس.. أنا حبيت للأسف.. بأي حق.. ألعن نفسي.. أنا وحشة.. ببص لكل الجميلات بحسرة.. حتى أختي اللي بتسهر للصبح على التليفون.. شباب بالآلاف بيكلموها.. قول لي أعمل إيه؟ ليه ربنا بيخلق بنات جميلات وبنات قبيحات..؟

..كانت شبه باكية

:قلت باستسلام

زي ما بيخلق الربيع بزهوره.. والخريف بشجره الميت.. زي ما بيخلق واحد طويل وواحد قصير.. زي ما بيخلق الجميل والقبيح.. بس المهم هو نظرتنا إحنا للجميل والقبيح.. في ناس بتكره الشتا.. وناس بتكره الصيف.. ناس بتحب البحر.. وناس بتكرهه.. ناس بتشوف غروب الشمس جمال وسحر.. وناس بتشوفه موت وفناء.. المهم إنتي شايفة الجمال إزاي؟

مش عارفة من ساعة ما كبرت وحسيت إني المفروض بنت بس ده مش صحيح.. معنتش بشوف حاجة.. آسفة أنا طولت عليك.. وكمان -مش هقدر أكمل.. تعبت.. آسفة مضطره أقفل.. وهكلمك مرة تانية

يا ريت.. نورتيني يا...... معرفتش اسمك؟-

..رغم إنه مش هيفرق معاك بس هقولك.. جميلة.. اسمي جميلة-

ثم أغلقت الخط.. توالت الاتصالات بعد ذلك تتحدث عن تلك الفتاة.. البعض يوصفونها بالماسوشية.. والبعض يبكون- ..لأجلها.. وأنهيت الحلقة دون حل

لا أعرف.. ظل كلامها يدور في رأسي كثيراً.. هل ستتصل بي ثانية أم لا.. يبدو أنها لن تتصل.. في هذه الأيام أخذتأنظر للبنات اللائي لسن على قدر من الجمال.. تذكرت قول إحداهن " لما بروح السينما باقطع تذكرة الصف الأول مبشوفش حد.. وبالتالي محدش بيشوفني " هذه كلمة سمعتها وأنا طالب في الجامعة..إنها لم تكن جميلة أيضاً وبشكل غريب أخذت ألاحظ اللواتي يتجولن وحدهن.. والجالسات في المسرح والسينما دون رفيق.. إنهن جميعاً لسن على قدر من الجمال فأخذت تلاحقني فكرة " أن كل واحدة منهن كانت في حفلة تنكرية.. وأنهن يكبتن حباً ما"

أما أنا فلم أعرف ماذا أفعل لصاحبة الاتصال.. وبماذا يمكن أجيبها؟.. إليك أيتها الفتاة الحزينة أكتب فقط.. فليحزن الناس قليلاً من أجل قصة حبك.. ويتسامرون حولها.. لعل حبيبك صاحب القناع يقرأ القصة

تذكرت سؤال سألتني إياه إحداهن بعد الحلقة بعدة أيام.. وأنا أحاول أن أؤكد على نظرية الحب الروحي.. " أنت مثلاً ..مش متجوز.. ممكن فيوم تتجوز واحدة مش جميلة " وفي ذلك الحين لم أجد ما أقوله

ذهبت للأستوديو في الليلة التالية.. وتوجهت ناحية ملفات الحلقات الخاصة بالبرنامج.. كان ملف حلقة " لا توجد بنات قبيحات " لا يزال على السطح.. قرأته مراراً.. ثم لم أجد أمامي إلا أن أودعه سلة المهملات

ما وراء الأفق

2007-02-25T17:07:00.000-08:00

نجلس ننتظر يوما يأتي فيه الأمل
ننظر وننتظر ما وراء الأفق
أحلام تراودنا عن ممالك زائلة
وأخرى تنهض من تحت الثرى
ولكن اعذروني هذا الأمل لن يتحقق
فالأحلام لا تأتي لأصحابها إلا أثناء النوم
ولن نحققها ونحن أسفل الأغطية في الظلام

نتألم إن دخل النور في أعيننا المغلقة
إن غزو العالم يبدأ برفع السيف

قطار الرغبة

2007-02-16T16:48:00.000-08:00

لقد تماديت في غمر الدماء المهراقة

وخضت فيه بحاراً

فإذا أردت العودة على أعقابي

كانت مشقة

كمشقة السير للشاطئ المقابل

أنصاف أحلام

2007-02-13T17:33:00.000-08:00

بمناسبة عيد الحب

كي يصبح عيد الحب القادم أكثر جمالاً

معشر النساء..استمعوا

ممنوع دخول الرجال

غايــــــة الرجــل أن يُــحـــَبْ
ويـــحـقـــق غايتـــه بعــــد أن يــَحِـــبْ
وغــــايـــــة المـــرأة أن تـــَحــــِبْ وتُــحَـــبْ
وتــتـــحـــقـــــق غـــــايـــتــهـا بـعــــد أن تُــحـــَبْ

فإذا أحَبّت امرأة قبل أن تُحَبْ.. حققت غاية حبيبها.. فلا يجــد فائــدة من أن يَحِــبــّها
وإذا أحب الرجل..فقـد حـقق لحـبيبته نصـف غايتها فلا تجد مفراً من أن تُحبه حتى تحقق النصف الآخر

فيا معشر النساء..أنصحكن أن لا تُحببن الرجل قبل أن يحبكن هو..حتى لا تضيع أحلامكن.. وتعيشن بأنصاف أحلام

فقد عجبت لكم يا معشر الرجال.. إذا أحببتم وجدتم غاياتكم كاملة..وإن وجدتم من يحبكم لا تنظروا إليه..فقد تحققت الغاية أيضاً كاملة

-------------------

بصوا..النص على شكل هرم..اعتبروا الحب هرم..مينفعش نبدأ من القمة..لازم ناخده واحدة واحدة علشان نوصل سالمين

عيد حب سعيد على الجميع

نعم..فلنحلم

2007-02-05T21:19:00.000-08:00

شردت اليوم..جمحت بي أحلامي
ثم رأيت
أركب أفخم سيارة..أرتدي حلة أنيقة..أملك أموالاً لا طائل لها
..حلمت
السعادة..راحة البال
ثم أفقت..وخفت
أحلام كبيرة في عيون شابة
شعرت
أريد أن أصنع شيئاً لتلك الأعين
ثم تذكرت
أنني لم أصنع شيئاً بعد لنفسي
بكيت
تصورت كل تلك العيون وقد تحطمت أحلامها على صخور الواقع
كيف لشباب مثلنا أن ييأس
أن يعجز حتى أن يحلم
ثم شردت
وحلمت أنني قد حققت أحلامي
ثم أفقت ونفضت الأحلام عن رأسي
كي لا أيأس
ثم تذكرت
---------------
إذا كنت تخشى أن تحلم
حتى لا تجمح بك أحلامك
فإذا جمحت بك وحاولت تحقيقها وفشلت ــ كما تظن ــ ستتحطم
لذا أردت أن أقول
إذا كان للفشل طعماً مراً
أيضاً من العار أن يقال فشل في أن يحلم
وخير أن يقال حاول وفشل في تحقيق أحلامه

وأقول

إقتل شاباً ولاتقتل حلمه

الشرفات

2007-02-05T20:41:00.000-08:00

..خواطر شاب عربي لم يعرف كيف يحب

إهداء إلـى كل مـن يحـب وطنـه

إهداء إلى كل من أخلص في حبه

إهداء إلـى الـزعيــمـة داليـــا

..نعم كنت أحبك..حتى رأيتك حين دخول جيوش الإفرنج إلى بغداد العربية تبتسمين
كنت ذاهباً إليك، متشوقاً لرؤياك ورؤية وهج جسدك وبريق عينيك قبل ذهابي لقتالهم، ولكن غربت شمس حبي لك مع غروب شمس العرب..حين رأيتك يا ليلى تقفين بإحدى الشرفات لتحية جند الإفرنج

ظللت أرقب رايات الأعداء وقد ارتفعت فوق مساجد بغداد وفوق كنائسها، ترقص وترفرف سخرية من الشمس الغاربة، وتحمل نجوماً حمراء وجمجمة ونجمة داوود وصليباً معقوفاً

كنت أريدك، كنت أبهى لوحة في معرض حبي، ولكني رأيتك في اللوحة تقفين بإحدى الشرفات لتحية جندي الإفرنج

صرخات الطفل العربي في أذني تمزق صدري، وأنا أراك تلقين بزهورك على جيوش الغدر، فأخذ عقلي يتصور زهورك رصاصاً وناراً تخترق صدر الطفل ورأسه

كنت أظن بأنني أصنع من حبي قلاعاً تحمي وطني، تمنع عنه قيظ الشمس، وإرتعاشة البرد، تمنع عنه الجوع، تمنع عنه الظمأ والخوف، تحمي حسنه وعروبته واستمد القوة من حبك..حتى رأيتك تقفين بإحدى الشرفات لتحية جند الإفرنج

وتهدمت قلعة حبي مع صورتك تلك، وسقطت بغداد مع قلعة حبي.. فلم تعد القلعة تحميها أو تمنع عنها الأخطار كنت أظن أن الحب يجعلني أحيا بعد الموت، يجعلني أحمل سيفاً أشهره في وجه الأعداء، يعطيني فرساً أمتشقه لأذود عن وطني، حتى أتحول أشلاء، فأعود لأنهض من موتي، ويصير الحب الأبدي سلاحاً أحطم به قيود الخوف والضعف..وأموت..وأنهض..وتعود طيور الحب لتبني في صدري أعشاشاً وتغني ..أصير وسيماً، وأضيف على طولي طولاً، أحطم أغلال الأسر، أحطم أغلال الحرب، وأموت وأعود لأحطم تلك الأغلال ..حتى رأيتك في اللوحة تقفين بإحدى الشرفات لتحية جند الإفرنج

ولم يعد حبك يحميني، ويأتي رصاص الغزاة ولا شئ يمنع هطوله فوقي، يخترق جسدي، يرديني تحت الأقدام قتيلاً لم يساعدني حب ميت على البعث من جديد، حملوا جسدي، ألقوني بقبو رطب، نظرت عبر القضبان، فصعقت أحد الحراس يغتصبك ويباشر تعذيبك
نهض حبي من جديد، فنهضت من موتي، بكيت الظن السئ بك، فها أنت يا أجمل نساء الدنيا تصونين العهد، عاد هواك إلى قلبي فعادت الروح إلى جسدي
نهضت..انطلق الرصاص ليقتلني..فحماني حبك منه وزاد عن جسدي القتلى
وأنا بمعجزة الحب النابض الناهض أنمو..أكبر..أتسامق..سأهدم بعد قليل هذا السجن، لأحطم أغلال الأسر، وأحرر الشمس العربية
ولكن كان الغدر..عدت لضعفي..لسقمي.. وقبحي..حين رأيتك يا ليلى تقفين بإحدى الشرفات لتحية جند الإفرنج

غابت عن وجهي صورتك..تمددت على خشب التعذيب وتاج الشوك على رأسي..بتروا قدماي، دقوا المسامير بيداي..رفعوا الصلبان..وتصمتين يا ليلى..فلا أسمع سوى صوت أجراس النصر لتعلن نصر الإفرنج

لا..لا تبكي يا ليلى فلا إثم عليك..فها أنذا فوق صليبي أبكي سقوطك وسقوطي وسقوط العرب.. أبكي غروب الشمس
فأنا أسلمتكما للأعداء..لأنني لم أعرف هدم الشرفات

العراق مستسلمة

2007-02-02T20:21:00.000-08:00

هامش على أوراق دامية غير معروفة الهوية

في زوبعة الحروب

بين النيران

صرخات في كل مكان

تصم الآذان

نجلس جميعاً أمام الشاشات

خلف أوراق الصحف

نتحدث في الطرقات

أمريكا تقتحم العراق

قلوبنا تخفق

العراق صامدة

تتوعد لأعدائها

وقلوبنا تخفق

العراق لن تسقط ثانية

لن تحرق بغداد

لن يموت ابن سينا والأصمعي

العراق باقية

صامدة

سقطت الفلوجة والبصرة

وقلوبنا تصرخ

العراق صامدة

مات الآلاف

العراق صامدة

أمريكا تضرب والعرب يصمت

والعراق صامدة

وسقطت بغداد

وهلل العراقيون لسقوط العراق

وقلوبنا تدمي

العراق مستسلمة

سقطت بغداد

قتل الحسين ثانية

بكى الفاروق

اين الرجال

مات الرجال

فقد سقطت بغداد

وهلل العراقيون

وبكت قلوبنا

لم تبكي لسقوط العراق

أو تهليل العراقيين

بل بكت دموعها التي ضاعت هباء

لأجل بلاد مستسلمة
فالعراق لم تعد صامدة

أميرة الحب

2007-01-31T14:06:00.000-08:00

تابع دعوة على العشاء

كان عندي أميرة الحب
وضاعت أميرتي الحسناء
لا تعاقب ربي
من عذبتني بحبها
واعف عنها فأنه الكبرياء
لم تتحمل صمتي ملياً
وبلغت من الصبر عتياً
وكان حبها العنقاء
خرج من الرماد بعد موت
يبحث عن حبيب يشاء
فقد هَدِمَت عمري
وأعادت ما جنيت إلى الوراء
الفدائي وحده يحب
وكل ما بنيته هراء
ظننت أنه قوياً
سيصمد في وجه الطغاة
لكن تهاوى البناء
أمام الطغاة

الضعف والزمن والشقاء
وتحولت أشعاري من الفخر والحماسة

إلى الرثاء

طغيان العقل

2007-01-30T19:06:00.000-08:00

تابع دعوة على العشاء

ألقاني ملك طاغ
يدعى زمن
في أخاديد الاحتراق
فأنا من أصحاب الأخدود
لأنني من العشاق
هذا ما جناه زمني
جرفتني هموم الانسياق
خلف زمن متدفق
كأنهار من الدم المراق
هذا ما جناه عقلي
فقد نصحني بالجفاء
ورغم صوت قلبي
وصراخ الحب في الأجواء
سرت خلف العقل
وأهملت ما أذرفه القلب من دمع
وليالي قضاها بكاء
وها هو قلبي وحيداً
وثرائي ينظر في جفاء

***

أشارت إلي بحبها كثيراً
ولكني كنت بإغماء
تركتها وحيدة
وانتظرت الوفاء
كنت أظن أني أعشق قديسة
أو مر يم العذراء

دعوة على العشاء

2007-01-29T17:38:00.000-08:00

ذهبت ليلاً للعشاء
كنت مدعوّاً عندهم
رأيتها بين النساء
مرت أعواماً ولم أرها
رأيتها هذا المساء
تذكرت رحلات الصيف
وجولاتنا في الشتاء
أيام الحب الطويلة
ضاعت كلها هباء
كانت كعادتها
أجمل الحاضرين
في أبهى رداء
ترتدي فستاناً داكناً
تعقص شعرها بزهرةٍ حمراء
جسدها أكثر نضوج
ترتدي معطفاً من الفراء
لازالت كما هي فاتنة
كما رأيتها آخر لقاء
تلاقت الأعين لحظة
حلقنا سوياً في السماء
سارت بخفة بساقها الرقيقة
تلك الساق البيضاء
ابتعدت عني خطوة
ثم نظرت وابتسمت
لأصير من الأحياء
دعوتها للرقص
اعتذرت في حياء
أعطيتها باقة من الزهور
بطاقة واسم وزهور حمراء
عادت للابتسام بخفة
رداً للإهداء
سألتني من أنت؟
يبدو وجهك مألوفاً
تبدو من الأصدقاء
ذكرتها بأيامنا سوياً
شردت لحظة
عادت بذاكرتها للوراء
ثم ضحكت وعانقتني
وأشرق وجهها وأضاء
..أأنت يوماً من أحببت
وكنا في الحب شركاء؟
نسبت نفسي الآن إليكي
لم أعد من الغرباء
مرت سنوات طويلة
أنتظر هذا اللقاء
ابتعدت عنكي زمناً
لأكون من الأثرياء
لأكون أهلاً لكي
قوياً من العظماء
..ألا نعيد حبنا للحياة
ونرجع الزمان للوراء..؟
دارت عيناها في وجوه الحاضرين
ثم ضحكت في صفاء
رفعت بنصرها الأيسر
أبصرت دبلة ذهبية
تلمع في نقاء
تغيرت الألوان أمامي
تحولت المروج الممتدة
إلى رمال حارة وصحراء
أصبحت جدب وموت
وكانت حدائق غنّاء
ليتني لم أقابلها
وعشت بقية أيامي
على أمل اللقاء
شعرت بقلبي ممزق
وتحول إلى أشلاء
اعتذرت وتراجعت
دفنت وجهي في الأطباق
شعرت بقلبي يموت
ضربت جذور الحزن في الأعماق
زاغت عيناي
ملئت دموعي الأحداق
ظننت أن الزمن
يقتل حرارة الأشواق
ولكن هاهو شوقي لا يزال متأججاً

وعواصف حبي هوجاء

آخر أيام شهرزاد

2007-01-29T17:26:00.000-08:00

:قالت شهرزاد في الليلة الثانية بعد الألف
بلغني أيها الملك السعيد..ذو الرأي الرشيد
أنه في زمان غير الزمان..ومكان غير المكان
كان هناك شاعراً في المعبد يدعى إبر-هيم
ذو خلق قويم..وعقل سليم
كان يعشق الفن..يمارسه ويدرسه
والوقت له يكرسه
أخذ ينهل من الكتب..في هدوء وأدب
وكانت إدارة المعبد تحبه لتفوقه
وتجزل عليه العطاء..ولا تنساه بالثناء
ولأنه أصيل..لا ينسى الجميل
كان يزداد تفوقاً..ويظهر الوفاء
كلما ذهب أو جاء..في الخير أو في البلاء
ورغم إضطهاد الرهبان..وخاصة كبيرهم..
يضطهده ويكره تفوقه
وكان المسكين يتحمل
يتعثر ثم يكمل
حتى جاء اليوم الموعود
في حشد محشود..وصرح مشهود
صاغ إبر-هيم قصيدة من أروع ما كتب من قصائد
تكلل مسيرته ضد الشدائد
واعتبره البعض أنه هكذا يتحدى إرادة الآلهة
غيرة وحقداً
اتهموه بأنه يوصف في قصائده النساء
ويجدف على السماء
والمسكين لم يصف فيها إلا حياته في البيداء
وحبه للخضرة والماء
فتحداه الأعداء
بكل مرض وداء
حتى جاء الوباء
وأصيب الرهبان بالعماء
منعوه من صياغة الشعر أو قول البيان
وظنوا أنه هكذا يهان
وأقنعوه بأنه يصان
وهذا مكانه منذ زمان الزمان
فلم يتحمل الشاعر المسكين..فقطع الشريان
فلجأ أصدقاؤه لكل ملاذ..ولم يستطيعوا له إنقاذ
ومات الشاعر الغلبان..وعلى كلامه لسان يقول
"دعوا الفن للفنان..وكفوا عن تحدي الزمان"
فعلم بموته كبير الرهبان
وكان يسمى سلطان
فندم ندماً عظيماً..وطلب من الآلهة الرحمة والغفران
فسمعه ملك الجان..فخشي فتاب..ولربه أناب
وأراد التكفير بمساعدة كل محتاج وغلبان
ولكنه لم يستطع تحدي الدستور
الذي وضعه كبير الكهان
سلام كبير الكهان
فاروق حسني الوزير الفنان
ومات كل التائبين في سبيل إقرار الحق والسلام
وصلى عليهم السيد حسني مبارك في معبد عمر مكرم
ولم تدرك شهرزاد الصباح
ولم نسمع للديك صياح
فالكلام لم يعد مباح